ନକଲି ମଦ କାରଖାନାରେ ଚଢାଉ : ୨ ମାଫିଆଙ୍କୁ ଗିରଫ କଲା ଅବକାରୀ ବିଭାଗ
କନକ ବ୍ୟୁରୋ : ନକଲି ମଦ କାରଖାନା ସହ ଦୁଇ ମାଫିଆଙ୍କୁ ଗିରଫ କରିଛି ରାଉରକେଲା ଅବକାରୀ ବିଭାଗ । ପୂଜା ବଜାରରେ ବାହାର ରାଜ୍ୟରୁ ଆସୁଥିବା ନକଲି ମଦ ବିଭିନ୍ନ ସ୍ଥାନରେ ବିକ୍ରି ହେଉଥିବା ନେଇ ଅଭିଯୋଗ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଯାହା ପରେ ଅବକାର ବିଭାଗର ସ୍ୱତନ୍ତ୍ର ଟିମ୍ ପାନପୋଷ ସ୍ଥିତ ପାର୍ଲ ହାଇଟ୍ ନିକଟରେ ଥିବା ଏକ ନକଲି ମଦ କାରଖାନା ଉପରେ ଚଢ଼ାଉ କରିଛି । ସେଠାରୁ ଅବକାରୀ ବିଭାଗ ୧୮୨ ଲିଟର ନକଲି ବିଦେଶୀ ମଦ, ବହୁ ପରିମାଣ ନକଲି ଲେବଲ, ବୋତଲ ସିଲିଂ ମେସିନ୍ ଆଦି ଜବତ କରିଛି । ଏହା ସହ ମଦ ବିକ୍ରି ପାଇଁ ବ୍ୟବହୃତ ଏକ କାର୍ ଓ ସ୍କୁଟିକୁ ମଧ୍ୟ ଜବତ କରାଯାଇଛି । ଗିରଫ ଦୁଇ ମଦ ମାଫିଆ ଶତୃଘ୍ନ ପଶାୟତ ଓ ଗଣେଣ ରାଉତକୁ କୋର୍ଟ ଚାଲାଣ କରାଯାଇଛି ।