ସୌମ୍ୟ ରଞ୍ଜନଙ୍କ ବିରୋଧରେ କାର୍ଯ୍ୟାନୁଷ୍ଠାନକୁ ସବୁ ମହଲରେ ନାପସନ୍ଦ: ନବୀନଙ୍କ ଦସ୍ତଖତକୁ ନେଇ ସନ୍ଦେହ କଲେ ସୌମ୍ୟ
କନକ ବ୍ୟୁରୋ: ବିନା କୌଣସି ନୋଟିସରେ ସୌମ୍ୟରଞ୍ଜନ ପଟ୍ଟନାୟକଙ୍କ ବିରୋଧରେ ବିଜେଡିର କାର୍ଯ୍ୟାନୁଷ୍ଠାନକୁ ନେଇ ପ୍ରଶ୍ନ ଉଠିଛି । ଏହାକୁ ନେଇ କଡା ପ୍ରତିକ୍ରିୟା ଦେଇଛନ୍ତି ନେତା ଓ ବରିଷ୍ଠ ସାମ୍ବାଦିକ । ରାଜ୍ୟର ନିର୍ବାଚିତ ମୁଖ୍ୟମନ୍ତ୍ରୀ ଜଣେ ସଚିବଙ୍କ ପାଇଁ ଜଣେ ବରିଷ୍ଠ ନେତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ସହଜରେ ଗ୍ରହଣ ପାରି ନାହାନ୍ତି ବିରୋଧୀ । ବିରୋଧୀ ନେତା ଏହାକୁ ଅଗଣତାନ୍ତ୍ରିକ ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆମ ଘରର ହାଲଚାଲ ଆଲେଖ୍ୟରେ ଆତ୍ମବିଭୋର ପ୍ରଶାସକ, ଅସହାୟ ରାଜନେତା ସଂପର୍କରେ ସମ୍ବାଦର ସଂପାଦକ ସୌମ୍ୟରଂଜନ ପଟ୍ଟନାୟକ ଯାହା ଆଶଙ୍କା କରିଥିଲେ ତାହା ସତ ହୋଇଛି । ସୌମ୍ୟ ରଞ୍ଜନ ତାଙ୍କ ଆଲେଖ୍ୟରେ ନବୀନଙ୍କ ବିରୋଧରେ ପଦୁଟିଏ କହିନଥିଲେ । ବରଂ ସେ ନବୀନଙ୍କୁ ବାରମ୍ବାର ପ୍ରଶଂସା କରି ଆସିଛନ୍ତି । ନବୀନ ଓଡିଶାବାସୀଙ୍କ ଆର୍ଶୀବାଦ ପାଇ ଷଷ୍ଠ ଥର ପାଇଁ ମୁଖ୍ୟମନ୍ତ୍ରୀ ହେବେ ଏଥିରେ ସନ୍ଦେହ ନାହିଁ ବୋଲି ଆଲେଖ୍ୟରେ ଲେଖିଛନ୍ତି । ଦଳ ବିରୋଧରେ ମଧ୍ୟ କୌଣସି ମନ୍ତବ୍ୟ ଦେଇନାହାନ୍ତି । ଓଡିଶାରେ ବିଜେଡି ସହ ଲଢ଼ିବା ଭଳି ବିରୋଧୀ ଏପର୍ଯ୍ୟନ୍ତ ଦେଖାଯାଉନାହାନ୍ତି ବୋଲି ପ୍ରତିକ୍ରିୟାରେ କହିଥିଲେ ।
