ବିଧାୟକଙ୍କ କାରରେ ପୁଳାପୁଳା ଟଙ୍କା । ପଶ୍ଚିମବଙ୍ଗ ପୋଲିସ ହାତରେ ଧରାପଡିଲେ ୩ କଂଗ୍ରେସ ବିଧାୟକ
କନକ ବ୍ୟୁରୋ : ବିପୁଳ ପରିମାଣର ଟଙ୍କା ନେଇ ଯାଉଥିବା ବେଳେ ପଶ୍ଚିମବଙ୍ଗ ପୁଲିସ ହାତରେ ଧରାପଡିଛନ୍ତି ଝାରଖଣ୍ଡର ୩ କଂଗ୍ରେସ ବିଧାୟକ । ହାଉଡା ଜିଲ୍ଲାରେ ପଶ୍ଚିମବଙ୍ଗ ପୁଲିସ ସେମାନଙ୍କ କାରୁ ବିପୁଳ ପରିମାଣର ଟଙ୍କା ଜବତ କରି ପଚରାଉଚରା କରୁଛି । କଂଗ୍ରେସ ବିଧାୟକ ଇର୍ଫାନ ଆନସାରୀ, ରାଜେଶ କଚଚାପ, ନମନ ଭିକ୍ସେଲ କୋଙ୍ଗାରୀ ଝାରଖଣ୍ଡର ଜମତାରା ଅଞ୍ଚଳରୁ ପଶ୍ଚିମବଙ୍ଗର ପୂର୍ବ ମେଦିନାପୁର ଅଞ୍ଚଳକୁ ଯାଉଥିଲେ ।
Kanak News is now on WhatsApp
Join and get latest news updates delivered to you via WhatsApp
ପଶ୍ଚିମବଙ୍ଗ ପୁଲିସ ସେମାନଙ୍କ ଗାଡି ଅଟକାଇ ଯାଞ୍ଚ କରିବାକୁ ଡିକିରୁ ବିପୁଳ ପରିମାଣର ଟଙ୍କା ଜବତ କରାଯାଇଛି । ବିଧାୟକମାନଙ୍କୁ କେଉଁଠୁ ଟଙ୍କା ଆଣିଲେ ସେମ୍ପର୍କରେ ପଚରାଉଚରା କରାଯାଉଥିବା ତଦନ୍ତକାରୀ ଅଫିସର କହିଛନ୍ତି । ତେବେ ବିପୁଳ ପରିମାଣରେ ଟଙ୍କା ରହିଥିବାରୁ ଟଙ୍କା ଗଣିବା ପାଇଁ ପୁଲିସ ଟଙ୍କା ଗଣା ମେସିନ୍ ମଗାଇଛି । ଗଣା ସରିବା ପରେ ଟଙ୍କା ନେଇ ଅଧିକ ସୂଚନା ମିଳିପାରିବ ବୋଲି ପୁଲିସ କହିଛି ।