କନକ ବ୍ୟୁରୋ : ଏକ ରାଷ୍ଟ୍ର ଏକ ନିର୍ବାଚନ ପ୍ରସଙ୍ଗରେ ଆଲୋଚନା ପାଇଁ ଆଜି ସର୍ବଦଳୀୟ ବୈଠକ ଡାକିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ତେବେ ଏହି ବୈଠକରେ ଯୋଗ ଦେବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦିଲ୍ଲୀ ଗସ୍ତରେ ବାହାରିଛନ୍ତି । ବୈଠକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେବାର କାର୍ଯ୍ୟକ୍ରମ ରହିଛି । ସେ ଏକ ରାଷ୍ଟ୍ର ଏକ ନିର୍ବାଚନ ପ୍ରସଙ୍ଗରେ ବିଜେଡିର ଆଭିମୁଖ୍ୟ ସ୍ପଷ୍ଟ କରିବେ । ତେବେ ଏହି ବୈଠକରେ ଯୋଗଦେବେ ନାହିଁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଓ ତେଲୁଗୁ ଦେଶମ ପାର୍ଟି ମୁଖ ଚନ୍ଦ୍ରବାବୁ ନାଇଡୁ ।
Kanak News is now on WhatsApp
Join and get latest news updates delivered to you via WhatsApp
ଏହି ବୈଠକ ମୋଦି ଅତ୍ୟନ୍ତ ତରବରିଆ ଭାବେ ଡକାଇଥିବାରୁ ସେ ଯୋଗ ଦେବେ ନାହିଁ ବୋଲି ମମତା କହିଛନ୍ତି । ସେ କହିଛନ୍ତି, ବୈଠକ ପୂର୍ବରୁ ସମ୍ବିଧାନ ବିଶେଷଜ୍ଞଙ୍କ ମତ ନିଅନ୍ତୁ କେନ୍ଦ୍ର ସରକାର ତେବେ ଏହି ବୈଠକରେ କେତେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ଆଲୋଚନା ହେବାକୁ ଥିବାବେଳେ ଏହାକୁ ମମତାଙ୍କ ବର୍ଜନ ବେଶ୍ ଚର୍ଚ୍ଚାର ବିଷୟ ହୋଇଛି । ଲଗାତାର ଦ୍ୱିତୀୟ ଥର ଲାଗି ମମତା ବାନାର୍ଜୀ ମୋଦିଙ୍କ କୌଣସି ବୈଠକରେ ସାମିଲ ହୋଇନାହାନ୍ତି ।
ତେବେ ଏକକ ନିର୍ବାଚନ ନେଇ ବିରୋଧୀଙ୍କ ପକ୍ଷ ଏ ଯାଏଁ ସ୍ପଷ୍ଟ ହୋଇନାହିଁ । ଆଜି ସକାଳେ କଂଗ୍ରେସର ବୈଠକ ବସି ଏ ନେଇ ରଣନୀତି ଓ ଏଜେଣ୍ଡା ପ୍ରସ୍ତୁତ କରାଯିବ । ଏହାଛଡା ରାହୁଲ ଗାନ୍ଧିଙ୍କ ଆଜି ଜନ୍ମଦିନ ହୋଇଥିବାରୁ ସେ ବୈଠକରେ ସାମିଲ ହେବେ ନା ନାହିଁ ।