କନକ ବ୍ୟୁରୋ : ମଧ୍ୟ ପ୍ରଦେଶରେ କରୋନା ଟିକାର ଦ୍ୱିତୀୟ ଖୋରାକ ନେଇନଥିବା ଲୋକଙ୍କ ଉପରେ କଠୋର ହୋଇଛନ୍ତି ରାଜ୍ୟ ସରକାର । ଖାଦ୍ୟ ଯୋଗାଣ ବିଭାଗ ସରକାରୀ ରାସନ ଦୋକାନରୁ ରାସନ ପାଉଥିବା ହିତାଧିକାରୀ ଯଦି ଟିକାର ଦ୍ୱିତୀୟ ଖୋରାକ ନେଇ ନାହାଁନ୍ତି ତେବେ ତାଙ୍କୁ ରାସନ ମିଳିବ ନାହିଁ ବୋଲି ସ୍ପଷ୍ଟ କରିଛି । ସେହିଭଳି ରତଲାମରେ ଟିକା ସାର୍ଟିଫିକେଟ ନଦେଖାଇଲେ ସେଓ ମିଳିବ ନାହିଁ ତ ଇନ୍ଦୋରରେ ବଗିଚାରେ କାମ କରୁଥିବା ଲୋକ ଟିକା ନେଇଥିବାର ସାର୍ଟିଫିକେଟ ନଦେଖାଇଲେ ତାଙ୍କୁ ବଗିଚା ଭିତରେ ପ୍ରବେଶ ବାରଣ କରାଯାଇଛି । ସେହିଭଳି ଇନ୍ଦୋରେ ଟିକାକରଣ ସାର୍ଟିଫିକେଟ ନଦେଖାଇଲେ କୌଣସି ହୋଟେଲରେ ରହିବାର ସୁବିଧା ମିଳିବ ନାହିଁ ବୋଲି କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଖାଦ୍ୟ ଯୋଗାଣ ଏବଂ ଉପଭୋକ୍ତା ସଂରକ୍ଷଣ ବଭାଗର ମୁଖ୍ୟ ସଚିବ ଫୈଜ ଅହମଦ କିଦବଇ ପୂର୍ବ ସପ୍ତାହରେ ଏଭଳି ଆଦେଶ ଜାରି କରିଛନ୍ତି । ଏହି ଆଦେଶ ମୁତାବକ ରାଜ୍ୟ ସରକାର କୋଭିଡ-୧୯ ଟିକାକରଣ ମାଧ୍ୟମରେ ୧୮ ବର୍ଷରୁ ଅଧିକ ସମସ୍ତ ନାଗରିକଙ୍କୁ ଟିକା ଦେବାର ବ୍ୟବସ୍ଥା କରିଛନ୍ତି । ମଧ୍ୟ ପ୍ରଦେଶରେ ୧.୧୫ କୋଟି ପରିବାରର ୪.୯୦ କୋଟି ଲୋକ ରାସନ ପାଇଥାନ୍ତି । ଅଦେଶରେ କୁହାଯାଇଛି କି,ରାସନ ଦୋକାନ ସଂଚାଳକମାନେ ଟିକାର ଉଭୟ ଖୋରାକ ନେଇ ନଥିବା ଲୋକଙ୍କୁ ରାସନ ଦେବାକୁ ମନା କରିବାକୁ ନିର୍ଦ୍ଦେଶ ଦିଆଯାଇଛି । ଏନେଇ ଡାଟା ଦେବାପରେ ସେମାନଙ୍କ ନିକଟକୁ ସ୍ଥାନୀୟ ମେଡିକାଲରୁ ସ୍ଲିପ୍ ପଠାଯିବ । ଏହାସହ ଟିକାର ଉଭୟ ଖୋରାକ ନେଇଥିବା ହିତାଧିକାରୀମାନଙ୍କୁ କେବଳ ରାସନ ଦେବାକୁ ନିର୍ଦ୍ଦେଶ ଦିଆଯାଇଛି ।
ସେହିଭଳି ଇନ୍ଦୋର ଜିଲ୍ଲାପାଳ ବି ଟିକାର ଦ୍ୱିତୀୟ ଖୋରାକକୁ ନେଇ କଠୋର ପଦକ୍ଷେପ ନେଇଛନ୍ତି । ଇନ୍ଦୋର ଜିଲ୍ଲାପାଳଙ୍କ ନିର୍ଦ୍ଦେଶ ମୁତାବକ ଟିକାର ଦ୍ୱିତୀୟ ଖୋରାକ ନେଇନଥିବା ଲୋକଙ୍କୁ ମେଡିକାଲରେ ଚିକିତ୍ସା ମିଳିବ ନାହିଁ କି ସରକାରୀ ଯୋଜାନାର ଲାଭ ମିଳିବ ନାହିଁ ।