କନକ ବ୍ୟୁରୋ: ପାଠ ପଢା ନୁହେଁ ବରଂ କ୍ୟାମ୍ପସରେ ଚାଲିଛି ରାଗିଂ । ସିନିୟର ନୁହନ୍ତି ସହପାଠୀ ଦେଉଛନ୍ତି ନିର୍ଯାତନା । କେତେବେଳେ ଗାଡି ଛଡାଇ ନେଉଛନ୍ତି ତ କେତେବେଳେ କ୍ୟାମ୍ପସ ଭିତରେ କରୁଛନ୍ତି ଉଠବସ । ଆଉ ତା ସାଙ୍ଗକୁ ଅଭିଯୋଗ ଆଣିଲେ ରାସ୍ତାରୁ ହଟାଇ ଦେବାକୁ ଧମକ । ବିଜେବି କଲେଜ ବିରୋଧରେ ଏଭଳି ସାଙ୍ଘାତିକ ଅଭିଯୋଗ ଆଣି ବଡଗଡ ଥାନାର ଦ୍ୱାରସ୍ଥ ହୋଇଛନ୍ତି ଯୁକ୍ତ ଦୁଇ ଦୁଇ ଦ୍ୱିତୀୟ ବର୍ଷର ଛାତ୍ର ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପଟେ ଛାତ୍ରୀ ରୁଚିକାଙ୍କ ଆତ୍ମହତ୍ୟା ଘଟଣା ରହସ୍ୟମୟ ହୋଇ ରହିଥିବା ବେଳେ ଏବେ ବି ସେହି ତିନି ସିନିୟର ଛାତ୍ରୀଙ୍କ ଚେହେରା ସାମ୍ନାକୁ ଆଣିବାରେ ସକ୍ଷମ ହୋଇନି ପୋଲିସ । ମୃତ୍ୟୁର ଶେଷ ଚିଠିରେ ରାଗିଂ ଯୋଗୁଁ ପ୍ରାଣ ହରାଇଥିବା ସ୍ପଷ୍ଟ କରିଥିଲେ ବି କଲେଜରେ ରାଗିଂ ହୁଏନାହିଁ ବୋଲି ସିଧାସଳଖ ଗଣମାଧ୍ୟମ ଆଗରେ କହିଥିଲେ କଲେଜର ପ୍ରିନସିପାଲ ନିରଞ୍ଜନ ମିଶ୍ର । ହେଲେ ଛାତ୍ର ଆଣିଥିବା ରାଗିଂ ଅଭିଯୋଗ କଲେଜର ଭିତିରି କଥାକୁ ପଦାରେ ପକାଇଛି ।
କୁହାଯାଏ ମେଧାବୀ ଛାତ୍ରଛାତ୍ରୀ ହିଁ ବିଜେବି କଲେଜରେ ପାଠ ପଢିବାକୁ ସୁଯୋଗ ପାଆନ୍ତି । ଆଉ ବାପା ମା ମାନେ ପିଲାଙ୍କୁ ଆଖିବୁଜି କଲେଜରେ ନାମଲେଖାଇବା ସହିତ ହଷ୍ଟେଲରେ ଛାଡି ଦିିଅନ୍ତି । କିନ୍ତୁ ବିଜେବି କଲେଜର ସତ ରୁଚିକାଙ୍କ ମୃତ୍ୟୁ ପରେ ରାଗିଂ ଚିତ୍ର ସାମ୍ନାକୁ ଆସିଛି ।