ହେଲେ, ସେ ଫାଇଭ-ଟି ସଚିବ କୋଟି କୋଟି ଟଙ୍କା ଖର୍ଚ୍ଚ କରି ହେଲିକପ୍ଟରରେ ବୁଲିବାକୁ ନେଇ ପ୍ରଶ୍ନ ଉଠାଇ ଆସିଛନ୍ତି । ସଚିବଙ୍କ ଗସ୍ତ ଦ୍ୱାରା ସାଧାରଣ ଲୋକଙ୍କର କଣ ଲାଭ ହେଉଛି ତାହା ଜାଣି ହେଉନଥିବା ଆଲେଖ୍ୟରେ ଉଲେଖ କରିଥିଲେ । ଯାହାର ମୂଲ୍ୟ ତାଙ୍କୁ ଦେବାକୁ ପଡିଛି । ଆଉ ସ୍ପଷ୍ଟ ହୋଇଯାଇଛି, ରାଜ୍ୟରେ ମନ୍ତ୍ରୀ ନୁହେଁ ସଚିବ ବଡ । ମୁଖ୍ୟମନ୍ତ୍ରୀ ନେତାଙ୍କ ଅପେକ୍ଷା ସଚିବଙ୍କୁ ଅଧିକ ବିଶ୍ୱାସ କରୁଛନ୍ତି । ଯାହାକି ଅଣ ସାମ୍ବିଧାନିକ ।
ରାଜ୍ୟର ନିର୍ବାଚିତ ମୁଖ୍ୟମନ୍ତ୍ରୀ ଜଣେ ସଚିବଙ୍କ ପାଇଁ ଜଣେ ବରିଷ୍ଠ ନେତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ସହଜରେ ଗ୍ରହଣ ପାରି ନାହାନ୍ତି ବିରୋଧୀ । ଏହା ଅଗଣତାନ୍ତ୍ରିକ ବୋଲି କହିବା ସହ ଏହାକୁ ନିନ୍ଦା କରିଛନ୍ତି ।
ତେବେ ବିଜେଡି ନେତାଙ୍କ ପାଖରେ କୌଣିସି ଉତର ନାହିଁ । କେବଳ ସଚିବଙ୍କ ସୁରକ୍ଷାରେ ସୌମ୍ୟ ରଞ୍ଜନଙ୍କ କଥାକୁ ଦଳ ବିରୋଧୀ କହି ବୟାନ ଦେଉଛନ୍ତି । ହେଲେ, ସୌମ୍ୟରଞ୍ଜନ ଏବେ ନୁହେଁ ସେ ୧୯୯୫ରୁ ୨୦୦୦ ମସିହା ଭିତରେ, ଯେତେବେଳେ ସ୍ୱର୍ଗତ ଜାନକୀ ବଲ୍ଲଭ ପଟ୍ଟନାୟକ ରାଜ୍ୟର ମୁଖ୍ୟମନ୍ତ୍ରୀ ଥିଲେ, ସେତେବେଳେ ମଧ୍ୟ ସରକାରଙ୍କ ଦୁର୍ନୀତି ପଦାକୁ ଆଣୁଥିଲେ । ଆଉ ସରକାରଙ୍କୁ ଠିକ୍ କେଉଁଟା ଭୁଲ କେଉଁଟା ଦେଖାଉଥିଲେ । ଯାହାକୁ ମନେ ପକାଇ ଦେବା ସହ ବିଜେଡି ନେତାଙ୍କୁ ଆଇନ ଦେଖାଇଛନ୍ତି ବିଜେପି ନେତା ପ୍ରଦୀପ ପୁରୋହିତ ।
ତେବେ ପ୍ରଶ୍ନ ଉଠୁଛି, ସତରେ କଣ ଏତେ ଅସହାୟ ବିଜେଡି ବିଧାୟକ, ସାଂସଦ ଓ ମନ୍ତ୍ରୀ?
– ସଚିବଙ୍କୁ କଣ ପାଇଁ ଭୟ କରୁଛନ୍ତି ବିଜେଡି ନେତା?
– ଦଳ ଭିତରେ ଯାହା ଚାଲିଛି ନବୀନ ସବୁ ଜାଣିଛନ୍ତି ତ?
– ଯେଉଁ ନେତାମାନେ ବୟାନ ଦେଉଛନ୍ତି ସେମାନେ କେବେ ନବୀନଙ୍କୁ ଭେଟିଥିଲେ?