ଫେସବୁକର ନୂଆ ଫିଚର ! ଏଣିକି ଲୁଚାଛପାରେ କରିପାରିବେନି ଫଟୋ ଅପଲୋଡ, ନୋଟିଫିକେସନରେ ଆସିବ ସର୍ତକ ସୂଚନା
ଆଉ ଏକ ନୂଆ ଫିଚର ଲଞ୍ଚ କଲା ଫେସବୁକ । ଏଣିକି ଅନ୍ୟ କାହାର ଫଟୋ ଫେସବୁକ୍ ଆକାଉଣ୍ଟରେ ଅପଲୋଡ କରିବା ପୂର୍ବରୁ ଅନୁମତି ଆଣିବାକୁ ପଡିବ । ବ୍ୟବହାରକାରୀଙ୍କ ଫଟୋକୁ ଚିହ୍ନିବା ପାଇଁ ଫେସବୁକ୍ ଫେସିଆଲ ରେକଗନାଇଜେସନ ଟେକନୋଲୋଜିର ବ୍ୟବହାର କରିବାକୁ ଯାଉଛି । ପୂର୍ବରୁ ମଧ୍ୟ ଫେସବୁକ ଫେସ୍ ରେକଗନାଇଜେସନର ବ୍ୟବହାର କରୁଛି କିନ୍ତୁ ବର୍ତ୍ତମାନ ଏହାକୁ ଭିନ୍ନ ଏକ ଉପାୟରେ ବ୍ୟବହାର କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଅଥାର୍ତ ଫେସବୁକର ନୂଆ ଫିଚର ଅନୁଯାୟୀ, ଯଦି କୌଣସି ବ୍ୟକ୍ତି ଆପଣଙ୍କ ଫଟୋ ଫେସବୁକରେ ଅପଲୋଡ କରେ ତେବେ ଫେସବୁକ ଆପଣଙ୍କୁ ଏକ ନୋଟିଫିକେଶନ ପଠାଇବ । ଏହାଦ୍ୱାରା କିଏ ଆପଣଙ୍କ ଫଟୋ ଅପଲୋଡ କରିଛି ତାହା ବେଶ ସହଜରେ ଜାଣିପାରିବେ । ଏହି ନୋଟିଫିକେସନ ପାଇବା ପରେ ଆପଣ ଚାହିଁଲେ ଫଟୋରେ ନିଜକୁ ଟ୍ୟାଗ କରି ପାରିବେ କିମ୍ବା ଅପଲୋଡ କରିଥିବା ବ୍ୟକ୍ତିଙ୍କୁ ଫଟୋ ଡିଲିଟ କରିବା ପାଇଁ ମଧ୍ୟ କହିପାରିବେ । ବିନା ଟ୍ୟାଗରେ ଯଦି କେହି ଆପଣଙ୍କ ଫଟୋ ଅପଲୋଡ କରେ ତେବେ ନୋଟିଫିକେସନ ଆପଣାଛାଏଁ ଆସିଯିବ । ଏହାସହ ଗ୍ରୁପ ପୋଷ୍ଟରେ ଯଦି ଆପଣଙ୍କ ଫଟୋ ରହିଥାଏ ତେବେ ମଧ୍ୟ ଫେସବୁକ ପକ୍ଷରୁ ଏକ ନୋଟିଫିକେସନ ମିଳିବ ।
ଫେସବୁକ କମ୍ପାନିର କହିବା ଅନୁଯାୟୀ, ‘ଟ୍ୟାଗ ଫଟୋ ଗୁଡିକରେ ବ୍ୟବହାର କରାଯାଇଥିବା ଟେକନୋଲୋଜି ପରି ଏହି ନୂଆ ଫିଚର କାମ କରିବ ।’ ଲୋକମାନଙ୍କ ଦ୍ୱାରା ଦିଆଯାଇଥିବା ଫିଡବ୍ୟାକ ଆଧାରରେ ଫେସ ରେକଗନାଇଜେସନ ଲଂଚ କରାଯାଇଛି । ଏହାସହ ଏହି ଟୁଲକୁ ସହଜ ମଧ୍ୟ କରାଯାଇଛି । ବ୍ୟବହାରକାରୀ ଏହାକୁ ନିଜ ଇଚ୍ଛା ଅନୁଯାୟୀ ଅନ କିମ୍ବା ଅଫ କରିପାରିବେ ।
