‘ଜୁନ୍ ୯ରେ ଶପଥ ନେବା ପରେ… ପ୍ରଥମେ ୩ଟି ଦସ୍ତଖତ କରିବେ ମୁଖ୍ୟମନ୍ତ୍ରୀ’: କେନ୍ଦୁଝରରେ ପାଣ୍ଡିଆନଙ୍କ ଭୋଟ ଅପିଲ ।
କନକ ବ୍ୟୁରୋ: କେନ୍ଦୁଝରର ଆଦିବାସୀ ଭାଇଭଉଣୀମାନେ ମୁଖ୍ୟତଃ ଜଙ୍ଗଲଜାତ ସାମଗ୍ରୀ ଉପରେ ନିର୍ଭର କରୁଛନ୍ତି । ଏଥିରେ ସେମାନେ ପେଟପାଟଣା କରୁଛନ୍ତି । ଏହାକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ସୋମନଙ୍କ ପାଇଁ ଲାଭ ଯୋଜନା କରିଛନ୍ତି । ସେମାନଙ୍କ ଉତ୍ପାଦ ଉପରେ କେହି ବି ଠକିପାରିବେନି । ସେମାନଙ୍କୁ ନିଜ ଜିନିଷର ଉଚିତ ମୂଲ୍ୟ ମିଳିବ ।
Kanak News is now on WhatsApp
Join and get latest news updates delivered to you via WhatsApp
ପାଣ୍ଡିଆନ୍ ଆହୁରି ମଧ୍ୟ କହିଛନ୍ତି, ଏଠିକୁ ଛତିଶଗଡ, ଆସାମ ମୁଖ୍ୟମନ୍ତ୍ରୀ ଆସୁଛନ୍ତି, ହେଲେ ସବୁ ବଡବଡ କଥା କହୁଛନ୍ତି । ସେମାନଙ୍କୁ ପଚାରନ୍ତୁ ସେମାନେ ନିଜ ନିଜ ରାଜ୍ୟରେ ଆଦିବାସୀ ଛାତ୍ରଛାତ୍ରୀଙ୍କ ଶିକ୍ଷା ପାଇଁ କ’ଣ କରିଛନ୍ତି । କିନ୍ତୁ ଆମ ମୁଖ୍ୟମନ୍ତ୍ରୀ କରିଛନ୍ତି । ସେମାନଙ୍କ ପାଇଁ ବିଦ୍ୟାଳୟ ସହ ହଟେଲ ମଧ୍ୟ କରିଛନ୍ତି । କିଛି ନକରି ବାହାର ରାଜ୍ୟ ମୁଖ୍ୟମନ୍ତ୍ରୀମାନେ ଆସି ଓଡିଶା ଲୋକଙ୍କୁ ବଡ ବଡ କଥା କହୁଛନ୍ତି । ଆମ ମୁଖ୍ୟମନ୍ତ୍ରୀଙ୍କୁ ଅସମ୍ମାନ କରୁଛନ୍ତି, ଅସଭ୍ୟ ଭାଷା ବ୍ୟବହାର କରୁଛନ୍ତି । ତେଣୁ ଏବେ ସେମାନଙ୍କୁ ମୁହଁତୋଡ ଜବାବ ଦେବାର ସମୟ ଆସିଛି । କେନ୍ଦୁଝରବାସୀ ସେମାନଙ୍କୁ ୨୫ ତାରିଖରେ ଜବାବ୍ ଦେବେ’ ।
‘ମୁଖ୍ୟମନ୍ତ୍ରୀ ଜୁନ୍ ୯ରେ ଶପଥ ନେବା ପରେ ପ୍ରଥମେ ୩ଟି ଦସ୍ତଖତ କରିବେ । ବିଜୁଳି ବିଲ ଛାଡ କରିବା ସହ ସମସ୍ତଙ୍କୁ ବିଏସକେୱାଇ କାର୍ଡ ସୁବିଧା ଓ ସମସ୍ତ ଏସଏଚଜି ଗ୍ରୁପର ମହିଳାଙ୍କୁ ୬୦ ବର୍ଷ ପରେ ଭତ୍ତା ଦେବା ବିଲ ଉପରେ ଦସ୍ତଖତ କରିବେ’ ବୋଲି କହିଛନ୍ତି ପାଣ୍ଡିଆନ୍ ।