ମହିଳା ସଂରକ୍ଷଣ ବିଲକୁ ନେଇ ସଂସଦରେ ତର୍କ, ସୋନିଆଙ୍କ ଦାବି ଉପରେ ଏଭଳି ମନ୍ତବ୍ୟ ଦେଲେ ସ୍ମୃତି ଇରାନୀ
କନକ ବ୍ୟୁରୋ : ସଂସଦର ବିଶେଷ ଅଧିବେଶନରେ ମହିଳା ସଂରକ୍ଷଣ ବିଧେୟକକୁ ନେଇ ଚର୍ଚ୍ଚା ଚାଲିଛି । ସଂସଦର ବରିଷ୍ଠ ନେତାମାନେ ଏହା ଉପରେ ଯୁକ୍ତି କରୁଛନ୍ତି । ଏହି କ୍ରମରେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ମହିଳା ସଂରକ୍ଷଣ ବିଲ ଉପରେ ଆଲୋଚନା କରିବା ବେଳେ କହିଛନ୍ତି କି, ଜନସଂଘ ପ୍ରଥମେ ମହିଳା ସଂରକ୍ଷଣ ପ୍ରସଙ୍ଗ ଉଠାଇଥିଲା ଓ ଏବେ ବିଜେପି ଏହାକୁ ସାକାର କରିବାକୁ ଯାଉଛି । ଅଳ୍ପସଂଖ୍ୟକ ମହିଳାଙ୍କୁ ସଂରକ୍ଷଣ ଦେବା ଦାବି ଉପରେ ସ୍ମୃତି ଇରାନୀ କହିଛନ୍ତି କି, ସମ୍ବିଧାନରେ ଧର୍ମ ଆଧାରରେ ସଂରକ୍ଷଣ ବର୍ଜିତ ଅଟେ ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସକୁ ଟାର୍ଗେଟ କରି ସ୍ମୃତି ଇରାନୀ କହିଛନ୍ତି କି, କଂଗ୍ରେସ ଦୀର୍ଘଦିନ କ୍ଷମତାରେ ଥିଲା, ଯଦି ସେମାନେ ଚେଷ୍ଟା କରିଥାନ୍ତେ ତେବେ ଏହି ବିଧେୟକ କେବେଠାରୁ ପାରିତ ହୋଇସାରିଥାନ୍ତା । ୟୁପିଏ ସରକାର ଏକ ଦୁର୍ବଳ ବିଲ ଆଣିଥିଲେ । ଏହାକୁ ନେଇ ଏବେ ବିରୋଧୀ ବିଭ୍ରାନ୍ତ ସୃଷ୍ଟି କରିବାକୁ ଚାହୁଁଛନ୍ତି । ଯଦି ଆମେ ଏହାକୁ ସମ୍ବିଧାନର ମର୍ଯ୍ୟାଦା ଦୃଷ୍ଟିକୋଣରେ ଦେଖୁ, ତେବେ ଏହି ବିଲ ଜରିଆରେ ଦେବୀ ଲକ୍ଷ୍ମୀ ଏକ ସାମ୍ବିଧାନିକ ରୂପ ନେଇଛନ୍ତି ବୋଲି ସେ କହିଛନ୍ତି ।
#WATCH | Delhi: On the Women’s Reservation Bill, Union and Women Child Development Minister Smriti Irani, “Today, those who called it Jumla and said that it happened because they wrote several letters for it, at least they accepted that they kept insulting him (PM Modi) but he… pic.twitter.com/USegrmCEEt
— ANI (@ANI) September 20, 2023
ସୋନିଆ ଗାନ୍ଧୀଙ୍କ ନାମ ନ ନେଇ ସ୍ମୃତି ଇରାନୀ ତାଙ୍କୁ ଟାର୍ଗେଟ କରିଛନ୍ତି । ଇରାନୀ କହିଛନ୍ତି କି କିଛି ଲୋକ କହୁଛନ୍ତି କି, ଏହି ବିଲ୍ ଆମର । ହେଲେ ପ୍ରଧାନମନ୍ତ୍ରୀଙ୍କ ପାଇଁ ମହିଳା ସଶକ୍ତିକରଣ କେବଳ ଏକ ଯୋଜନା ନୁହେଁ , ବରଂ ୨୦୧୪ ମସିହାରୁ ନରେନ୍ଦ୍ର ମୋଦୀ ମହିଳାଙ୍କ ଉନ୍ନତି ପାଇଁ ଚେଷ୍ଟା ଚଳାଇଥିବା କଥା ସେ କହିଛନ୍ତି । ସେପଟେ କିଛି ଲୋକ ସଂଖ୍ୟାଲଘୁଙ୍କୁ ମଧ୍ୟ ସଂରକ୍ଷଣରେ ସାମିଲ କରାଯିବାକୁ ନେଇ ଦାବି ରଖୁଛନ୍ତି । ଏହା ଉପରେ ସ୍ମୃତି ଇରାନୀ କହିଛନ୍ତି କି ସମ୍ବିଧାନ କହୁଛି ଧର୍ମ ଆଧାରରେ ସଂରକ୍ଷଣ ଦିଆଯାଇପାରିବ ନାହିଁ ।