କଳାକାର କାହିଁକି ଛାଡୁଛନ୍ତି ଯାତ୍ରା ପାର୍ଟି? ଅଧିକ ଅର୍ଥର ପ୍ରଲୋଭନ ନା ମାଲିକଙ୍କ ସହ ବିବାଦ?
କନକ ବ୍ୟୁରୋ: କରୋନା ଯୋଗୁଁ ଖରାପ ସ୍ଥିତି ଦେଇ ଗତିକରୁଛି ଯାତ୍ରାଜଗତ । ଯାତ୍ରା ଜଗତ ଏବେ ଅଂଟା ସଳଖିବାକୁ ପ୍ରସ୍ତୁତ ହେଉଥିବାବେଳେ ବଡ କଳାକାର ଟଙ୍କା ନେଇ ଦଳ ଛାଡିବା ଯାତ୍ରାପାର୍ଟିଗୁଡିକ ପାଇଁ ନୂଆ ସମସ୍ୟା ସୃଷ୍ଟି କରିଛି । ଧିରେ ଧିରେ ପଦାକୁ ଆସୁଛି ଯାତ୍ରା ପାର୍ଟିର ଗୁମର କଥା ।
Kanak News is now on WhatsApp
Join and get latest news updates delivered to you via WhatsApp
ଯାତ୍ରା କଳାକାର ଦୈତାରୀ ପଣ୍ଡା ପାର୍ବତୀ ଗଣନାଟ୍ୟରୁ ୧୫ ଲକ୍ଷ ଅଗ୍ରୀମ ନେଇଥିବା ଅଭିଯୋଗ ଆସିବା ଏବେ ନୂଆ ଚର୍ଚ୍ଚା ସୃଷ୍ଟି କରିଛି । ପାର୍ବତୀ ଗଣନାଟ୍ୟ ମାଲିକ ଦୈତାରୀଙ୍କୁ ଟଙ୍କା ଦେଇଥିବା ଦାବି କରୁଥିବାବେଳେ ଦୈତାରୀ କିନ୍ତୁ ଏଭଳି ଅଭିଯୋଗକୁ ଖଣ୍ଡନ କରିଛନ୍ତି । ଅନେକ କ୍ଷେତ୍ରରେ କଳାକାର ବୁଝାମଣାର ଖିଲାପ କରୁଥିବା ଦେଖାଯାଇଛି । ପ୍ରଶ୍ନ ଉଠୁଛି
–ଯାତ୍ରା ପାର୍ଟିରେ କଣ ଚାଲିଛି, କିଏ କହୁଛି ସତ ?
-ଉଭୟ ମାଲିକ ଓ କଳାକାର ଭିତରେ ବୁଝାମଣାର ଅଭାବ ରହୁଛି କି ?
ଯାତ୍ରା କଳାକାରଙ୍କ ମତରେ ଯାତ୍ରାକୁ ନେଇ କଳାକାର । ତେଣୁ ବୁୁଝାମଣା ଯଦି ଆଇନଗତ ପ୍ରକ୍ରିୟା ଭିତରେ ହୁଏ ତାହାହେଲେ ଏଭଳି ସମସ୍ୟା ସୃଷ୍ଟି ହୁଅନ୍ତା ନାହିଁ । ଯାତ୍ରାରେ କଳାକାର ଓ ମାଲକିଙ୍କ ମଧ୍ୟରେ ବିବାଦ କିଛି ନୂଆ କଥା ନୁହେଁ । ଏଭଳି କ୍ଷେତ୍ରରେ ବିବାଦ ହୁଏ ଓ ଆପୋଷ ବୁଝାମଣା ବି ହୁଏ । କାରଣ ଏହା ହେଲେ ଉଭୟଙ୍କର ବେଶୀ କ୍ଷତି ହେବାର ସମ୍ଭାବନା ଥାଏ । ଟଙ୍କା ନେଇ ଯଦି ଏଭଳି କିଛି ହୁଏ ତାହାହେଳେ ମାଲିକ ମାନେ ଏ ଦିଗରେ ଚିନ୍ତା କରିବା ଦରକାର, କାହିଁକି କଳାକାର ଟଙ୍କା ନେଇ ଅନ୍ୟ ପାର୍ଟିକୁ ଯାଉଛନ୍ତି । ବୁଝାମଣାର ଖିଲାପ ହେବାର ଯଦି ପ୍ରମାଣ ମିଳେ ତେବେ ଦଣ୍ଡ ବିଧାନ ହେବା ଆବଶ୍ୟକ । ତେବେ ଏ ଦିଗରେ ଯାତ୍ରାମାଲିକ ଅଧିକ ଯତ୍ନବାନ ହେବା ଦରକାର ବୋଲି ଅନେକ ମତ ଦେଇଛନ୍ତି ।
ଯାତ୍ର ପାର୍ଟି ଗୁଡିକରେ ସମସ୍ୟାର ସମାଧାନ ପାଇଁ ସଂଘ ରହିଥିଲା । ସବୁ କଳାକାରଙ୍କ ଦରମା ବି ନିର୍ଦ୍ଧାରଣ କରାଯାଇଥିଲା । କିନ୍ତୁ ଯାତ୍ରା ମାଲିକ ଓ ବରିଷ୍ଠ କଳାକାରଙ୍କ ମଧ୍ୟରେ ଭିତିର ବୁଝାମଣା ଯୋଗୁଁ ସଂଘ କଥା କେହି ମାନୁନାହାନ୍ତି । ଫଳରେ ବାରମ୍ବାର କଳାକାର ଓ ମାଲିକଙ୍କ ମଧ୍ୟରେ ବିବାଦ ଦେଖାଦେଉଛି ।