ଫେସବୁକ୍ ପୋଷ୍ଟ ଯୋଗୁଁ ଲଙ୍କାକାଣ୍ଡ । ମନ୍ଦିରରେ ଭଙ୍ଗାରୁଜା , ଅନେକ ଘର ଦୋକାନ ନଷ୍ଟ
କନକ ବ୍ୟୁରୋ:ବାଂଲାଦେଶ ନାରେଜ ଜିଲ୍ଲା ଅନ୍ତର୍ଗତ ସାହପରା ଇଲାକାରେ ଫେସବୁକ୍ ପୋଷ୍ଟକୁ ନେଇ ଲଙ୍କାକାଣ୍ଡ । ଫେସବୁକ୍ ପୋଷ୍ଟକୁ କେନ୍ଦ୍ର କରି କିଛି ଯୁବକ ହିନ୍ଦୁଙ୍କ ମନ୍ଦିର ମଙ୍ଗାରୁଜା କରିବା ସହ ସେମାନଙ୍କ ଘର ଓ ଦୋକାନ ଭାଙ୍ଗିଦେଇଥିବା ଜଣାପଡିଛି । ମନ୍ଦିର ଉପରକୁ ଟେକା ପଥର ମାଡ କରିବା ସହ ମନ୍ଦିରରେ ଧସେଇ ପଶି ସବୁ ଆସବାବପତ୍ର ନଷ୍ଟ କରିଦେଇଥିବା ସ୍ଥାନୀୟ ପୋଲିସ ପକ୍ଷରୁ ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ମୁସଲମାନ ସମ୍ପ୍ରଦାୟ ବିରୋଧରେ ଫେସବୁକରେ ପୋଷ୍ଟ କରିଥିବା ଯୁବକ ଫେରାର ହୋଇଥିବାବେଳେ ତାଙ୍କ ବାପାଙ୍କୁ ପୋଲିସ ଅଟକ ରଖିଛି । ପୋଲିସ ପକ୍ଷରୁ ସମ୍ପୃକ୍ତ ଯୁବକଙ୍କୁ ଖୋଜାଖୋଜି କରି ରହିଛି । ଦୁର୍ବୃତ୍ତ ଜୋରଜବରଦସ୍ତ ଘରେ ପଶି ବହୂ ମୂଲ୍ୟବାନ୍ ସାମଗ୍ରୀ ଲୁଟ କରିନେବା ସହ ଘରର ନିଆଁ ଲଗାଇଦେଇଥିବା ପ୍ରତ୍ୟକ୍ଷଦର୍ଶୀ କହିଛନ୍ତି ।
ଫେସବୁକର ଏହି ପୋଷ୍ଟ ଭାଇରାଲ ହେବା ପରେ ସଂଖ୍ୟାଲଘୁ ସମ୍ପ୍ରଦାୟର କିଛି ଯୁବକ ହିନ୍ଦୁଙ୍କ ଘର ଆଗରେ ପ୍ରତିବାଦ କରିଥିଲେ । ଏହାପରେ ଉତ୍ତ୍ୟକ୍ତ ଗୋଷ୍ଠୀ ସେମାନଙ୍କ ଘର ଉପରକୁ ଆକ୍ରୋଶମୂଳକ ଭାବେ ଆକ୍ରମଣ କରିଥିଲେ । ପୋଲିସ ପକ୍ଷରୁ ଘଟାର ତଦନ୍ତ ଆରମ୍ଭ ହୋଇଥିବାବେଳେ ଆକ୍ରମଣକାରୀଙ୍କ ମଧ୍ୟରୁ କାହାରିକୁ ପୋଲିସ ଏଯାଏଁ ଗିରଫ କରିନଥିବା ଜଣପଡିଛି ।