ନୁପୂର ଶର୍ମାଙ୍କ ବିବାଦକୁ ନେଇ ରାଉରକେଲାରେ ୧୪୪ ଧାରା ଜାରି: ଏହି ସବୁ ଅଞ୍ଚଳରେ କଟକଣା ଲାଗୁ
କନକ ବ୍ୟୁରୋ: ବିଜେପିର ନିଲମ୍ବିତ ମୁଖପାତ୍ର ନୁପୂର ଶର୍ମାଙ୍କ ବିବାଦୀୟ ବୟାନକୁ ନେଇ ବିକ୍ଷୋଭ ବେଳେ ହିଂସାକାଣ୍ଡ ଯୋଗୁ ବିଭିନ୍ନ ରାଜ୍ୟରେ କଫ୍ୟୁ ଲାଗୁ ହୋଇଛି । ଏହି ଧାରାରେ ସାମିଲ ହୋଇଛି ଓଡ଼ିଶା । ରାଉରକେଲାରେ ପୋଲିସ ୧୪୪ ଜାରି କରିଛି । ରାଉରକେଲାର ପ୍ଲାଂଟ୍ ସାଇଟ୍, ରଘୁନାଥପାଲ୍ଲୀ, ଉଦିତନଗର, ବନ୍ଧମୁଣ୍ଡା, ବ୍ରାହ୍ମଣୀତରଙ୍ଗ, ଝିରିପାଲି, ସେକ୍ଟାର-୧୫, ବିଶ୍ରା ଓ ଲାଠିପଟା ଥାନା ଅଂଚଳରେ କଟକଣା ଲାଗୁ କରାଯାଇଛି । ହେଲେ ସାଧାରଣ ଚଳପ୍ରଚଳ, ଦୋକାନ, ବଜାର ଖୋଲା ରହିଥିଲେ ବି ଧାର୍ମିକ ସମାବେଶ ଅବା ରାଲି କରିବାକୁ ବାରଣ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ସୋଶିଆଲ ମିଡିଆରେ କୌଣସି ଧର୍ମକୁ ନେଇ ବିବାଦୀୟ ବୟାନ ଦେଲେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଚେତାବନୀ ଦେଇଛି ପୋଲିସ । ପ୍ରଫେଟ୍ ମହମମ୍ମଙ୍କ ଉପରେ ବିବାଦୀୟ ବୟାନକୁ ନେଇ ଗତ ୧୦ ତାରିଖରେ ସାରା ଦେଶରେ ବିକ୍ଷୋଭ ପଦର୍ଶନ କରାଯାଇôଥବା ବେଳେ ରାଉରକେଲାରେ ମଧ୍ୟ ବିକ୍ଷୋଭ ହୋଇଥିଲ । ହେଲେ ଅନ୍ୟ ରାଜ୍ୟ ବିଶେଷକରି ରାଉରକେଲାଠୁ ପାଖରେ ଥିବା ଝାରଖଣ୍ଡର ରାଜଧାନୀ ରାଂଚିରେ ବିକ୍ଷୋଭବେଳେ ଦୁଇ ଜଣଙ୍କ ମୃତ୍ୟୁ ହୋଇଥିଲା । ଯାହାକୁ ନେଇ ରାଂଚିରେ ବ୍ୟାପକ ହିଂସା ଦେଖିବାକୁ ମିଳିଥିଲା । ରାଂଚି ରାଉରକେଲାଠୁ ଅଳ୍ପ ଦୂରରେ ଥିବାରୁ ରାଂଚି ହିଂସାକାଣ୍ଡର ପ୍ରଭାବ ଏଠାରେ ପଡିବାର ଆଶଙ୍କା ଥିବାରୁ ପୋଲିସ ଧାରା ୧୪୪ ଜାରି କରିଛି ।