ଫେସବୁକ ୨୦୧୦ ପରଠାରୁ ଫେସ ରେକଗନାଇଜେସନ ଫିଚର ବ୍ୟବହାର କରୁଛି । ଏହାକୁ ବ୍ୟବହାର କରି ଫଟୋ ଗୁଡିକର ପିକ୍ସଲକୁ ବିଶ୍ଲେଷଣ କରି ଟେମ୍ପପ୍ଲେଟ ସୃଷ୍ଟି କରାଯାଏ । ଫଟୋ ଏବଂ ଭିଡିଓ ଫେସବୁକରେ ଅପଲୋଡ କରିବା ମାତ୍ରେ ଫେସବୁକରେ ସୃଷ୍ଟି ହୋଇଥିବା ଟେମ୍ପପ୍ଲେଟ ଜରିଆରେ ପରିଚିତ କରାଇଥାଏ । ଫେସବୁକର ଏହି ନୂଆ ଫିଚର ବିଶ୍ୱର ଅନେକ ଦେଶରେ ଆରମ୍ଭ ହେବାକୁ ଯାଉଛି । କିନ୍ତୁ ଏହି ଫିଚର କାନାଡା ଏବଂ ୟୁରୋପିଆନ ଦେଶରେ ଲାଗୁ କରାଯିବ ନାହିଁ । କାରଣ ଫେସବୁକ ଏହି ଦେଶରେ ଫେସ ରେକଗନାଇଜେସନ ଟେକନୋଲୋଜି ପ୍ରଦାନ କରିନାହିଁ ।
ପ୍ରୋଫାଇଲ ଫଟୋ ସେଫଟି :
ଫେସବୁକ ଅନୁସାରେ, କମ୍ପାନୀ ଖୁବ ଶୀଘ୍ର ପ୍ରୋଫାଇଲ ଫଟୋ ସୁରକ୍ଷା ପାଇଁ ଫେସିଆଲ ରେକଗନାଇଜେସନ ଟେକନୋଲୋଜିର ବ୍ୟବହାର କରିବ । ସାଧାରଣ ଲୋକଟିଏ ଯେବେ ଫେସବୁକରେ ନିଜ ଫଟୋ ଅପଲୋଡ କରିବେ ସେମାନଙ୍କ ମନରେ ଆତ୍ମବିଶ୍ୱାସ ରହିବା ଜରୁରୀ ଯେ ସେମାନଙ୍କ ଫଟୋକୁ କେହି ଯେପରି ଅପବ୍ୟବହାର ନ କରୁ । ଏହି ଲକ୍ଷ୍ୟ ରଖି ଫେସବୁକ ଏହି ଫିଚର ଲଞ୍ଚ କରିବାକୁ ଯାଉଛି । ଏଥିପାଇଁ ଫେସବୁକ ପ୍ରୋଫାଇଲ ଫଟୋ ପାଇଁ ମଧ୍ୟ ଫେସ ରେକଗନାଇଜେସନ ଟେକନୋଲୋଜିର ବ୍ୟବହାର କରାଯିବ ।
ଫେସବୁକର ଏହି ଫିଚରକୁ ନେଇ ପୂର୍ବରୁ ମଧ୍ୟ ବିବାଦ ଦେଖାଦେଇଛି । ଅନଲାଇନ ଗୋପନୀୟତା ବିଷୟରେ ଜ୍ଞାନ ରଖୁଥିବା ବ୍ୟକ୍ତି ଏବଂ ଏହା ପାଇଁ ଲଢେଇ କରୁଥିବା ବ୍ୟକ୍ତି ଏହି ଫେସ ରେକଗନାଇଜେସନ ଉପରେ ସନ୍ଦେହ ପ୍ରକାଶ କରିଛନ୍ତି । ସେମାନଙ୍କ ମତରେ ଯଦି ଅନେକ ଲୋକଙ୍କର ଚେହେରା ଗୋଟିଏ କମ୍ପାନୀ ପାଖରେ ରହିବ ତେବେ ଏହା ସୁରକ୍ଷା ଏବଂ ଗୋପନୀୟତାରେ ସମସ୍ୟା ସୃଷ୍ଟି କରିବ ।