ବିନା ଶୁକ୍ରାଣୁ ଓ ଗର୍ଭାଶୟରେ ଭ୍ରୃଣ ସୃଷ୍ଟି କଲେ ବୈଜ୍ଞାନିକ । ଆକସ୍ମିକ ଗର୍ଭପାତ, ବନ୍ଧ୍ୟାତ୍ୱ ଗବେଷଣା କ୍ଷେତ୍ରରେ ହେବ ସହାୟକ
କନକ ବ୍ୟୁରୋ : ମଣିଷ ଭ୍ରୃଣ ଗବେଷଣା କ୍ଷେତ୍ରରେ ବୈଜ୍ଞାନିକଙ୍କୁ ବଡ଼ ସଫଳତା ମିଳିଛି । ବିନା ସ୍ପର୍ମ, ଅଣ୍ଡା ବିନା ଗର୍ଭାଶୟରେ ଭ୍ରୃଣ ସୃଷ୍ଟି କରିବାରେ ସଫଳ ହୋଇଛନ୍ତି ବୈଜ୍ଞାନିକ । ଇସ୍ରାଇଲର ୱାଇଜମ୍ୟାନ ଇନଷ୍ଟିଚ୍ୟୁଟ୍ ଅଫ ସାଇନ୍ସର ଗବେଷକ ଟିମକୁ ଏହି ସଫଳତା ମିଳିଛି । ପ୍ରଫେସର ଜାକୋବ ହାନାଙ୍କ ନେତୃତ୍ୱରେ ରିସର୍ଚ ଟିମ୍ ଏଭଳି ଭ୍ରୃଣ ସୃଷ୍ଟି କରିଥିବା ଦାବି କରିଛନ୍ତି । ଲ୍ୟାବରେ ଷ୍ଟିମ ସେଲରୁ ମଣିଷ ଭ୍ରୃଣ ଭଳି ସମ୍ପୁର୍ଣ୍ଣ ମଡେଲ ପ୍ରସ୍ତୁତ କରିଥିବା ସେମାନେ ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ୱାଇଜମ୍ୟାନ ଇନଷ୍ଟିଚ୍ୟୁଟ୍ ଅଫ ସାଇନ୍ସର ଗବେଷଣାରତ ଟିମ୍ ବିନା ଗର୍ଭାଶୟରେ ୧୪ ଦିନ ମଧ୍ୟରେ ଏଭଳି ଭ୍ରୃଣ ତିଆରି କରିଛନ୍ତି । ପୂର୍ବରୁ କରାଯାଇଥିବା ଗବେଷଣା ତୁଳନାରେ ଏଥିରେ ଭିନ୍ନ ପ୍ରକିୟା ଅବଲମ୍ବନ କରାଯାଇଛି । ପୂର୍ବରୁ କରାଯାଇଥିବା ଜେନେଟିକାଲ ରୁପାନ୍ତରିକରଣ ପରିବର୍ତେ ରାସାୟନିକ ରୁପାନ୍ତରିକଣ ଦ୍ୱାରା ଭ୍ରୃଣ ସୃଷ୍ଟି କରାଯାଇଛି । ଯାହା ଅନୁରୁପ ଭାବେ ମଣିଷ ଭ୍ରୃଣ ଭଳି ଦେଖାଯାଉଛି । ଏହା ଆକସ୍ମିକ ଗର୍ଭପାତ, ଜନ୍ମଗତ ତ୍ରୁଟି, ବନ୍ଧ୍ୟାତ୍ୱ ଗବେଷଣା କ୍ଷେତ୍ରରେ ଅଧିକ ସହାୟକ ହୋଇପାରିବ ବୋଲି କୁହାଯାଉଛି ।
ଗବେଷକମାନେ ପ୍ରାରମ୍ଭିକ ସ୍ତରରେ ଶରୀରର ଟିସୁର ବିକାଶ କରୁଥିବା ସେଲଗୁଡିକୁ ନେଇ ମଡେଲ ପ୍ରସ୍ତୁତ କରିଛନ୍ତି । ଯେଉଁ ମଡେଲ ଅନୁଯାୟୀ ୧୪ ଦିନରେ ଭ୍ରୃଣ ସୃଷ୍ଟି କରିଛନ୍ତି । କିନ୍ତୁ ଏହି ଭ୍ରୃୃଣ ଭଳି ଦେଖାଯାଉଥିଲେ ମଧ୍ୟ ଏହା ବାସ୍ତବ ମଣିଷ ଭ୍ରୃଣ ନୁହେଁ । ହେଲେ ମଣିଷ ଭ୍ରୃଣ ସହ ଏଥିରେ ସାମଞ୍ଜସ୍ୟ ରହିଛି ।