ଏମିତି ଗାଁ, ଯେଉଁଠି ଚାଲିବନି ଭାରତର ନିୟମ । କେନ୍ଦ୍ର କି ରାଜ୍ୟର କାହାରି ନିୟମ ମାନିବାକୁ ନାରାଜ ଗ୍ରାମବାସୀ ।
କନକ ବ୍ୟୁରୋ: ନିଜ ଗାଁରେ ଚାଲିବ ନିଜ ଶାସନ । ଗାଁରେ ଚଳିବ ନାହିଁ ସମ୍ବିଧାନର ଆଇନ୍ କାନୁନ୍ କି ଗ୍ରାମବାସୀ ମାନିବେ ନାହିଁ କେନ୍ଦ୍ର କି ରାଜ୍ୟ ସରକାରଙ୍କ ନୀତି ନିୟମ । ସୁନ୍ଦରଗଡ ଜିଲ୍ଲାର ବିଭିନ୍ନ ଆଦିବାସୀ ବହୁଳ ଗାଁରୁ ଆସିଛି ବିଛିନ୍ନତାବାଦୀ ମାନସିକତାର ସାଘାଂତିକ ଚିତ୍ର । ଦେଶ ସ୍ୱାଧୀନ ହେବାର ୭୬ ବର୍ଷ ବିତିଲାଣି, ଦେଶରେ ଗଣତନ୍ତ୍ର ଶାସନ ବ୍ୟବସ୍ଥା ରହିଛି । ହେଲେ ସୁନ୍ଦରଗଡ ଜିଲ୍ଲା ଲୁଲୁକିଡିହିରୁ ବିଛିନ୍ନତାବାଦୀ ମାନସିକିତାର ଏକ ସାଂଘାତିକ ଚିତ୍ର ସାମ୍ନାକୁ ଆସିଛି । ଏହି ଗାଁର ଆଦିବାସୀ ସରକାରକୁ ମାନିବେ ନାହିଁ କି ପ୍ରଶାସନ ମାନିବେ ନାହିଁ ବୋଲି ସିଧା ସିଧା ଶୁଣାଇ ଦେଇଛନ୍ତି । ସରକାରୀ ଯୋଜନା କିମ୍ବା ସୁବିଧା ନେବେ ନାହିଁ ବୋଲି ରୋକଠୋକ୍ ମନାକରିଦେଉଛନ୍ତି । ଏହାସହ ଆଧାରକାର୍ଡ, ରାସନକାର୍ଡ, ଭୋଟର ଆଇଡିକାର୍ଡ , ସ୍ୱାସ୍ଥ୍ୟ ବୀମା କାର୍ଡକୁ ପ୍ରଶାସନକୁ ଫେରାଇ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଅପହଞ୍ଚ ଇଲାକାରେ ରହି ଏହି ଲୋକମାନେ ଏପରି ମାନସିକତାର ବଶବର୍ତୀ ହେଲେ କିପରି? ଅନୁସନ୍ଧାନ କରିବାରୁ ଜଣାପଡିଛି ଏହା ପଛରେ ଗୁଜୁରାଟର ଏକ ସଙ୍ଗଠନ ଏ.ସି ଭାରତ ସରକାର କୁଟୁମ୍ବ ପରିବାର କାର୍ଯ୍ୟ କରୁଛି । ଏହି ସଙ୍ଗଠନର ମୁଖ୍ୟ କୁଅଁର କେଶରୀ ସିଂ ନିଜକୁ ଭାରତ ସରକାର ବୋଲି ଅଭିହିତ କରି ସମ୍ବିଧାନ ଓ ସରକାର ଠାରୁ ଉଦ୍ଧ୍ୱର୍ରେ ବୋଲି ବିବେଚନା କରୁଛନ୍ତି । ଯାହାକୁ ତାଙ୍କର ଅନୁଗାମୀ ଅନ୍ଧ ଭାବେ ବିଶ୍ୱାସ କରି ଏପରି ବିଛିନ୍ନତାବାଦୀ ମାନସିକତାର ବଶବର୍ତୀ ହେଉଛନ୍ତି ।
ଏହି ଘଟଣା ପ୍ରଶାସନର ନଜରକୁ ଆସିଲା ପରେ ସୁନ୍ଦରଗଡ ଜିଲ୍ଲାପାଳଙ୍କ ନିର୍ଦେଶ କ୍ରମେ ଉପ-ଜିଲ୍ଲାପାଳଙ୍କ ନେତୃତ୍ୱରେ ଏକ ଟିମ୍ ଗଠନ କରାଯାଇଛି । ଆଉ ଏହି ଟିମ୍ ଗୋଟିଏ ଥର ସେହି ଗାଁକୁ ଯାଇ କିଏ ଆଦିବାସୀଙ୍କୁ କିଏ ଉସୁକାଉଛି ତାର ତଦନ୍ତ କରିବା ସହି ଲୋକଙ୍କୁ ବୁଝାସୁଝା କରିଛନ୍ତି । ତଥାପି ଯଦି ଲୋକମାନେ ଏଥିରୁ ନିବୃତ ନହେଲେ ତେବେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ ବୋଲି ଉପ ଜିଲ୍ଲାପାଳ କହିଛନ୍ତି ।