ଗରିବ ଲୋକ ଏବେ ସହଜର ନିର୍ମାଣ କରିପାରିବେ ବାସଗୃହ । ୨୦ ଲକ୍ଷ ଟଙ୍କା ପର୍ଯ୍ୟନ୍ତ ଗୃହ ଋଣ ଉପରେ ସୁଧ ରିହାତି ଦେବେ ରାଜ୍ୟ ସରକାର
କନକ ବ୍ୟୁରୋ : ବିଜେଡି ସରକାରଙ୍କ ଜନହିତକର କାର୍ଯ୍ୟକୁ ନେଇ ଏବେ ଚାରିଆଡେ ଚର୍ଚ୍ଚା ହେଉଛି । ସେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ହେଉ କି ସ୍ୱୟଂ ଯୋଜନା । ଏହାସହ ନିର୍ବାଚନ ପୂର୍ବରୁ ରାଜ୍ୟସରକାର ରାଜ୍ୟର ଗରିବ ଓ ନିମ୍ନ ମଧ୍ୟବିତ ପରିବାର ପାଇଁ ବଡ ଘୋଷଣା କରିଛନ୍ତି । ରାଜ୍ୟ ସରକାର କହିଛନ୍ତି କି, ଯଦି ରାଜ୍ୟରେ ପୁଣିଥରେ ବିଜେଡି ସରକାର ଗଠନ କରେ ତେବେ ରାଜ୍ୟରେ ଥିବା ଗରିବ ଓ ମଧ୍ୟବିତ ପରିବାରକୁ ରିହାତି ସୁଧରେ ଗୃହଋଣ ଯୋଗାଇ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ଯେଉଁମାନଙ୍କ ମୁଣ୍ଡ ଉପରେ ଛାତ ନାହିଁ ବା ବଡ ଘର କରିବାକୁ ଚାହୁଁଛନ୍ତି ସେମାନଙ୍କୁ ରାଜ୍ୟ ସରକାରଙ୍କ ତରଫରୁ ୨୦ ଲକ୍ଷ ଟଙ୍କା ପର୍ଯ୍ୟନ୍ତ ଗୃହ ଋଣ ସୁଧ ଉପରେ ରିହାତି ମଳିବ । ଏହାଦ୍ୱାରା ରାଜ୍ୟରେ ନିମ୍ନ ମଧ୍ୟବିତ ପରିବାର ଟିକେ ବଡ ଘର କରିବାର ସ୍ୱପ୍ନ ସାକାର ହେବ ବୋଲି ରାଜ୍ୟ ସରକାର କହିଛନ୍ତି । ଏହି ଯୋଜନାରେ ବିଶେଷ କରି ରାସନକାର୍ଡ ହିତାଧିକାରୀମାନେ ଲାଭ ପାଇପାରିବେ । ଏହାକୁ ମଧ୍ୟ ବିଜେଡି ନିର୍ବାଚନୀ ମୁଦ୍ଦା କରିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଙ୍ଗିଶାର ୪.୫ କୋଟି ଲୋକଙ୍କ ପାଇଁ ଭିନ୍ନ ଭିନ୍ନ ଯୋଜନା କରି ସେମାନଙ୍କୁ ଲାଭାନ୍ୱିତ କରିବାକୁ ଚେଷ୍ଟା କରିଛନ୍ତି ।
ଏସବୁ ଯୋଜନା ଭିତରେ ଏହି ଯୋଜନା ଲାଗୁ ହେଲେ ଅନେକ ଲୋକ ଲାଭାନ୍ୱିତ ହେବେ । କାରଣ ବ୍ୟାଙ୍କଗୁଡିକ ଅନ୍ୟ ଋଣ ଠାରୁ ଗୃହଋଣ ଉପରେ ଅଧିକ ସୁଧ ନେଇଥାନ୍ତି । ଫଳରେ ଗରିବ ଓ ନିମ୍ନ ମଧ୍ୟବିତ ଶ୍ରେଣୀର ଲୋକମାନେ ବ୍ୟାଙ୍କରୁ ଗୃହ ଋଣ ଆଣି ଘର କରିବାକୁ ଭୟ କରିଥାନ୍ତି । ଯଦି ପୁଣିଥରେ ରାଜ୍ୟରେ ବିଜେଡି ସରକାର ଆସେ ତେବେ ଅପେକ୍ଷାକୃତ ଟିକେ ବଡ ଘର କରିବାର ସ୍ୱପ୍ନ ମଧ୍ୟବିତ ଲୋକଙ୍କର ସାକାର ହୋଇପାରିବ ।