ଏକତରଫା ପ୍ରେମର କରୁଣ ପରିଣତି । ଅଶ୍ଳୀଳ ଭିଡିଓ ଭାଇରାଲ କଲା ଦୁର୍ବୃତ୍ତ । ଲୋକଲଜ୍ଜା ଭୟରେ ଛାତ୍ରୀଙ୍କ ଆତ୍ମହତ୍ୟା
କନକ ବ୍ୟୁରୋ: ନିରାକାରପୁର ଥାନା ଆଗରେ ଛାତ୍ରୀଙ୍କ ମୃତଦେହକୁ ରଖି ନ୍ୟାୟ ଦାବିରେ ବିକ୍ଷୋଭ ପ୍ରଦର୍ଶନ । ପରିବାର ଓ ଗ୍ରାମବାସୀ ଥାନା ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି । ଘଟଣାରେ ସଂପୃକ୍ତ ସମସ୍ତ ଅଭିଯୁକ୍ତଙ୍କୁ ଗିରଫ କରିବା ସହ କଠୋର ଦଣ୍ଡ ଦେବାକୁ ଦାବି କରିଛନ୍ତି ବିକ୍ଷୋଭକାରୀ । ଖବର ପାଇ ବାଲୁଗାଁ ଏସଡିପିଓ ଦୋଷୀଙ୍କୁ ଖୁବଶୀଘ୍ର ଅଭିଯୁକ୍ତକୁ ଧରିବାକୁ ପ୍ରତିଶ୍ରୁତି ଦେବା ପରେ ଧାରଣା ହଟିଛି । ଏକତରଫା ପ୍ରେମରେ ବିଫଳ ହେବା ପରେ ଜଣେ ସଂଖ୍ୟାଲଘୁ ସଂପ୍ରଦାୟର ଯୁବକ ଛାତ୍ରୀଙ୍କ ଅଶ୍ଲୀଳ ଭିଡିଓ ଭାଇରାଲ କରିଦେଇଛି । ଏହାକୁ ନେଇ ଲୋକଲଜ୍ଜା ଭୟରେ ଛାତ୍ରୀ ଜଣକ ବିଷ ପିଇ ଆତ୍ମହତ୍ୟା କରିଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁସାରେ ନିରାକାରପୁର ଥାନା ଅଞ୍ଚଳର ଜୈନିକ କଲେଜ ଛାତ୍ରୀଙ୍କୁ ଏକତରଫା ଭଲ ପାଉଥିଲେ ଖଜୁରୀପଡାର ସଜତ ଶାହା । କିଛି ଦିନ ତଳେ ନାବାଳିକାକୁ ପ୍ରଲୋଭିତ କରି ସଜତ ଶାହା ତା ଘରକୁ ନେଇଯାଇଥିଲା । ଏହାପରେ ନାବାଳିକାକୁ ବୁଝାସୁଝା କରି ଘରକୁ ଫେରାଇ ଆଣିଥିଲେ ପରିବାର ଲୋକେ ।
ଏକତରଫା ପ୍ରେମରେ ବିଫଳ ହେବା ପରେ ନାବାଳିକାକୁ ସଜତ ଓ ତା ପରିବାର ଲୋକେ ହଇରାଣ କରୁଥିଲେ । ଏନେଇ ନିରାକାରପୁର ଥାନାରେ ତିନି ତିନି ଥର ଅଭିଯୋଗ ହୋଇଛି । ସଜତ ଶାହା ଓ ତା ପରିବାର ଲୋକେ ଛାତ୍ରୀଙ୍କୁ ହଇରାଣ କରିବେ ନାହିଁ ବୋଲି ଲିଖିତ ପ୍ରତିଶ୍ରୁତି ଦେବା ପରେ ଥାନାରେ ଆପୋଷ ବୁଝାମଣା ହୋଇଥିଲା । କିନ୍ତୁ ପ୍ରତିଶୋଧ ପରାୟଣ ହୋଇ ସଜିତ ନାବାଳିକାର ଅଶ୍ଳୀଳ ଫଟୋକୁ ସୋସିଆଲ ମିଡିଆରେ ଭାଇରାଲ କରିଦେଇଥିଲା । ଏହାପରେ ଲୋକଲଜ୍ଜା ଓ ମାନସିକ ଯନ୍ତ୍ରଣାରେ ନାବାଳିକା ଜଣକ ବିଷ ପିଇ ଆତ୍ମହତ୍ୟା କରିଥିବା ଜଣାପଡିଛି ।
ନାବାଳିକା ଛାତ୍ରୀ ଆତ୍ମହତ୍ୟା କରିବାନେଇ ଅଭିଯୋଗ ହେବା ପରେ ନିରାକାର ଥାନା ପୁଲିସ ତଦନ୍ତ ଆରମ୍ଭ କରିଛି । ଅଭିଯୁକ୍ତମାନେ ଫେରାର ହୋଇଯାଇଥିବା ବେଳେ ଅଭିଯୁକ୍ତଙ୍କ ପରିବାର ୬ ଜଣ ମହିଳାଙ୍କୁ ଅଟକ ରଖି ପୁଲିସ ପଚରା ଉଚରା କରୁଛି ।