ଉତ୍କଟ ହେବାରେ ଲାଗିଛି ଶ୍ରୀଲଙ୍କା ଆର୍ଥିକ ସଂକଟ: ସମସ୍ୟା ଭିତରେ ଦେଶରୁ ଏମରଜେନ୍ସି ଉଠାଇଲେ ରାଷ୍ଟ୍ରପତି ଗୋଟାବାୟା ରାଜପକ୍ଷ
କନକ ବ୍ୟୁରୋ: ଶ୍ରୀଲଙ୍କାରେ ବିଗୁଡୁଥିବା ଆର୍ଥିକ ସଂକଟ ଭିତରେ ମଙ୍ଗଳବାର ଅଧ ରାତିରେ ଦେଶରୁ ଏମନଜେନ୍ସି ଉଠାଇ ଦେଇଛନ୍ତି ରାଷ୍ଟ୍ରପତି ଗୋଟାବାୟା ରାଜପକ୍ଷ । ଲୋକଙ୍କ ଆକ୍ରୋଷ ଓ ସରକାର ସଠିକ୍ ଭାବେ ପରିଚାଳିତ ହେଉନଥିବା ଭିତରେ ରାତି ଅଧିଆ ଜରୁରୀକାଳିନ ପରିସ୍ଥିତିକୁ ଉଟାଇ ଦେଇଛନ୍ତି ଶ୍ରୀଲଙ୍କା ରାଷ୍ଟ୍ରପତି । ଏହାପରେ ନାଗରିକଙ୍କ ଆନ୍ଦୋଳନ ଆହୁରୀ ତୀବ୍ର ହୋଇଛି ।..
Kanak News is now on WhatsApp
Join and get latest news updates delivered to you via WhatsApp
ଭୟଙ୍କର ଆର୍ଥିକ ସଂକଟ ଦେଇ ଗତି କରୁଥିବା ଶ୍ରୀଲଙ୍କାରେ ସ୍ଥିତି ଆହୁରି ବିଗିଡିବାରେ ଲାଗିଛି । ଏହାରି ଭିତରେ ୫ ଦିନ ପରେ ଦେଶରୁ ଜରୁରୀକାଳୀନ ସ୍ଥିତିକୁ ଉଠାଇ ଦେଇଛନ୍ତି ରାଷ୍ଟ୍ରପତି ଗୋଟାବାୟା ରାଜପକ୍ଷ । ମଙ୍ଗଳବାର ରାତି ଅଧରେ ଦେଶରୁ ଏମରଜେନ୍ସି ଉଠାଇ ଦିଆଯାଇଛି । ଗତ ଏପ୍ରିଲ ୧ ତାରିଖରେ ଶ୍ରୀଲଙ୍କା ଏମରଜେନ୍ସି ଲାଗୁ ହୋଇଥିଲା । ଜରୁରୀକାଳିନ ସ୍ଥିତି ଓ କର୍ଫ୍ୟୁ ପରେ ବି ସରକାରଙ୍କୁ ତୀବ୍ର ବିରୋଧର ସାମ୍ନା କରିବାକୁ ପଡିଥିଲା । ମଙ୍ଗଳବାର ସନ୍ଧ୍ୟାରେ ମଧ୍ୟ ହଜାର ହଜାର ସଂଖ୍ୟାରେ ଛାତ୍ରଛାତ୍ରୀ ରାଜଧାନୀ କଲମ୍ବୋରେ ରାଜରାସ୍ତାକୁ ଓହ୍ଲାଇ କରିଥିଲେ ପ୍ରତିବାଦ । ସମସ୍ୟା ଘେରରେ ଫଶିଥିବା ରାଜପକ୍ଷ ସରକାର ।
– ଏମରଜେନ୍ସି ଅଧ୍ୟାଦେଶ ୫ ଏପ୍ରିଲ ରାତି ଅଧିରେ ଉଠାଇ ଦେଇଛନ୍ତି ।
– ନୱେର୍, ଇରାକ ଓ ଅଷ୍ଟ୍ରେଲିଆରେ ନିଜ ଦୂତବାସ ଅସ୍ଥାୟୀ ଭାବେ ବନ୍ଦ କରିଦିଆଯାଇଛି ।
– ଶ୍ରୀଲଙ୍କାର ପୂର୍ବତନ ଅର୍ଥ ସଚିବ ନନ୍ଦଲାଲ ବୀରସିଂଘେ ଏପ୍ରିଲ ୭ ତାରିଖରୁ ସେଂଟ୍ରାଲ ବ୍ୟାଙ୍କର ଗଭର୍ଣ୍ଣର ଦାୟିତ୍ୱ ନେବେ ।
ଶ୍ରୀଲଙ୍କାରେ ଆର୍ଥିକ ସମସ୍ୟା ଦିନକୁ ଦିନ ଗମ୍ଭୀର ରୂପ ନେବାରେ ଲାଗିଛି । ଦେଶରୁ ଏମରଜେନ୍ସି ଉଠାଇ ଦିଆଯିବା ପରେ ଲୋକଙ୍କ ଆନ୍ଦୋଳନ ଆହୁରି ତୀବ୍ର ହୋଇଛି । ହାତରେ ପ୍ଲା କାର୍ଡ ଧରି ଚୀନ ବିରୋଧରେ ନାରାବାଜି କରୁଥିବା ନଜର ଆସିଛନ୍ତି ଶ୍ରୀଲଙ୍କା ନାଗରିକ ।
ସେପଟେ ଲୋକଙ୍କ ପାଖରେ ଖାଦ୍ୟ ସାମଗ୍ରୀର ଘୋର ସଂକଟ ଦେଖିବାକୁ ମିଳିଛି । ଦେଶରେ ଅତ୍ୟାବଶ୍ୟକୀୟ ସାମଗ୍ରୀର ଦରଦାମ୍ ଆକାଶଛୁଆଁ ହୋଇଛି । ଫଳରେ ଲୋକେ ଉତ୍ୟକ୍ତ ହୋଇ ପ୍ରତିବାଦ କରିବାକୁ ଓହ୍ଲାଇଛନ୍ତି । ସେପଟେ ଦେଶରେ ନ୍ୟୁନତମ ସ୍ୱାସ୍ଥ୍ୟସେବା ପାଇବାରେ ବଂଚିତ ହେଉଛନ୍ତି ଲୋକେ । ସରକାରୀ ଡାକ୍ତରଖାନା ବାହାରେ ରୋଗୀଙ୍କ ଲମ୍ବା ଲାଇନ୍ ଦେଖିବାକୁ ମିଳୁଛି । ଲୋକଙ୍କୁ ଔଷଧପତ୍ର ବି ମିଳୁ ନଥିବା ଅଭିଯୋଗ ହୋଇଛି ।
ସମସ୍ୟା ଘେରରେ ଥିବା ଶ୍ରୀଲଙ୍କାକୁ ସହାୟତା ଯୋଗାଇଛି ଭାରତ । ଯାହାକୁ ନେଇ ଦେଶରେ ତୈଳ ଜନିତ ସମସ୍ୟାର କିଛି ମାତ୍ରାରେ ସମାଧାନ ହୋଇଛି । ଫଳରେ ୬ ଏପ୍ରିଲରୁ ୮ ଏପ୍ରିଲ ପର୍ଯ୍ୟନ୍ତ ଶ୍ରୀଲଙ୍କାର ୧୨, ୧୩ ଘଂଟା ପରିବର୍ତେ ସାଢେ ଘଂଟା ବିଦ୍ୟୁତ କାଟ ହେବ ।