ଦେଶରେ ପ୍ରଥମ ଟିକା ନେଲେ ଦିଲ୍ଲୀ ଏମ୍ସର ଜଣେ ଚତୁର୍ଥ ଶ୍ରେଣୀ କର୍ମଚାରୀ । ଉପସ୍ଥିତ ଥିଲେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡ. ହର୍ଷବର୍ଦ୍ଦନ ଓ ଏମ୍ସ ନିର୍ଦ୍ଦେଶକ ଡ, ରଣଦୀପ ଗୁଲେରିଆ
କନକ ବ୍ୟୁରୋ : ଦେଶର ସର୍ବ ବୃହତ ଟିକାକରଣ ଆଜି ଭାରତରେ ଆରମ୍ଭ ହୋଇଛି । ପ୍ରଧାନମନ୍ତ୍ରୀଙ୍କ ଶୁଭାରମ୍ଭ ପରେ ପ୍ରଥମ ଟିକା ନେଇଛନ୍ତି ଦିଲ୍ଲୀ ଏମ୍ସ୍ର କରୋନା ଯୋଦ୍ଧା ତଥା ଜଣେ ଚତୁର୍ଥ ଶ୍ରେଣୀ କର୍ମଚାରୀ । ସଫେଇ କର୍ମଚାରୀ ମନିଶ କୂୁମାରଙ୍କୁ ପ୍ରଥମ ଟିକା ଦିଆଯାଇଛି । ଏହି ଅବସରରେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ହର୍ଷବର୍ଦ୍ଧନ , ଏମ୍ସର ନିର୍ଦ୍ଦେଶକ ଡ. ରଣଦୀପ୍ ଗୁଲେରିଆ ଏବଂ ଅନ୍ୟ ବରିଷ୍ଠ ଅଧିକାରୀ ମାନେ ଉପସ୍ଥିତ ଥଲେ । ମନିଶଙ୍କ ପରେ ଏମ୍ସ ନିର୍ଦ୍ଦେଶକ ଡ, ରଣଦୀପ ଗୁଲେରିଆ ବି ଟିକା ନେଇଛନ୍ତି । ଏହି ଅବସରରେ ସ୍ୱାସ୍ଥ୍ୟମନ୍ତ୍ରୀ କହିଥିଲେ କି କରୋନା ବିରୋଧରେ ଜାରି ରହିଥିବା ଲଢେଇରେ ଟିକା ସଞ୍ଜୀବନି ଭଳି କାମ କରିବ । ଏବେ ଲଢେଇ ଅନ୍ତିମ ତଥା ନିର୍ଣ୍ଣାୟକ ମୋଡରେ ପହଂଚିଥିବା ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ପାଖା ପାଖି ୧୧ ମାସ ହେବ ସାରା ବିଶ୍ୱରେ କରୋନା ତା’ର କାୟା ବିସ୍ତାର କରି ରଖିଛି । ଏଥିରେ କୋଟି କୋଟି ଲୋକ ଏଥିରେ ପ୍ରଭାବିତ ହୋଇଥିବା ବେଳେ । ଭୂତାଣୁ ସଂକ୍ରମଣରେ ପ୍ରାୟ ୧.୫ କୋଟି ଲୋକଙ୍କର ଜୀବନ ଯାଇଛି । ଏନେଇ କିଛି ଦେଶ ଟିକା କରଣ ଆରମ୍ଭ କରିଥିବା ବେଳେ ୩୦ କୋଟିରୁ ଅଧିକ ଲୋକଥିବା ଚୀନ, ଆମେରିକା ଓ ଭାରତରେ ଏହି ଟିକାକରଣ ଏବେ ଆରମ୍ଭ କରାଯାଇଛି ।