ମଝି ରାସ୍ତାରେ ୧୫ ମିନିଟ୍ ! ଅଧା ବାଟରେ ଅଟକିଲା ଟିମ୍ ଇଣ୍ଡିଆ
କନକ ବ୍ୟୁରୋ: ରାସ୍ତା ମଝିରେ ଅଟକିଲା ଟିମ୍ ଇଣ୍ଡିଆ ବସ୍ । ଶ୍ରୀଲଙ୍କା ବିପକ୍ଷ ଟି-୨୦ ମ୍ୟାଚ ପାଇଁ ବାରବାଟୀ ଷ୍ଟାଡିୟମ ଅଭିମୁଖେ ଯାଉଥିବା ଟିମ୍ ଇଣ୍ଡିଆର ବସ୍ କଟକର ତେଲେଙ୍ଗାପେଣ୍ଠ ନିକଟରେ ଅଟକି ରହିଥିଲା । ଭୁବନେଶ୍ୱରର ହୋଟେଲରୁ କଟକ ବାରବାଟୀ ଷ୍ଟାଡିୟମ ଅଭିମୁଖେ ଯାଉଥିବା ଟିମ ଇଣ୍ଡିଆର ବସ ଅଧା ବାଟରେ ଅଟକିଯାଇଥିଲା । ପୋଲିସ ଅନୁଯାୟୀ, ଟ୍ରାଫିକ ସମସ୍ୟା କାରଣରୁ ଭାରତୀୟ ଖେଳାଳିଙ୍କୁ ନେଇ ଯାଉଥିବା ଡଲଫିନ ନାମକ ବସ ରାସ୍ତା ମଝିରେ ଅଟକି ରହିଥିଲା । ତେବେ ପ୍ରାୟ ୧୫ ମିନିଟ ରାସ୍ତାରେ ଅଟକିବା ପରେ ପୁଣିଥରେ ବାରବାଟୀ ଷ୍ଟାଡିୟମ ଅଭିମୁଖେ ବାହାରିଥିଲା ଟିମ୍ ଇଣ୍ଡିଆ ବସ୍ । ବସରେ ଭାରତୀୟ ଦଳର ସମସ୍ତ ସଦସ୍ୟ ରହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ବସଟି ଅଟକିବା ପରେ ନିଜର ପ୍ରିୟ ଖେଳାଳିଙ୍କୁ ଦେଖିବା ପାଇଁ ରାସ୍ତାରେ କିଛି ସମୟ ପାଇଁ ଅଟକିଯାଇଥିଲେ ଯାତ୍ରୀ । କିନ୍ତୁ ବସଟିକୁ ସୁରକ୍ଷାକର୍ମୀ ଘେରି ରହିଥିବାରୁ ନିରାଶ ହୋଇଥିଲେ ପ୍ରଂଶସକ । ନିଜ ପ୍ରିୟ ଖେଳାଳିଙ୍କୁ ଏତେ ପାଖରେ ପାଇ ମଧ୍ୟ ଦେଖିବାର ସୁଯୋଗ ପାଇନଥିଲେ ଦର୍ଶକ । କିନ୍ତୁ ବସଟି ରାସ୍ତାରେ ଅଟକିବା ପରେ କିଛି ସମୟ ଟ୍ରାଫିକ ସମସ୍ୟା ମଧ୍ୟ ଦେଖାଦେଇଥିଲା । ତେବେ ଟିମ ଇଣ୍ଡିଆର ବସ ବାରବାଟୀ ଷ୍ଟାଡିୟମ ଯିବା ପରେ ଟ୍ରାଫିକ ବ୍ୟବସ୍ଥା ସ୍ୱାଭାବିକ ହୋଇଥିଲା । ବାରବାଟୀରେ ଆଜି ଭାରତ-ଶ୍ରୀଲଙ୍କା ପ୍ରଥମ ଟି-୨୦ ମ୍ୟାଚ ସନ୍ଧ୍ୟା ୭.୩୦ରେ ଆରମ୍ଭ ହେବ ।