ହୁଲି ଡଙ୍ଗାରେ ସ୍କୁଲ ଯାତ୍ରା : ଛାତ୍ରୀ ସାଜିଛନ୍ତି ନାଉରୀ
କନକ ବ୍ୟୁରୋ : ହୁଲି ଡଙ୍ଗାରେ ସ୍କୁଲ । ଜଳ ଭଣ୍ଡାର ଭିତରେ ନିଜେ ଯାତ୍ରା କରୁଥିବା ଡଙ୍ଗାର ନିଜେ ନାଉରୀ । ପାଠ ପଢିବାର ଇଚ୍ଛା ଶକ୍ତି ଆଗରେ ହାର ମାନିଛି ଦୁର୍ଗମ ଜଙ୍ଗଲ ଓ ଜଳ ଭଣ୍ଡାରର ଅକାତ ପାଣି । ଦେଖନ୍ତୁ ୨ ଜଣ ଛାତ୍ରୀ କିଭଳି ସାପୁଆ ନାଆରେ ଆହୁଲା କରି ରେଙ୍ଗାଳି ଜଳଭଣ୍ଡାର ପାର ହୋଇ ସ୍କୁଲ ଯାଉଛନ୍ତି । ଏମାନେ ଅନୁଗୁଳ ପାଲଲହଡା ବ୍ଲକ ହାତୀମୁଣ୍ଡା ଗାଁର ୨ ଆଦିବାସୀ ଝିଅ ଶାନ୍ତି ସିଙ୍କୁ ଓ ଭାରତୀ ଲାଗୁରୀ । କରଡାପାଳ ପଂଚାୟତ ସହରଗୁରୁଜାଙ୍ଗ ଗାଁ ଗୁରୁସୁଲେଇ ହାଇ ସ୍କୁଲର ୧୦ ଦଶମ ଶ୍ରେଣୀ ଛାତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ଗାଁ ପାଖରେ ହାଇସ୍କୁଲ ନାହିଁ । ଏଥିପାଇଁ ଘର ଠାରୁ ୧୫ କିଲୋମିଟର ଦୂର ଗୁରୁସୁଲେଇ ହାଇସ୍କୁଲରେ ପାଠପଢନ୍ତି । ଗରିବ ଆଦିବାସୀ ପରିବାରର ପିଲା ହୋଇଥିବାରୁ ସ୍କୁଲକୁ ଚାଲିଚାଲି ଯିବା ସହ ଅନ୍ୟ ବାଟ ନାହିଁ । ତେବେ ସବୁଦିନ ଏମିତି ଡଙ୍ଗାରେ ରେଙ୍ଗାଳି ଜଳଭଣ୍ଡାର ପାର ହୋଇ ୩ ବର୍ଷ ହେବ ଶାନ୍ତି ସିଙ୍କୁ ଓ ଭାରତୀ ଲାଗୁରୀ ସ୍କୁଲ ଯାଉଛନ୍ତି ।