ଅପରାଧ ରେକର୍ଡ ଥିବା ଲୋକଙ୍କୁ କାହିଁକି କରାଯାଉଛି ପ୍ରାର୍ଥୀ? ଦଳୀୟ ୱେବସାଇଟରେ ଜଣାଇବା ପାଇଁ ବାଧ୍ୟତାମୂଳକ କଲେ ନିର୍ବାଚନ କମିସନ୍
କନକ ବ୍ୟୁରୋ: ରାଜନୀତିକୁ ଅପରାଧ ମୁକ୍ତ କରିବା ପାଇଁ ଏକ ବଡ ନିଷ୍ପତ୍ତି ନେଇଛନ୍ତି ନିର୍ବାଚନ କମିଶନ । ଅପରାଧ ରେକର୍ଡ ଥିବା ଲୋକଙ୍କୁ ଦଳ କାହିଁକି ପ୍ରାର୍ଥୀ କରୁଛନ୍ତି । ଏନେଇ ନିଜ ଦଳୀୟ ୱେବସାଇଟରେ ଜଣାଇବାକୁ ବାଧ୍ୟତାମୂଳକ କରିଛନ୍ତି ନିର୍ବାଚନ କମିଶନ । ତେବେ ନିର୍ବାଚନ କମିଶନଙ୍କ ନିଷ୍ପତିକୁ ସ୍ୱାଗତ କରିଛନ୍ତି ବିଭିନ୍ନ ରାଜନୈତିକ ଦଳ ।
Kanak News is now on WhatsApp
Join and get latest news updates delivered to you via WhatsApp
ନଜର ପକାନ୍ତୁ କେତେ ଜଣ ସାଂସଦଙ୍କ ନାଁରେ ରହିଛି ସଂଗୀନ ଅପରାଧିକ ମାମଲା
ଅଧିକ ସଂଖ୍ୟାରେ ଅପରାଧିକ ମାମଲା ଥିବା ପ୍ରାର୍ଥୀ ନିର୍ବାଚନ ଲଢ଼ୁଛନ୍ତି ଏବଂ ନିର୍ବାଚନ ଜିତି ସାଂସଦ ହେଉଛନ୍ତି । ପ୍ରତି ସାଧାରଣ ନିର୍ବାଚନରେ ଏହି ସଂଖ୍ୟା ବଢ଼ି ବଢ଼ି ଚାଲିଛି । ଗତ ୩ଟି ସାଧାରଣ ନିର୍ବାଚନକୁ ଦେଖିଲେ, ଏହା ସ୍ପଷ୍ଟ ଭାବେ ଜଣାପଡ଼ୁଛି ।
- ଅପରାଧୀ ମୁକ୍ତ ହେବ କି ନିର୍ବାଚନ?
- ନିର୍ବାଚନ କମିସନଙ୍କ କଡ଼ା ଆଭିମୁଖ୍ୟ
- କାହିଁକି ଅପରାଧ ରେକର୍ଡ ଥିବା ବ୍ୟକ୍ତିଙ୍କୁ କରାଯାଉଛି ପ୍ରାର୍ଥୀ?
- କାରଣ ଦର୍ଶାଇବେ ରାଜନୈତିକ ଦଳ
- ୱେବସାଇଟରେ ଅପଲୋଡ୍ ହେବ ସମସ୍ତ ତଥ୍ୟ
ଉତ୍ତରପ୍ରଦେଶ ସମେତ ୫ଟି ରାଜ୍ୟର ନିର୍ବାଚନ ତାରିଖ ଘୋଷଣା ବେଳେ ଏଭଳି କହିଛନ୍ତି ମୁଖ୍ୟ ନିର୍ବାଚନ କମିସନର ସୁଶୀଲ ଚନ୍ଦ୍ରା । ଗତବର୍ଷ ଏ ନେଇ ସୁପ୍ରିମକୋର୍ଟଙ୍କ ରାୟ ଆଧାରରେ ଏପରି ନିଷ୍ପତି ନିଆଯାଇଛି । ସୁପ୍ରିମକୋର୍ଟ କହିଥିଲେ, ପ୍ରାର୍ଥୀଙ୍କ ଅପରାଧ ରେକର୍ଡର ସମସ୍ତ ବିବରଣୀ ୱେବସାଇଟ୍, ସୋସିଆଲ୍ ମିଡିଆ, ଗୋଟିଏ ସ୍ଥାନୀୟ ଓ ଗୋଟିଏ ଜାତୀୟ ଖବରକାଗଜରେ ପ୍ରକାଶ କରିବେ ରାଜନୈତିକ ଦଳ । ନାମାଙ୍କନ ପତ୍ର ଦାଖଲର ୪୮ ଘଣ୍ଟା ପୂର୍ବରୁ ଏହା ପ୍ରକାଶ ପାଇବ ।
ତେବେ ଏଥର ପ୍ରାର୍ଥୀଙ୍କ ଅପରାଧ ରେକର୍ଡ ନିର୍ବାଚନ କମିସନଙ୍କ ‘ନୋ ଇୟୋର କାଣ୍ଡିଡେଟ୍’ ୱେବ ପେଜରେ ଅପଲୋଡ୍ ହେବ । ସବୁ ରାଜନୈତିକ ଦଳ ଓ ପ୍ରାର୍ଥୀ ଏ ନେଇ ତଥ୍ୟ ଦେବା ବାଧ୍ୟତାମୂଳକ କରାଯାଇଛି । ନିର୍ବାଚନ କମିସନ କହିଛନ୍ତି, ଯାହାକୁ ପ୍ରତିନିଧି ରୂପେ ବାଛୁଛନ୍ତି, ସେମାନଙ୍କ ସଂପର୍କରେ ଜାଣିବାର ଅଧିକାର ମତଦାତାଙ୍କର ରହିଛି ।