ଆଦାନୀଙ୍କୁ ନେଇ ସଂସଦରେ ହୋହାଲ୍ଲା, ଏକାଠୀ ହେଲେ ୧୬ ବିରୋଧୀ ଦଳ ନେତା।
କନକ ବ୍ୟୁରୋ: ଆମେରିକୀୟ ସଂସ୍ଥା ହିଣ୍ଡେନବର୍ଗ ରିସର୍ଚ୍ଚ ରିପୋର୍ଟ ପରେ ଆଦାନୀ ଗ୍ରୁପର ସେୟାର କ୍ରମାଗତ ଭାବେ ହ୍ରାସ ପାଉଥିବା ବେଳେ ଏହାକୁ ନେଇ ସଂସଦରେ ମୋଦୀ ସରକାରଙ୍କୁ ଘେରିଛନ୍ତି ବିରୋଧୀ । ଆଦାନୀ ଗ୍ରୁପ୍ ବିରୋଧରେ ଆସିଥିବା ଅଭିଯୋଗର ନିରପେକ୍ଷ ତଦନ୍ତ ଦାବିରେ ସୋମବାର କଂଗ୍ରେସ ସମେତ ବିରୋଧୀ ଦଳ ନେତାମାନେ ସଂସଦର ଉଭୟ ଗୃହରେ ହୋହାଲ୍ଲା କରିଛନ୍ତି । ଏହି ଘଟଣା ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମୁହଁ ଖୋଲନ୍ତୁ ବୋଲି ବିରୋଧୀ ଦଳ ନେତା ମଲ୍ଲିକାର୍ଜୁନ ଖଡଗେ ଦାବି କରିଛନ୍ତି । ସୋମବାର ସଂସଦର ଅଧିବେଶନ ଆରମ୍ଭ ହେବା ପୂର୍ବରୁ ୧୬ ବିରୋଧୀ ଦଳର ନେତା ମଲ୍ଲିକାର୍ଜୁନ ଖଡଗେଙ୍କ ଚାମ୍ବରରେ ଆଲୋଚନା କରିଥିଲେ । ପରେ ସମସ୍ତେ ଏକାଠୀ ହୋଇ ସଂସଦର ଉଭୟ ଗୃହରେ ମୋଦୀ ସରକାରଙ୍କୁ ସମାଲୋଚନା କରିଥିଲେ ବିରୋଧୀ ।
Kanak News is now on WhatsApp
Join and get latest news updates delivered to you via WhatsApp
ଦୁଇ ସପ୍ତାହ ଧରି ଆଦାନୀ ଗ୍ରୁପ୍ର ସେୟାର କମୁଥିବା ବେଳେ କମ୍ପାନୀ ୧୦ ଲକ୍ଷ କୋଟି ଟଙ୍କା ହରାଇସାରିଲାଣି । ଆଦାନୀ ଗ୍ରୁପ ସେୟାର ମୂଲ୍ୟ ୫୮ ପ୍ରତିଶତ ହ୍ରାସ ପାଇଛି । ନିବେଶକମାନେ ଆଦାନୀ ଗ୍ରୁପର କମ୍ପାନୀଗୁଡିକର ସେୟାର ବିକ୍ରି କରୁଥିବାରୁ ଆଦାନୀଙ୍କ ବିଭିନ୍ନ କମ୍ପାନୀର ସେୟାର ମୂଲ୍ୟ ଲଗାତାର ହ୍ରାସ ପାଇବାରେ ଲାଗିଛି । ଜାନୁଆରୀ ୨୪ରୁ ଫେବ୍ରୁଆରୀ ୩ ତାରିଖ ଦୁଇ ସପ୍ତାହ ମଧ୍ୟରେ ଆଦାନୀରେ ସେୟାର ବହୁ ପରିମାଣରେ ହ୍ରାସ ପାଇଥିବା ଦେଖିବାକୁ ମିଳିଛି ।
ଆଦାନୀ ଗ୍ରୁପ୍ର ବଜାର ପୁଞ୍ଜି ହ୍ରାସ
କମ୍ପାନୀ ଜାନୁଆରୀ ୨୪ ତାରିଖ ଫେବ୍ରୁଆରୀ ୩ ତାରିଖ
ଆଦାନୀ ଟୋଟାଲ ଗ୍ୟାସ ୪. ୨୮ ଲକ୍ଷ କୋଟି ଟଙ୍କା ୧. ୭୯ ଲକ୍ଷ କୋଟି ଟଙ୍କା
ଆଦାନୀ ଏଂଟରପ୍ରାଇଜେସ୍ ୩. ୯୨ ଲକ୍ଷ କୋଟି ଟଙ୍କା ୧. ୮୧ ଲକ୍ଷ କୋଟି ଟଙ୍କା
ଆଦାନୀ ଟ୍ରାନ୍ସମିସନ ୩. ୪ ଲକ୍ଷ କୋଟି ଟଙ୍କା ୧.୫୬ ଲକ୍ଷ କୋଟି ଟଙ୍କା
ଆଦାନୀ ଗ୍ରୀନ ଏନର୍ଜୀ ୩. ଲକ୍ଷ କୋଟି ଟଙ୍କା ୧. ୪୮ ଲକ୍ଷ କୋଟି ଟଙ୍କା
ଆଦାନୀ ପୋଟସ୍ ୧. ୬୪ ଲକ୍ଷ କୋଟ ଟଙ୍କା ୧. ୮ ଲକ୍ଷ କୋଟି ଟଙ୍କା
ଆଦାନୀ ପାୱାର ୧.୦୫ ଲକ୍ଷ କୋଟି ଟଙ୍କା ୭୪ ହଜାର କୋଟି ଟଙ୍କା
ହିଣ୍ଡେନବର୍ଗ ରିପୋର୍ଟ ପରେ ବେଳେ କେବଳଯେ ଆଦାନୀ ଗୁପ୍ର ସେୟାର କମୁଛି ତାହା ନୁହେଁ । ଭାରତୀୟଳ ଷ୍ଟକ ବଜାର ମଧ୍ୟ ପ୍ରଭାବିତ ହୋଇଛି । ଚଳିତ ବର୍ଷ ବିଦେଶୀ ନିବେଶକମାନେ ଭାରତୀୟ ଷ୍ଟକ ବଜାରରୁ ୩୪ ହଜାର ୬୦୫ କୋଟି ଟଙ୍କାର ପୁଞ୍ଜି ପ୍ରତ୍ୟାହାର କରିଛନ୍ତି ।
କମ୍ପାନୀର ସେୟାର ମୂଲ୍ୟ ହ୍ରାସ ପାଉଥିବାରୁ ବିଶ୍ୱର ଧନୀ ତାଲିକାରେ ୩ ନମ୍ବରରେ ଥିବା ଗୌତମ ଆଦାନୀ ଏବେ ୧୮ ନମ୍ବର ସ୍ଥାନକୁ ଖସିଆସିଛନ୍ତି । ଯଦି ଏଭଳି ଭାବେ ଆଦାନୀ ଗୁୁପର ସେୟାର ହ୍ରାସ ପାଏ ତେବେ ଭାରତୀୟ ଷ୍ଟକ ବଜାର ଅଧିକ ପ୍ରଭାବିତ ହେବାର ଆଶଙ୍କା ଦେଖାଦେଇଛି ।