ବିଧାନସଭା ସାମ୍ନାରେ ନୁହେଁ ସଂସଦ ସାମ୍ନାରେ ଧାରଣା ଦେଉ ରାଜ୍ୟ ବିଜେପି । ଏମିତି ହେଲେ ହିଁ କେନ୍ଦ୍ରର ନିଦ ଭାଙ୍ଗିବ, ଚେତା ଫେରିବ : ସସ୍ମିତ ପାତ୍ର
କନକ ବ୍ୟୁରୋ : ବିଭିନ୍ନ ପ୍ରସଙ୍ଗରେ ଚାଷୀଙ୍କୁ ରାଜ୍ୟ ସରକାରଙ୍କ ଅବହେଳାକୁ ନେଇ ବିଜେପି ଆସନ୍ତାକାଲି ଠାରୁ ବିଧାନସଭା ସାମ୍ନାରେ ସତ୍ୟାଗ୍ରହ କରିବାକୁ ଡାକରା ଦେଇଛି । ଯେପର୍ଯ୍ୟନ୍ତ ମୁଖ୍ୟମନ୍ତ୍ରୀଙ୍କ ନିଦ ନ ଭାଙ୍ଗିଛି ବିଧାନସଭା ସାମ୍ନାରେ ଆନ୍ଦୋଳନ କରିବ ବିଜେପି । ରାଜ୍ୟ ସରକାର ନ ଚେତିଲେ ଭୟାବହ ଆନ୍ଦୋଳନ ହେବ ବୋଲି ବିଜେପି ଚେତାବନୀ ଦେବା ପରେ ଏହାର ଜବାବ ରଖିଛି ବିଜେଡି ।
Kanak News is now on WhatsApp
Join and get latest news updates delivered to you via WhatsApp
ସାମ୍ବାଦିକ ସମ୍ମିଳୀରେ ବିଜେଡି ରାଷ୍ଟ୍ରୀୟ ମୁଖପାତ୍ର ସସ୍ମିତ ପାତ୍ର କହିଛନ୍ତି ବିଧାନସଭା ଘେରାଉ ପରିବର୍ତ୍ତେ ସଂସଦ ସାମ୍ନାରେ ବସୁ ରାଜ୍ୟ ବିଜେପି। କେନ୍ଦ୍ରରେ କାହା ସରକାର ଅଛି ବୋଲି ପ୍ରଶ୍ନ କରିଛନ୍ତି ସସ୍ମିତ। ଚାଷୀ ପ୍ରସଙ୍ଗରେ ଏଠି ଧାରଣା ନ ଦେଇ ସାଂସଦ ସାମ୍ନାରେ ଧାରଣା ଦେଲେ କେନ୍ଦ୍ର ସରକାରଙ୍କ ନିଦ ଭାଙ୍ଗିବ। ଧାନ ସଂଗ୍ରହ,ଚାଉଳ ଉଠାଣ, ଏମଏସପି,ଚାଷ ବୀମା ଆଦି ପ୍ରସଙ୍ଗରେ କେନ୍ଦ୍ର ସରକାର ନିଷ୍ପତି ନିଅନ୍ତି । ତେଣୁ ସଂସଦ ସାମ୍ନାରେ ବିଜେପି ଧାରଣା ଦେଲେ କେନ୍ଦ୍ରର ନିଦ ଭାଙ୍ଗିବ ବୋଲି ସସ୍ମିତ କହିଛନ୍ତି ।
ଏହାସହ ସସ୍ମିତ କହିଛନ୍ତି, ଧାନର ସର୍ବନିମ୍ନ ସହାୟକ ମୂଲ୍ୟ ୨୯୩୦ କରିବାକୁ ବିଧାସଭାରେ ସର୍ବସମ୍ମତି କ୍ରମେ ସଂକଳ୍ପ ପାରିତ ହୋଇଥିଲା। ଯଦି ବିଜେପି ବିଧାୟକ ମାନେ ସର୍ବସମ୍ମତି କ୍ରମେ ରାଜି ହୋଇଥିଲେ କୁଆଡେ ଗଲା ଏହି ପ୍ରସଙ୍ଗ। ସେ ପ୍ରଶ୍ନ ଓ ପ୍ରସଙ୍ଗକୁ ନେଇ ରାଜ୍ୟ ବିଜେପି ସାଂସଦ ସାମ୍ନାରେ ଧାରଣା ଦିଅନ୍ତୁ। ସରକାରକୁ ଆସିଲେ ଏମ ଏସ ପି ଦେଢ଼ ଗୁଣା କରିବାକୁ କହିଥିଲେ କୁଆଡେ ଗଲା । ଚାଷୀ ମାନେ ଜାଣିଗଲେଣି ବିଜେପି ଚିନ୍ତା ଧାରା ଚାଷୀ ବିରୋଧୀ। ପ୍ରତି ପ୍ରସଙ୍ଗରେ କୃଷି ବିରୋଧୀ ବିଜେପି। ବିଜେପିର ପ୍ରହେଳିକା ଚାଷୀ ବୁଝି ସାରିଲେଣି। ତେଣୁ ଦୋଷ ଘୋଡାଇବାକୁ ଏପରି ନାଟକ ବିଜେପି କରୁଛି ବୋଲି ସସ୍ମିତ କହିଛନ୍ତି ।