କନକ ବ୍ୟୁରୋ : କରୋନା ଲହର ଥମିଥିବା ବେଳେ ରାଜ୍ୟରେ ପୁଣି ସ୍ୱାଇନ୍ ଫ୍ଲୁର ଆତଙ୍କ ଦେଖା ଦେଇଛି । ପ୍ରାୟ ୨ ବର୍ଷ ପରେ ରାଜ୍ୟକୁ ଫେରିଛି ସ୍ୱାଇନ୍ ଫ୍ଲୁ । ରାଜଧାନୀର ଦୁଇ ଜଣ ବ୍ୟକ୍ତି ସ୍ୱାଇନ୍ ଫ୍ଲୁରେ ଆକ୍ରାନ୍ତ ହୋଇଥିବା ନେଇ ସୂଚନା ମିଳିଛି । ଆକ୍ରାନ୍ତଙ୍କ ମଧ୍ୟରେ ଜଣେ ପୁରୁଷ ଓ ଜଣେ ମହିଳା ଥିବା ଜଣାପଡ଼ିଛି । ସେମାନେ ବାହାରକୁ ଯାଇ ଆକ୍ରାନ୍ତ ହୋଇଛନ୍ତି ନା ଆଉ କାହାଠାରୁ ସେମାନଙ୍କୁ ବ୍ୟାପିଛି, ତାକୁ ନେଇ ସନ୍ଦେହ ରହିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଦୁଇ ଆକ୍ରାନ୍ତଙ୍କ ବ୍ୟତୀତ ଆଉ କେତେ ଜଣ ଆକ୍ରାନ୍ତ ହୋଇଛନ୍ତି ନା ନାହିଁ, ତାହା ପରୀକ୍ଷା ପରେ ଜଣାପଡ଼ିବ । ୨୦୦୯ ରେ ରାଜ୍ୟରେ ପ୍ରଥମ ସ୍ୱାଇନ୍ ଫ୍ଲୁ ଆକ୍ରାନ୍ତ ଚିହ୍ନଟ ହୋଇଥିଲେ । ୨୦୧୬ରେ ରାଜ୍ୟରେ ଜଣେ ମାତ୍ର ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୨୦୧୭ରେ ରାଜ୍ୟରେ ସ୍ୱାଇନ୍ ଫ୍ଲୁ ଶୀର୍ଷକୁ ଛୁଇଁଥିଲା । ସେହିବର୍ଷ ୪୧୪ ପଜିଟିଭ୍ ଚିହ୍ନଟ ହୋଇଥିବା ବେଳେ ୫୪ ଜଣଙ୍କର ମୃତ୍ୟୁ ହୋଇଥିଲା । ଶେଷଥର ରାଜ୍ୟରେ ପାଇଁ ୨୦୨୦ ରାଜ୍ୟରେ ସ୍ୱାଇନ୍ ଆକ୍ରାନ୍ତ ଚିହ୍ନଟ ହୋଇଥିଲା ।