ଷ୍ଟାର ଓପନର୍ ଶିଖର ଧୱନ ଆୟଶାଙ୍କଠାରୁ ଛାଡପତ୍ର ନେଇ ମୁହଁ ଖୋଲିଲେ । ଦ୍ୱିତୀୟ ବିବାହକୁ ନେଇ କହିଲେ ଏଭଳି କଥା ।
କନକ ବ୍ୟୁରୋ : ଟିମ୍ ଇଣ୍ଡିଆର ଷ୍ଟାର ଓପନର ଶିଖର ଧୱନ ୨୦୨୧ରେ ଆୟଶା ମୁଖାର୍ଜୀଙ୍କଠାରୁ ଛାଡପତ୍ର ନେଇ କଣମାଧ୍ୟମର ଏକ ସାକ୍ଷାତକାରରେ ମୁହଁ ଖୋଲିଛନ୍ତି । ଏହି କ୍ରମରେ ବ୍ୟକ୍ତିଗତ ଜୀବନକୁ ନେଇ ମୁହଁ ଖୋଲିଛନ୍ତି ଶିଖର ଧୱନ ।
Kanak News is now on WhatsApp
Join and get latest news updates delivered to you via WhatsApp
ଟିମ୍ ଇଣ୍ଡିଆର ଷ୍ଟାର କ୍ରିକେଟର ଶିଖର ଧୱନ ଆଇପିଏଲର ଆଗାମୀ ସିଜିନରେ ପଞ୍ଜାବ କିଙ୍ଗସ୍ କ୍ୟାପ୍ଟେ୍ନସିପ୍ କରିବାକୁ ଯାଉଛନ୍ତି । ଗତବର୍ଷ ତାଙ୍କୁ ବାଂଲାଦେଶ ଗସ୍ତ ପରେ ଟିମ୍ ଇଣ୍ଡିଆରୁ ବାଦ ଦିଆଯାଇଥିଲା । ହେଲେ ଆଇପିଏଲରେ ନିଜ ଦମଦାର ପ୍ରଦର୍ଶନ ପରେ ପୁଣି ଦଳକୁ ଫେରିଛନ୍ତି ଶିଖର । ୩୭ ବର୍ଷୀୟ ଶିଖର ଧୱନ୨୦୨୩ ଆଇପିଏଲର ଆରମ୍ଭରେ ଗଣମାଧ୍ୟମରେ ଏକ ସାକ୍ଷାତକାର ସମୟରେ ଏସବୁ ବାବଦରେ ଚର୍ଚ୍ଚା କରିଥିବାବେଳେ ନିଜର ବ୍ୟକ୍ତିଗତ ଜୀବନ ଉପରେ ଆଲୋକପାତ କରିଥିଲେ ।
ସାକ୍ଷାତକାରରେ ନିଜ ବ୍ୟକ୍ତିଗତ ଜୀବନକୁ ନେଇ କହିଥିଲେ ଯେ, ୨୦୨୧ରେ ତାଙ୍କ ଜୀବନରେ ଝଡ ଆସିଥିଲା । ସେ ସମୟରେ ତାଙ୍କ ପତ୍ନୀ ଆୟଶା ମୁଖାର୍ଜୀ ୯ ବର୍ଷର ସମ୍ପର୍କରେ ପୂର୍ଣ୍ଣଚ୍ଛେଦ ପକାଇବାକୁ ଛାଡପତ୍ର କଥା କହିଥିଲେ । ଦୁହିଁଙ୍କର ଛାଡପତ୍ର ମାମଲା କୋର୍ଟରେ ଚାଲିଛି । ତେବେ ବୈବାହିକ ସମ୍ପର୍କ ଖରାପ ହେବାକୁ ନିଜକୁ ଦାୟୀ କରିଛନ୍ତି ଶିଖର ଧୱନ୍ ।
ଶିଖର ଓଧ୍ୱନ୍ କହିଥିଲେ ଯେ, ବିବାହ ବି ତାଙ୍କ ପାଇଁ ଏକ ମ୍ୟାଚ ହିଁ ଥିଲା । ତେବେ ଏବେବି କୋର୍ଟରେ ତାଙ୍କର ଛାଡପତ୍ର ମାମଲା ଚାଲିଛି । ଏହା ତୁଟିଗଲା ପରେ ସେ ଭାବିଚିନ୍ତି ବୁଦ୍ଧିମତାର ସହ ଦ୍ୱିତୀୟ ବିବାହ ପାଇଁ ନିଷ୍ପତ୍ତି ନେବେ । ଯେତେବେଳେ ପ୍ରଥମ ପ୍ରେମ କରି ବିବାହ କରିଥିଲେ ସେତେବେଳେ ସାଂସାରିକ ଜୀବନକୁ ନେଇ କୌଣସି ଅଭିଜ୍ଞତା ନଥିଲା ।ସେଥିପାଇଁ ସେ ବିଫଳ ହେଲେ । ହେଲେ ଏଣିକି ବିବାହ କଲେ ସେପରି କୌଣସି ଭୁଲ ହେବ ନାହିଁ ‘ ବୋଲି କହିଛନ୍ତି ଶିଖର ଧୱନ ।