ଚିନ୍ତା ବଢାଇଲା କୋଣାର୍କ ଓ ଜଗତସିଂପୁରରେ ସମୁଦ୍ରର ଜୁଆର: ୨୧ଶହ ମସିହା ସୁଦ୍ଧା ସମୁଦ୍ର ପତନ ଆହୁରି ବଢ଼ିବା ଆଶଙ୍କା
କନକ ବ୍ୟୁରୋ: ସମୁଦ୍ର ଜୁଆର ମାଡ଼ି ଆସିବାରୁ ପୁରୀ-କୋଣାର୍କ ମେରାଇନ ଡ୍ରାଇଭ ରାସ୍ତା ଏବେ ବିପଦରେ ପଡିଯାଇଛି । ୫ ଫୁଟ ଉଚ୍ଚ ଜୁଆର ମାଡରେ ମେରାଇନ ଡ୍ରାଇଭର ରାସ୍ତା ଓ ସୁରକ୍ଷା ପ୍ରାଚୀର ଭାଙ୍ଗି ଯାଇଛି । ବିଶେଷକରି ଚନ୍ଦ୍ରଭାଗା-ଇକୋ ରିଟ୍ରିଟ୍ ରାସ୍ତାର ସାହୁଖଣତା ଠାରେ ସ୍ଥିତି ସବୁଠୁ ସାଂଘାତିକ ହୋଇଛି । ସେହିପରି ଲଘୁଚାପ ଜନିତ ଲଗାଣ ବର୍ଷା ଓ ଅଶାନ୍ତ ସମୁଦ୍ର କ୍ରମାଗତ ଭାବେ କୂଳ ଖାଇବାକୁ ଲାଗିଛି ଶିଆଳି ବେଳାଭୂମିରେ । ଏଠାରେ ଥିବା ଭ୍ୟୁ ଟାୱାର ଚଟାଣ ତଳୁ ବାଲି ଖସିବାରେ ଲାଗିଛି । ୨୦୦୯ ମସିହାରେ ସମୁଦ୍ର କୂଳ ଲଂଘିବାରୁ ବାଲି ବସ୍ତା ଓ ପଥର ପକାଇ ଏକ ଅସ୍ଥାୟୀ ସୁରକ୍ଷା ପ୍ରାଚୀର ନିର୍ମାଣ କରାଯାଇଥିଲା । କିନ୍ତୁ ସେ ସୁରକ୍ଷା ପ୍ରାଚୀରର ପ୍ରାୟ ୩୦ ପ୍ରତିଶତ ଅଂଶ ସମୁଦ୍ର ଗର୍ଭକୁ ଯାଇସାରିଲାଣି ।
Kanak News is now on WhatsApp
Join and get latest news updates delivered to you via WhatsApp
ସାରାବିଶ୍ୱରେ ଉତାପ ବଢୁଥିବାରୁ ସମୁଦ୍ର ଅଶାନ୍ତ ହେବାସହ ଜଳ ପତନ ବଢିିବାରେ ଲାଗିଛି, ଯାହା ଉପକୂଳିଆ ଅଂଚଳ ପ୍ରତି ବିପଦ ବଢାଇ ଦେଇଛି ।
– ବିଶ୍ୱ ତାପନ ଯୋଗୁଁ ରାଜ୍ୟରେ କୂଳ ଲଂଘିବାରେ ଲାଗିଛି ସମୁଦ୍ର
– ୨୧୦୦ ମସିହା ସୁଦ୍ଧା ସମୁଦ୍ର ପତ୍ତନ ୧.୭ରୁ ୩.୨ ଫୁଟ୍ ବଢିବା ଆଶଙ୍କା କରାଯାଉଛି
– ୨୦୫୦ ସୁଦ୍ଧା ୨ଡିଗ୍ରୀ ସେଲସିୟସ ବଢିବ ସାରା ବିଶ୍ୱର ସ୍ୱାଭାବିକ ତାପମାତ୍ରା
– ୫୭୦ ସହରର ପ୍ରାୟ ୮୦ କୋଟି ଲୋକ ପ୍ରଭାବିତ ହେବା ଆଶଙ୍କା ରହିଛି
– ଏପରିକି ସମୁଦ୍ରରେ ଲୀନ ହୋଇପାରେ ଉପକୂଳରେ ଥିବା କେତେକ ସହର
– ବିଶ୍ୱ ଅର୍ଥନୈତିକ ଫେରମର ଗ୍ଲୋବାଲ ରିସ୍କ ରିର୍ପୋଟ ୨୦୧୯ରେ ତଥ୍ୟ ପ୍ରକାଶ
ସମୁଦ୍ରର ବିପଦଜନକ ବ୍ୟବହାର ନେଇ ଇଂଟର ଗର୍ଭରମେଂଟାଲ ପ୍ୟାନେଲ୍ ଅନ୍ କ୍ଲାଇମେଟ୍ ଚେଂଜ-ଆଇପିସିସିର ରିପୋର୍ଟ ଆହୁରି ସାଂଘାତିକ ।
– ଶତାଦ୍ଦୀ ଶେଷ ବେଳକୁ ସମୁଦ୍ରରେ ବୁଡିଯିବ ୧୨ଟି ଉପକୂଳ ସହର!
– ମୁମ୍ବାଇ, ଚେନ୍ନାଇ, କୋଚି ଓ ବିଶାଖାପାଟ୍ଟନମ୍ ପ୍ରତି ରହିଛି ବିପଦ
– ଏସିଆ ମହାଦେଶରେ ଦ୍ରୁତ ଗତରେ ବଢୁଛି ସମୁଦ୍ର ଜଳପତ୍ତନ
– ଆଇପିସିସି ରିପୋର୍ଟରେ ବନ୍ଦର ସହର ପାରାଦୀପକୁ ନେଇ ସତର୍କ ଘଂଟି
– ୨୧୦୦ ଶତାବ୍ଦୀରେ ପାରାଦୀପ ନିକଟରେ ସମୁଦ୍ର ଜଳପତ୍ତନ ୨ଫୁଟ୍ ବଢିଯିବା ଆଶଙ୍କା
ଓଡିଶାର ପୂର୍ବ ପଟରେ ବଙ୍ଗୋପସାଗର ରହିଥିବାବେଳେ ପ୍ରାୟ ୪୫୦ କିଲୋମିଟରର ବିସ୍ତୀର୍ଣ୍ଣ ବେଳାଭୂମି ରହିଛି । ତେଣୁ ପ୍ରାକୃତିକ ଦୁର୍ବିପାକ ସହ ସମୁଦ୍ରର ବିପଦଜନକ ବ୍ୟବହାର ବିପଦ ସୃଷ୍ଟି କରୁଆସୁଛି ।