ଟି-୨୦ ଫାଇନାଲ ହାରିବା ପରେ ପାକିସ୍ତାନ ଟିମକୁ ଶୋଏବ୍ ଅଖତାରଙ୍କ ସାନ୍ତ୍ୱନା : ‘ଚିନ୍ତା କରନି, ଆସନ୍ତା ବର୍ଷ ଭାରତରେ ୱାର୍ଲ୍ଡ କପ୍ ଜିତିବା’
କନକ ବ୍ୟୁରୋ: ଟି-୨୦ ୱାର୍ଲ୍ଡ କପର ପାଇନାଲରେ ପାକିସ୍ତାନକୁ ୫ ୱିକେଟରେ ହରାଇ ଦ୍ୱିତୀୟ ଥର ବାଜି ମାରିଛି ଇଂଲଣ୍ଡ । ଏହାସହ ପାକିସ୍ତାନକୁ ମଧ୍ୟ ଦ୍ୱିତୀୟ ଥର ପାଇଁ ଫାଇନାଲକୁ ଯାଇ ହାରର ସାମ୍ନା କରିବାକୁ ପଡିଛି । ଏପରି ସମୟରେ ପାକ୍ ଟିମର ମନୋବଳ ବଢାଇଛନ୍ତି ଦିଗଗଜ କ୍ରିକେଟର ଶୋଏବ ଅଖତାର । ଟ୍ୱିଟରରେ ଏକ ଭିଡିଓ ପୋଷ୍ଟ କରି ସେ ପାକିସ୍ତାନ ଟିମ୍ ଯାହା କହିଛନ୍ତି ତାକୁ ନେଇ ଏବେ ଚର୍ଚ୍ଚା ।
Kanak News is now on WhatsApp
Join and get latest news updates delivered to you via WhatsApp
ରାଓଲପିଣ୍ଡି ଏକ୍ସପ୍ରେସ୍ ଭାବେ ଜଣାଶୁଣା କ୍ରିକେଟର ଶୋଏବ୍ ଅଖତର ଟ୍ୱିଟରରେ ଏକ ଭିଡିଓ ସେୟାର କରି କହିଛନ୍ତି ଯେ, ‘ପାକିସ୍ତାନ ଟିମ୍ ଫାଇନାଲରେ ହାରିଛି । ଏଥିରେ ନିରାଶା ମିଳିଛି, ଦୁଃଖ ବି ଲାଗୁଛି ହେଲେ ଚିନ୍ତା କରନି, ଆସନ୍ତା ବର୍ଷ ପାକିସ୍ତାନ ଟିମ୍ ଭାରତ ଯିବ ଏବଂ ୱର୍ଲ୍ଡ କପ୍ ଖେଳିବ’ ।
ଆହୁରି ମଧ୍ୟ କହିଛନ୍ତି ଯେ, ‘ପାକିସ୍ତାନ ୱାର୍ଲ୍ଡ କପ୍ ହାରିଯାଇଛି, କିନ୍ତୁ ଟିମ୍ ସାନଦାର ବୋଲିଙ୍ଗ ଓ ପିଲ୍ଡିଙ୍ଗ କରିଛି । ପୁରା ଟିମ୍ ଭଲ ପ୍ରଦର୍ଶନ କରି ଫାଇନାଲରେ ପହଞ୍ଚିଥିଲା । କିଛି କଥା ନାହିଁ । ଇନସାଆଲ୍ଲା! ଆସନ୍ତା ବର୍ଷକୁ ଭାରତରେ ଆମେ ୱାର୍ଲ୍ଡ କପ୍ ଉଠାଇବୁ’ ।