ନେଦରଲାଣ୍ଡରେ ‘ୱାର୍କ ଫ୍ରମ୍ ହୋମ୍’ ଅଧିକାର! ‘ୱାର୍କ ଫ୍ରମ୍ ହୋମ୍’ ପାଇଁ ତିଆରି ହେବ ଆଇନ।
କନକ ବ୍ୟୁରୋ: କରୋନା ମହାମାରୀ ସମୟରେ ଲକଡାଉନ ବେଳେ କାମ କରିବାର ନୂଆ ମାଧ୍ୟମ ଆରମ୍ଭ ହୋଇଥିଲା ସାରା ବିଶ୍ୱରେ । ୱାର୍କ ଫ୍ରମ୍ ହୋମ୍ ବା ଘରୁ ରହି ଅଫିସ କାମ କରିବା । ଯେତେବେଳେ ଏହା ଆରମ୍ଭ ହେଲା ଅନେକ ଚ୍ୟାଲେଞ୍ଜର ସାମ୍ନାକରିବାକୁ ପଡିଥିଲା । ତେବେ ଶୀଘ୍ର ଏହାକୁ ଲୋକେ ଗ୍ରହଣ କରିନେଇଥିଲେ । ଲୋକେ ଏହାକୁ ବେସ ପସନ୍ଦ କରିଥିଲେ । କମ୍ପାନୀ ମାନେ ମଧ୍ୟ ଏହାକୁ ଲାଗୁ କରିଥିଲେ । ତେବେ କରୋନା ସ୍ଥିତି ସାମନ୍ୟ ସୁଧୁରିଥିଲେ ବି ଲୋକେ ଏହାକୁ ବେସି ପସନ୍ଦ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ସବୁଠାରୁ ବଡ କଥା ନେଦରଲାଣ୍ଡରେ ଏହାକୁ ଆଇନର ପରିସର ଭିତରକୁ ଆଣିବା ପାଇଁ ସଂସଦ ପ୍ରସ୍ତାବ ଦେଇଛି । କର୍ମଚାରୀଙ୍କ ଅଧିକାର ଭାବେ ଏହାକୁ ଆଇନରେ ପରିଣତ ପାଇଁ ପ୍ରସ୍ତୁତି ଆରମ୍ଭ ହୋଇଛି । ଏହାର ଅର୍ଥ ବର୍ତ୍ତମାନ ନେଦରଲାଣ୍ଡରେ ଲୋକଙ୍କୁ ଘରେ ରହି କାମ କରିବାର ଅଧିକାର ମିଳିବ! ଏହାକୁ ଡଚ୍ ସଂସଦ ମଞ୍ଜୁରୀ ଦେଇସାରିଛି । ନିକଟରେ କେବଳ ଡଚ୍ ସିନେଟର ମଞ୍ଜୁରୀକୁ ଅପେକ୍ଷା ରହିଛି ।
ନେଦରଲାଣ୍ଡରେ ୨୦୧୫ରେ ଫ୍ଲେକସିବୁଲ ୱାର୍କଂ ଆକ୍ଟ ଲାଗୁ ହୋଇଥିଲା । ଏହା ଦ୍ୱାରା କର୍ମଚାରୀଙ୍କୁ କାମ କରିବାର ସମୟ, କାମ କରିବାରେ ପରିବର୍ତ୍ତନ, କାମ କରିବାର ସ୍ଥାନ ପରିବର୍ତ୍ତନର ଅଧିକାର ମିଳିଥିଲା । ଆଉ ବର୍ତ୍ତମାନ ୱାର୍କ ଫ୍ରମ୍ ହୋମ୍ ଅଧିକାର ୨୦୧୫ର ଏହି ଅଧିକାର ବିସ୍ତାରିତ ରୂପ ବୋଲି କୁହାଯାଉଛି । ଏହା ଲାଗୁ ହେବା ପରେ କର୍ମଚାରୀଙ୍କ ଘରୁ ରହି ୱାର୍କ ଫ୍ରମ୍ ହୋମର ଆବେଦନକୁ ଖାରଜ କରିପାରିବେ ନାହିଁ । କମ୍ପାନୀକୁ ଆବେଦନ ଗ୍ରହଣ ନକରିବାର କାରଣ ବି ଦର୍ଶାଇବାକୁ ପଡିବ । ବିଶେଷଜ୍ଞଙ୍କ କହିବା କଥା ଏହା ଲାଗୁ ହେବା ପରେ କର୍ମଚାରୀଙ୍କ ଯିବା ଆସିବାରେ ଯେଉଁ ସମୟ ଅପଚୟ ହେଉଛି ତାହା ବଞ୍ଚିଯିବ । ଏହା ସହ କାମ ମଧ୍ୟ ଅତି ସହଜ ଆଉ ସୁରୁଖୁରୁରେ ହୋଇପାରିବ ।