ଦିଲ୍ଲୀରେ ପ୍ରଦୂଷଣ କମାଇବାକୁ କେଜ୍ରିୱାଲ ସରକାରଙ୍କ ନୂଆ ଉପାୟ: ୧୦ ବର୍ଷର ପୁରୁଣା ଡିଜେଲ ଗାଡ଼ିକୁ କରାଯିବ ଅଣପଂଜୀକୃତ, ୧୫ ବର୍ଷର ଗାଡ଼ିକୁ ମିଳିବନି ଏନଓସି
କନକ ବ୍ୟୁରୋ: ଦିଲ୍ଲୀରେ ପ୍ରଦୂଷଣ ଏକ ବଡ଼ ଚିନ୍ତାର କାରଣ ପାଲଟିଥିବା ବେଳେ ଏହାର କିପରି ପ୍ରଭାବୀ ଢଙ୍ଗରେ ମୁକାବିଲା କରାଯିବ, ସେନେଇ କୌଶଳ ଖୋଜୁଛନ୍ତି ଅରବିନ୍ଦ କେଜ୍ରିିୱାଲ ସରକାର । ଏହି କ୍ରମରେ ଏବେ ଡିଜେଲ ଗାଡ଼ି ଗୁଡ଼ିକ ଉପରେ କଟକଣା ବଢ଼ାଇବାକୁ ଯାଉଛନ୍ତି । ୧୦ ବର୍ଷ ପୂରଣ କରିସାରିଥିବା ସବୁ ଡିଜେଲ ଗାଡ଼ି ଉପରେ କଟକଣା ଲଗାଇବାକୁ ଯାଉଛନ୍ତି ଦିଲ୍ଲୀ ସରକାର । ଜାନୁଆରୀ ୧ ତାରିଖରୁ ୧୦ ବର୍ଷର ପୁରୁଣା ଡିଜେଲ ଗାଡ଼ିକୁ ଅଣ ପଂଜୀକୃତ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ହେଲେ ଏହି ସବୁଗାଡ଼ିକୁ ନୋ ଅବଜେକ୍ସନ୍ ସାଟିଫିକେଟ୍ ବା ଏନଓସି ଦିଆଯିବ, ଫଳରେ ଏହି ଗାଡ଼ି ଗୁଡ଼ିକୁ ଦିଲ୍ଲୀକୁ ଛାଡ଼ି ଅନ୍ୟ ସ୍ଥାନରେ ଚଳାଚଳ କରିପାରିବେ । ହେଲେ ଯେଉଁ ଡିଜେଲ ଗାଡ଼ି ସବୁ ୧୫ ବର୍ଷ ପୂରଣ କରିସାରିଛନ୍ତି, ଏସବୁର ଚଳାଚଳ ଉପରେ ଏକ ପ୍ରକାର ରୋକ ଲାଗିଯିବ । କାରଣ ଏହି କ୍ଷେତ୍ରରେ କୌଣସି ଏନଓସି ପ୍ରଦାନ କରାଯିବ ନାହିଁ । ପୂର୍ବରୁ ଦିଲ୍ଲୀ ବଢ଼ୁଥିବା ପ୍ରଦୂଷଣକୁ ନେଇ ନ୍ୟାସନାଲ ଗ୍ରୀନ ଟ୍ରିବୁନାଲ ଦିଲ୍ଲୀ ସରକାରଙ୍କ ଠାରୁ ଜବାବ ମାଗିଥିଲେ, ଏହାସହ ଡିଜେଲ ଗାଡ଼ି ଗୁଡ଼ିକ ଉପର କଟକଣା ବଢ଼ାଇବାକୁ ପରାମର୍ଶ ଦେଇଥିଲେ ।