ଅଦିନିଆ ବନ୍ୟାରେ ବେହାଲ ଆସାମ: ପ୍ରବଳ ବନ୍ୟାରେ ବୁଡିଗଲା ରେଳ ଷ୍ଟେସନ ଓ ଭାସିଗଲା ଟ୍ରେନ
କନକ ବ୍ୟୁରୋ: ଆସାମରେ ପ୍ରବଳ ବର୍ଷା ରାଜ୍ୟ ସରକାରଙ୍କ ଚିନ୍ତା ବଢାଇଛି । ପ୍ରବଳ ବର୍ଷା ରାଜ୍ୟର ମାନଚିତ୍ର ବଦଳେଇ ଦେଇଛି । ବନ୍ୟାଜଳ ପ୍ରଭାବରେ ରେଳ ଷ୍ଟେସନରେ ଛିଡା ଥିବା ଟ୍ରେନ ଆପେ ଆପେ ଟଳି ପଡିଥିବା ଦେଖିବାକୁ ମିଳିଛି । ପ୍ରବଳ ବର୍ଷା ଯୋଗୁଁ ଅନେକ ସ୍ଥାନରେ ଭୁସ୍ଖଳ ମଧ୍ୟ ସୃଷ୍ଟି ହୋଇଛି । ସେପଟେ କେରଳରେ ମଧ୍ୟ ପ୍ରାକ ମୌସୁମୀ ବର୍ଷା ରାଜ୍ୟ ବାସିଙ୍କ ଚିନ୍ତା ବଢାଉଛି । ସୁରକ୍ଷାକୁ ଦୃଷ୍ଟିରେ ରଖି ୪ ଜିଲ୍ଲାକୁ ୟଲୋ ୱାର୍ଣ୍ଣି ଜାରି କରିଛି ପାଣିପାଗ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ଦିିମା ହସାଉ ଜିଲ୍ଲା ମୁଖ୍ୟ ରେଳ ଷ୍ଟେସନ ଯେଉଠି ପ୍ଲାଟଫର୍ମରେ ଛିଡା ହୋଇଥିବା ଏକ ଥିବା ଏକ ଯାତ୍ରୀବାହୀ ଟ୍ରେନ ବନ୍ୟା ଜଳରେ ଆପେ ଆପେ ତଳେ ପଡିଯିବାର ଦୃଶ୍ୟ କ୍ୟାମେରାରେ କଏଦ ହୋଇଛି । ପ୍ରବଳ ବର୍ଷା ଷ୍ଟେସନର ମାନଚିତ୍ର ବଦଳେଇ ଦେଇଛି । ଷ୍ଟେସନରେ ଫସି ରହିଥିବା ୨୮୦୦ ଅଧିକ ଯାତ୍ରୀଙ୍କୁ ବାୟୁସେନା ସହାୟତାରେ ଉଦ୍ଧାର କରାଯାଇଥିବା ଜଣାପଡିଛି ଆସାମରେ ଲଗାଣ ବର୍ଷା ରାଜ୍ୟର ଚିତ୍ର ବଦଳାଇ ଦେଇଛି । ଚାରିଆଡେ ଖାଲି ପାଣି ଆଉ ପାଣି । ପ୍ରବଳ ବର୍ଷା କାରଣରୁ ରାଜ୍ୟରେ ଅନେକ ସ୍ଥାନରେ ଭୁସ୍ଫଳନ ଭଳି ପରିସ୍ଥିତି ଦେଖିବାକୁ ମିଳିଛି । ରାସ୍ତା ଘାଟ ଘରଦ୍ୱାର ଚାରିଆଡେ ମାଡି ଯାଇଛି ବନ୍ୟାଜଳ । ପ୍ରବଳ ବର୍ଷା ଯୋଗୁଁ ୨୦ ଜିଲ୍ଲାର ୨ ଲକ୍ଷରୁ ବି ଅଧିକ ଲୋକ ପ୍ରଭାବିତ ହୋଇଥିବା ଜଣାପଡିଛି । ଆଗାମି ୩ ଦିନ ମଧ୍ୟରେ ରାଜ୍ୟରେ ପ୍ରବଳ ବର୍ଷା ହେବାର ସମ୍ଭାବନା ଥିବା ନେଇ ସତର୍କ ସୁଚନା ଦାରି କରିଛି ପାଣିପାଗ ବିଭାଗ ।
ଆସାମ ସମେତ ମଣିପୁର, ମେଘାଳୟରେ ମଧ୍ୟ ଲଗାଣ ବର୍ଷା ରାଜ୍ୟବାସିଙ୍କୁ ପ୍ରଭାବିତ କରିଛି । ସେହପରି କେରଳରେ ମଧ୍ୟ ପ୍ରାକ ମୌସୁମୀ ବର୍ଷା ରାଜ୍ୟ ବାସିଙ୍କ ଚିନ୍ତା ବଢାଉଛି । ବନ୍ୟା ଜଳରେ ନଦୀ ଗୁଡିକ ମଧ୍ୟ ଭର୍ତି ହୋଇ ସାରିଛି । ସେପଟେ ସୁରକ୍ଷାକୁ ଦୃଷ୍ଟିରେ ରଖି କେରଳର ୪ ଜିଲ୍ଲାକୁ ୟଲୋ ୱାର୍ଣ୍ଣି ଜାରି କରିଛି ପାଣିପାଗ ବିଭାଗ । ସେହିପରି ମତ୍ସଜୀବୀଙ୍କୁ ମଧ୍ୟ ସମୂଦ୍ର ଭିତରକୁ ନ ଜିବାକୁ ମନା କରା ଯାଇଥିବା ଜଣାପଡିଛି ।