ପୁରୀ ବ୍ୟୁରୋ, କନକ ନ୍ୟୁଜ୍ : ନୀଳାଦ୍ରି ବିଜେ ସମୟରେ ବିଶୃଙ୍ଖଳା ଓ ଜିଲ୍ଲାପାଳଙ୍କୁ ହତ୍ୟା ଧମକ ଘଟଣାରେ ଅଭଯୁକ୍ତଙ୍କୁ ଗିରଫ ପାଇଁ ଗଠନ ହେଲା ଦୁଇଟି ଟିମ୍ । ମୁଖ୍ୟ ଅଭିଯୁକ୍ତଙ୍କୁ ଗିରଫ ପାଇଁ ଟିମ୍ ଗଠନ କରାଯାଇଥିବା ଅତିରିକ୍ତ ଏସପି ସୂଚନା ଦେଇଛନ୍ତି । ସେପଟେ ନୀଳାଦ୍ରି ବିଜେ ସମୟରେ ବିଶୃଙ୍ଖଳା ଓ ସାମ୍ବାଦିକଙ୍କୁ ଆକ୍ରମଣ ଘଟଣାରେ ଗିରଫ ୬ଜଣ ସେବାୟତଙ୍କୁ କୋର୍ଟ ଚାଲାଣ କରାଯାଇଛି । ଏମାନେ ହେଲେ ମଦନ ଖୁଂଟିଆ, ବାବୁ ଖୁଂଟିଆ, ବାବନ ଖୁଂଟିଆ, ଶଙ୍କର ପଲଙ୍କଧାରୀ, ବିପିନ ପତ୍ରୀ ଓ ପୁପୁନ ମହାପାତ୍ର।
Kanak News is now on WhatsApp
Join and get latest news updates delivered to you via WhatsApp
ରବିବାର ମହାପ୍ରଭୁଙ୍କ ନୀଳାଦ୍ରି ବିଜେ ସମୟରେ ପ୍ରଶାସନର କଟକଣା ନମାନି ରଥ ଉପରେ ଚଢିଥିଲେ କେତେକ ସେବାୟତ ପରିବାର ସଦସ୍ୟ । ଏହାକୁ ନେଇ ପ୍ରଶାସନ ସହ ମୁହାଁମୁହିଁ ହୋଇଥିଲେ ସେବାୟତ । ଫଳରେ ମହାପ୍ରଭୁ ସୁଦର୍ଶନଙ୍କ ପହଣ୍ଡି ବିଳମ୍ବିତ ହୋଇଥିଲା । ପରେ ସାମ୍ବାଦିକମାନଙ୍କୁ ମଧ୍ୟ ଆକ୍ରମଣ କରିଥିଲେ ସେବାୟତ।
ଏହା ସହ ଜଗନ୍ନାଥଙ୍କ ନୀତି ସହ ଖେଳ ଖେଳିଲେ ଛଡା ଯିବନି : ପୁରୀ ଜିଲ୍ଲାପାଳ