ଲକ୍ଷୀମପୁର ଖେରୀ ମାମଲା: ଆଶିଷ ମିଶ୍ରାଙ୍କ ଆବେଦନ ଉପରେ ଯୋଗୀ ସରକାରଙ୍କୁ ନୋଟିସ, ସୁପ୍ରିମକୋର୍ଟ ଦେଲେ ୨୦ ଦିନ ସମୟ ।
କନକ ବ୍ୟୁରୋ: ଉତ୍ତରପ୍ରଦେଶର ଚର୍ଚ୍ଚିତ ଲକ୍ଷୀମପୁର ଖେରୀ ହିଂସା ମାମଲାରେ କେନ୍ଦ୍ର ଗୃହରାଷ୍ଟ୍ର ମନ୍ତ୍ରୀଙ୍କ ପୁଅ ଆଶିଷ ମିଶ୍ରାଙ୍କ ଆବେଦନ ଉପରେ ୟୁପି ସରକାରକୁ ନୋଟିସ । ଯୋଗୀ ସରକାରଙ୍କୁ ୨୦ ଦିନ ଭିତରେ ଉତ୍ତର ରଖିବାକୁ ନୋଟିସ କରାଯାଇଛି । ସେପ୍ଟେମ୍ବର ୨୬ ସୁଦ୍ଧା ଯୋଗୀ ପ୍ରଶାସନ ଏନେଇ ଉତ୍ତର ରଖିବ । ତେବେ ଗତ ମାସରେ ଆଶିଷ ସୁପ୍ରିମକୋର୍ଟରେ ନିଜର ଜାମିନ ପାଇଁ ଆବେଦନପତ୍ର ଦାଖଲ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଜଷ୍ଟିସ ଇନ୍ଦିର ବାନାର୍ଜୀଙ୍କ ଖଣ୍ଡପୀଠ ଆଗରେ ଆଶିଷ ମିଶ୍ରାଙ୍କ ଓକିଲ ମୁକୁଲ ରୋହତଗୀ କହିଥିଲେ ଯେ ତାଙ୍କ ମହକିଲଙ୍କ କୌଣସି ପକ୍ଷ ଶୁଣାଯାଇନଥିଲା । କିଛି ସ୍ଥାନରେ ଗୁଳିମାଡ ହୋଇଥିଲା, ଏଥିରେ କିଛି ଲୋକଙ୍କ ମୃତ୍ୟୁ ହୋଇଥିଲା ଯେଉଁ ଘଟଣାରେ ତାଙ୍କୁ ମୁଖ୍ୟଅଭିଯୁକ୍ତ କରାଯାଇ ତାଙ୍କ ପକ୍ଷ ରଖିବାକୁ ମଧ୍ୟ ଦିଆଯାଇନଥିଲା । ତେବେ ଏ ଦଲିଲ ଶୁଣିବା ପରେ ରାଜ୍ୟ ସରକାରଙ୍କ ଜବାବ ରଖିବାକୁ ନିର୍ଦ୍ଦେଶ ଦିଆଯାଇଛି ।
କେନ୍ଦ୍ର ଗୃହରାଷ୍ଟ୍ର ମନ୍ତ୍ରୀଙ୍କ ପୁଅ ଆଶିଷ ମିଶ୍ରା ସୁପ୍ରିମକୋର୍ଟରେ ଆବେଦନ କରିବା ସହ ଆହ୍ଲାବାଦ ହୋଇକୋର୍ଟର ଫଇସଲାକୁ ଚ୍ୟାଲେଞ୍ଜ କରିଥିଲେ । ହାଇକୋର୍ଟ ତାଙ୍କ ଜାମିନ ଆବେଦନ ଖାରଜ କରିଥିଲେ । ଗତବର୍ଷ ଲକ୍ଷୀମପୁର ଖେରୀରେ କୃଷକ ଆନ୍ଦୋଳନ ବେଳେ ହିଂସା ହୋଇଥିଲା । ଏଥିରେ ଆଠ ଜଣଙ୍କର ମୃତ୍ୟୁ ହୋଇଥିଲା । ଏହି ମାମଲାରେ ବିଜେପି ନେତାଙ୍କ ପୁଅ ଆଶିଷ ମିଶ୍ରା ମୁଖ୍ୟ ଅଭିଯୁକ୍ତ ହୋଇଥିଲେ ।