ଝିଅ ପାଇଁ କ୍ଷମା ମାଗିଲେ ମିଜୋରାମ ମୁଖ୍ୟମନ୍ତ୍ରୀ ଜୋରାମଥାଙ୍ଗା
କନକ ବ୍ୟୁରୋ : ଝିଅ ପାଇଁ କ୍ଷମା ମାଗିଲେ ମିଜୋରାମ ମୁଖ୍ୟମନ୍ତ୍ରୀ । ଜୋରାମଥାଙ୍ଗା ଝିଅର ଭିଡିଓ ଭାଇରାଲ ହେବା ପରେ କ୍ଷମା ମାଗିଛନ୍ତି । ସେ ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ କହିଛନ୍ତି ଯେ ସେ ତାଙ୍କ ଝିଅର ଏହି ଆଚରଣକୁ ନିନ୍ଦା କରୁଛନ୍ତି । ତାଙ୍କ ଝିଅ ଡାକ୍ତରଙ୍କ ନିକଟକୁ ଯାଇ ତାଙ୍କୁ କ୍ଷମା ମାଗିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଅନୁସାରେ, ମୁଖ୍ୟମନ୍ତ୍ରୀଙ୍କ ଝିଅ ମିଲାରୀ ଛାଙ୍ଗତେ ଜଣେ ଡାକ୍ତରଙ୍କୁ ଚାପୁଡ଼ା ମାରିବା ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଆଉ ବୁଧବାର ଦିନ ଘଟିଥିବା ଏହି ଘଟଣାକୁ ନେଇ ଡାକ୍ତରଙ୍କ ମଧ୍ୟରେ ଆକ୍ରୋଶ ଦେଖିବାକୁ ମିଳିଥିଲା । ଶନିବାର ଦିନ ଏହି ଆକ୍ରମଣକୁ ନିନ୍ଦା କରି ୮୦୦ରୁ ଅଧିକ ଡାକ୍ତର ବିରୋଧ କରିଥିଲେ ।
ବିକ୍ଷୋଭକାରୀଙ୍କ ମଧ୍ୟରୁ ଜଣେ ଡାକ୍ତର କହିଥିଲେ ଯେ ଛାଙ୍ଗତେ ଆଇଜଲରେ ଜଣେ ଚର୍ମ ରୋଗ ବିଶେଷଜ୍ଞଙ୍କ ଉପରେ ଆକ୍ରମଣ କରିଥିଲେ । ଡାକ୍ତର ଛାଙ୍ଗତେଙ୍କୁ କହିଥିଲେ ଯେ ସେ କ୍ଲିନିକକୁ ଆପଏନମେଣ୍ଟ ଆଣି ଆସିବାର ଥିଲା । ବାସ ଏତିକି କଥାକୁ ନେଇ ମୁଖ୍ୟମନ୍ତ୍ରୀଙ୍କ ଝିଅ ଡାକ୍ତରଙ୍କ ଉପରେ ଆକ୍ରମଣ କରିଥିଲେ । ତେବେ ଆକ୍ରମଣ ସମୟର ଭିଡିଓ କ୍ଲିନିକରେ ଲାଗିଥିବା ସିସିଟିଭିରେ ରେକର୍ଡ ହୋଇଯାଇଥିଲା । ଆଉ ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହୋଇଯାଇଥିଲା ।