‘BSKY ଯୋଜନାକୁ ବନ୍ଦ କରିବାକୁ ଚାହୁଁଛି ବିଜେପି, ଜୁନ୍ ୪ ତାରିଖରେ ଓଡିଶାବାସୀ ଏହାର ଜବାବ ଦେବେ’: ଭିକେ ପାଣ୍ଡିଆନ୍
କନକ ବ୍ୟୁରୋ: ବିଏସକେୱାଇ ଯୋଜନାକୁ ବନ୍ଦ କରି ଓଡିଶାରେ ଆୟୁ ଷ୍ମାନ ଯୋଜନା ଲାଗୁ କରିବାକୁ ଚାହୁଁଛି ବିଜେପି । ହେଲେ ଏହା କେବେବି ବନ୍ଦ ହେବନାହିଁ । କାରଣ ଓଡିଶାବାସୀ ଏହାର ସୁଫଳ କ’ଣ ଜାଣିଛନ୍ତି । ଆଗରୁ ଗରୀବଙ୍କ ପାଖରେ ନା ଅର୍ଥ ଥିଲା ନା ସାହାସ ଥିଲା ରାଜ୍ୟ ବାହାରକୁ ଯାଇ ଗୁରୁତର ରୋଗର ଚିକିତ୍ସା କରିବାକୁ । ହେଲେ ନବୀନ ବାବୁଙ୍କ ବିଏସକେୱାଇ ଯୋଜନା ଯୋଗୁଁ ଏବେ ଧନୀମାନେ ଯେଉଁଠି ଚିକତ୍ସା କରିପାରୁଛନ୍ତି ସେଠି ଗରିବ ମଧ୍ୟ ପହଂଚିପାରୁଛନ୍ତି । ମାଗଣାରେ ଚିକିତ୍ସା କରାଇପାରୁଛନ୍ତି । ଆୟୁଷ୍ମାନ ଯୋଜନା ଇନସ୍ୟୁରାନ୍ସ ଏଜେଣ୍ଟଙ୍କ ଜରିଆରେ କାର୍ଯ୍ୟକରୁଥିବାବେଳେ ବିଏସକେୱାଇ କିନ୍ତୁ ସିଧାସଳଖ କାମ କରୁଛି । ଏଟିଏମ୍ କାର୍ଡ ଭଳି ଲୋକେ ଏହାକୁ ସହଜରେ ବ୍ୟବହାର କରି ଚିକିତ୍ସା ପାଇଁ ଟଙ୍କା ଉଠାଇପାରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ କଥା ହେଲା ଆୟୁଷ୍ମାନ ଯୋଜନାରେ ବିଜେପି ସରକାର ସାରା ଦେଶ ପାଇଁ ୭୦୦୦ କୋଟି ଟଙ୍କାର ବଜେଟ୍ ରଖିଥିବାବେଳେ ଓଡିଶା ଭାଗରେ ପଡୁଛି ମାତ୍ର ୩ଶହ କୋଟି । ହେଲେ ଓଡିଶାରେ ବିଏସକେୱାଇ ଯୋଜନାରେ ନବୀନ ସରକାର ମାସକୁ ଖର୍ଚ୍ଚ କରୁଛନ୍ତି ୩୦୦ କୋଟି । ବାହାର ରାଜ୍ୟର ବଡବଡ ହସ୍ପିଟାଲ ମାନଙ୍କରେ ରାଜ୍ୟସରକାର ମାସକୁୁ ପାଖାପାଖି ୧୮ କୋଟି ଟଙ୍କା ଖର୍ଚ୍ଚ କରୁଛନ୍ତି । ଏହି ଯୋଜନାରେ ପୁରୁଷଙ୍କ ଚିକିତ୍ସା ପାଇଁ ୫ ଲକ୍ଷ ଟଙ୍କା ବଜେଟ୍ ଥିବାବେଳେ ମହିଳାଙ୍କ ପାଇଁ ୧୦ ଲକ୍ଷ ଯାଏଁ ଚିକିତ୍ସା ଖର୍ଚ୍ଚର ବ୍ୟବସ୍ଥା ରହିଛି । ଆୟୁଷ୍ମାନ ଯୋଜନାରେ ୫୦ ଲକ୍ଷ ଲୋକ ଉପକୃତ ହୋଇପାରୁଥିବାବେଳେ ବିଏସକେୱାଇ ଯୋଜନାରେ ଓଡିଶାର ପାଖାପାଖି ୯୫ ଲକ୍ଷ ଲୋକ ଉପକୃତ ହୋଇପାରିଛନ୍ତି ।
ତେଣୁ ବିଜେଡି ବିଜେପି ଆଗରେ ଦାବି ରଖିଥିଲା, ଯଦି ସାହାସ ଅଛି ତାହେଲେ ନିଜ ଇସ୍ତାହାରରେ ବିଏସକେୱାଇ ସ୍କିମକୁ ବନ୍ଦ କରିବାକୁ ଘୋଷଣା କରି ଦେଖାଅ । ସେମାନେ ଡରିଗଲେ । ତଥାପି ବିଏସକେୱାଇ ସ୍କିମକୁ ବନ୍ଦ କରିବାକୁ ଯୋଜନା ରଖିଛନ୍ତି । କାରଣ ଏହାକୁ ନବୀନ ସରକାର କରିଛନ୍ତି ଏବଂ ଏହା ସାରା ଓଡିଶାବାସୀଙ୍କ ହୃଦୟକୁ ଛୁଇଁପାରିଛି । ତେଣୁ ଆଗକୁ ଜୁନ୍ ୪ ତାରିଖରେ ବିଜେଡିକୁ ଓଡିଶାବାସୀ ସେମାନଙ୍କ ଚକ୍ରାନ୍ତର ଠିକ ଜବାବ ଦେବେ ।