ବଦଳିବ ଶ୍ରୀମନ୍ଦିର ନୀତିକାନ୍ତି । ବିବାଦ ବଢିବା ପରେ ନିଜ ଭୁଲ ସୁଧାରିବ ମନ୍ଦିର ପ୍ରାଶାସନ, ଡକାଗଲା ଛତିଶାନିଯୋଗ ବୈଠକ
କନକ ବ୍ୟୁରୋ : ବଦଳିବ ଶ୍ରୀମନ୍ଦିର ନୀତିକାନ୍ତି । ମନ୍ଦିର ପ୍ରଶାସନ ନିଜ ଭୁଲ ସ୍ୱିକାର କରିବା ସହ ଚନ୍ଦ୍ରଗହଣରେ ନୀତିକାନ୍ତି ପରିବର୍ତନ କରିବା ନେଇ ସ୍ପଷ୍ଟ ହୋଇଛି । ଚନ୍ଦ୍ରଗ୍ରହଣରେ ନୀତିକାନ୍ତି ପରିବର୍ତନ ହେବା ନେଇ ସୂଚନା ମିଳିଛି । ଆସନ୍ତା ଅକ୍ଟୋବର ୮ ତାରିଖରେ କାର୍ତିକ ପୂଣ୍ଣିମାରେ ଚନ୍ଦ୍ରଗ୍ରହଣ ପଡୁଥିବାରୁ ସେଦିନ ପାକତ୍ୟାଗ, ଦେବନୀତି ନିଷେଧ ହେବ । ହେଲେ କେଉଁ ସମୟରେ ନୀତିକାନ୍ତି ହେବ ତାକୁ ନଇ ବିତର୍କ ଆରମ୍ଭ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେହିଦିନ ସକାଳ ୮ଟା ୨୨ ମିନିଟ୍ ସମୟରେ ପାକତ୍ୟାଗ ଏବଂ ଦେବନୀତି ନିଷେଧ ନେଇ ଶ୍ରୀମନ୍ଦିର ପ୍ରଶାସନର ଚୁଡାନ୍ତ ନୀତିକାନ୍ତିରେ ଉଲ୍ଲେଖ ରହିଥିବା ବେଳେ ଜ୍ୟୋର୍ତିବିଦ୍ୟମାନେ ସୂର୍ଯ୍ୟୋଦୟ ଠାରୁ ପାକତ୍ୟାଗ, ଦେବନୀତି ନିଷେଧ ବୋଲି ଯୁକ୍ତି ବାଢିଛନ୍ତିି । ବିବାଦ ବଢିବା ପରେ ମନ୍ଦିର ପ୍ରାଶାସନ ନିଜ ଭୁଲ ସୁଧାରି ନୀତିକାନ୍ତିରେ ପରିବର୍ତନ କରିବାକୁ ଯାଉଛି । ଏନେଇ ବିସ୍ତୃତ ଆଲୋଚନା ପାଇଁ ନଭେମ୍ବର ମାସ ପ୍ରଥମ ସପ୍ତାହରେ ନୀତି ସବ୍ କମିଟି ଏବଂ ଛତିଶାନିଯୋଗ ବୈଠକ ଡକାଯାଇଛି । ଶ୍ରୀମନ୍ଦିର ପ୍ରଶାସନର ଏତେ ବଡ ଭୁଲକୁ ସବୁ ମହଲରେ ସମାଲୋଚନା କରାଯାଉଛି ।