ସୁପ୍ରିମକୋର୍ଟଙ୍କ ହାତରେ ପାକିସ୍ତାନ ରାଜନୈତିକ ସଙ୍କଟ: ସମସ୍ୟା ପଛରେ ବାହ୍ୟ ଶକ୍ତିର ରହିଛି କି ହାତ ପ୍ରଶ୍ନ କଲେ କୋର୍ଟ?
କନକ ବ୍ୟୁରୋ: ପାକିସ୍ତାନ ରାଜନୀତିରେ ଜାରି ରହିଛି ଡ୍ରାମା । ଅନାସ୍ଥା ପ୍ରସ୍ତାବ ଖାରଜ ଏବଂ ନ୍ୟାସନାଲ ଆସେମ୍ବଲି ଭଙ୍ଗ ମାମଲାରେ ସୁପ୍ରିମକୋର୍ଟଙ୍କ ଶୁଣାଣୀ ଗୁରୁବାର ପର୍ଯ୍ୟନ୍ତ ସ୍ଥଗିତ ରଖିଦେଇଛନ୍ତି । ମଙ୍ଗଳବାର ଶୁଣାଣି କରି କୋର୍ଟ ଏହି ମାମଲାରେ ବିଦେଶୀ ରାଷ୍ଟ୍ରର ହସ୍ତକ୍ଷେପ ଥିଲା କି ନାହିଁ ପ୍ରଶ୍ନ କରିଥିଲେ । ବୁଧବାର ଏହାକୁ ନେଇ ଜବାବ ରଖିଛି ସେନା । ପାକିସ୍ତାନରେ ଚାଲିଥିବା ରାଜନୈତିକ ସଂକଟ ପଛରେ କୌଣସି ଦେଶର ଭୂମିକା ନଥିବା ସେନା ପକ୍ଷରୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ବୁଧବାର ଶୁଣାଣୀ ବେଳେ ରାଷ୍ଟ୍ରପତି ଆରିଫ ଅଲବୀଙ୍କ ଓକିଲ ପକ୍ଷ ରଖି କହିଥିଲେ ଯେ, ଡେପୁଟି ସ୍ପିକରଙ୍କ ନିର୍ଣ୍ଣୟ ଉପରେ ଶୁଣାଣୀ କରିବାର ହକ୍ ସୁପ୍ରିମକୋର୍ଟଙ୍କ ପାଖରେ ନାହିଁ । ଯେପରି କୋର୍ଟଙ୍କ ଫଇସିଲା ଉପରେ ସଂସଦରେ ଆଲୋଚନା ହୋଇ ପାରିବ ନାହିଁ ସେହିପରି ସଂସଦର କାର୍ଯ୍ୟ ଉପରେ କୋର୍ଟ ହସ୍ତକ୍ଷେପ କିର ପାରିବେ ନାହିଁ ବୋଲି ରାଷ୍ଟ୍ରପତିଙ୍କ ପକ୍ଷ ରଖିଥିବା ଓକିଲ କହିଛନ୍ତି । ପୂର୍ବରୁ ସୁପ୍ରିମକୋର୍ଟ ସଂସଦରେ ଅଣାଯାଇଥିବା ଅନାସ୍ଥା ପ୍ରସ୍ତାବକୁ ଖାରଜ କରାଯାଇପାରିବ ନାହିଁ ବୋଲି ରୋକଠୋକ କହିଥିଲେ । ସୁପ୍ରିମକୋର୍ଟଙ୍କ ମନୋଭାବ ଦେଖି ଲାଗୁଛି ଅନାସ୍ଥା ପ୍ରସ୍ତାବ ଉପରେ ଭୋଟିଂ ପାଇଁ ସେ ନିର୍ଦ୍ଦେଶ ଦେଇ ପାରନ୍ତି । ଆଉ ଏପରି ହେଲେ ଇମ୍ରାନ ଖାନ୍ଙ୍କ ପାଇଁ ପରିସ୍ଥିତି ବେଶ ଖରାପ ହୋଇଯିବ । ଆଉ ଏଭଳି ପରିସ୍ଥିତିରେ ପାକ୍ ସେନାର କଣ ଭୂମିକା ରହିବ ତାହା ଉପରେ ନଜର ।