କନକ ବ୍ୟୁରୋ : ଆଫ୍ରିକୀୟ ଦେଶ ଉଗାଣ୍ଡାରେ ବଡ ଧରଣର ବିସ୍ଫୋରଣ ହୋଇଛି । ଉଗାଣ୍ଡାର ରାଜଧାନୀ କମ୍ପାଲାରେ ଥିବା ସଂସଦ ଭବନ ନିକଟରେ ଏହି ବିସ୍ଫୋରଣ ହୋଇଛି । ଏହି ବିସ୍ଫୋରଣ ଫଳରେ ୨ ଜଣଙ୍କର ମୃତ୍ୟୁ ହୋଇଛି । ତେବେ ଏହି ଖବର ଭାରତ ପାଇଁ ଏଥିପାଇଁ ଗୁରୁତ୍ୱପୂର୍ଣ୍ଣ ହୋଇ ପଡିଛି କାରଣ ବିସ୍ଫୋରଣସ୍ଥଳର ୧୦୦ ମିଟର ଦୂରରେ ଭାରତୀୟ ପାରା ବ୍ୟାଟମିଣ୍ଟନ ଖେଳାଳୀ ରହିଛନ୍ତି । ତେବେ ବିସ୍ଫୋରଣରେ ଭାରତୀୟ ଖେଳାଳୀ ରହୁଥିବା ହୋଟେଲରେ କୌଣସି ଅସୁବିଧା ହୋଇନଥିବା ଟ୍ୱିଟ୍ କରି ଜଣାଇଛି ଭାରତୀୟ ପାରା ବ୍ୟାଟମିଣ୍ଟନ ସଂଘ । ଏହି ପାରା ବ୍ୟାଟମିଣ୍ଟନ ଟିମରେ ଓଡ଼ିଶା ପୁଅ ପ୍ରମୋଦ ଭଗତ ମଧ୍ୟ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
Indian Team is Safe!There is multiple Bomb Blast 100 mtr away from official Hotel in which @parabadmintonIN team staying incl. @GauravParaCoach
& @PramodBhagat83 @manojsarkar07@joshimanasi11@IndiainUganda@Media_SAI @ParalympicIndia @YASMinistry @IndiaSports @PMOIndia https://t.co/bAlsNdK4XS pic.twitter.com/TldWuwlXUn— Para-Badminton India (@parabadmintonIN) November 16, 2021
ବିସ୍ଫୋରଣ ପରେ ପ୍ରମୋଦ ଭଗତ କନକ ନ୍ୟୁଜକୁ ସେଠାକାର ସ୍ଥିତି ବାବଦରେ ସୂଚନା ଦେଇଛନ୍ତି । ପ୍ରମୋଦ କହିଛନ୍ତି, ସମସ୍ତ ଖେଳାଳୀ ହୋଟେଲରେ ସୁରକ୍ଷିତ ଅଛନ୍ତି । ଅର୍ନ୍ତଜାତୀୟ ପାରା ବ୍ୟାଡମିଣ୍ଟନ -୨୦୨୧ ଟୁର୍ଣ୍ଣାମେଣ୍ଟ ପାଇଁ ଏବେ ଭାରତୀୟ ଦଳ ଉଗାଣ୍ଡା ଗସ୍ତରେ ଯାଇଛି । ଗତ କିଛି ଦିନ ପୂର୍ବେ ଉଗାଣ୍ଡାରେ ପହଞ୍ଚିଛି ଭାରତୀୟ ଟିମ୍ । ଏହି ଟିମରେ ପାରା ଅଲିମ୍ପିକ୍ସ ବିଜେତା ପ୍ରମୋଦ ଭଗତ, ମନୋଜ ସରକାର ଓ ଅନ୍ୟ ଖେଳାଳୀ ସାମିଲ ଅଛନ୍ତି ।