ପୁଟିନଙ୍କ ବିରୋଧରେ ହୋଇପାରେ ସୈନ୍ୟ ବିଦ୍ରୋହ, ଋଷ କମାଣ୍ଡର ଦେଲେ ଚେତାବନୀ
କନକ ବ୍ୟୁରୋ : ଋଷ ସେନାର କମାଣ୍ଡର ଇଗୋର ଗିରକିନ୍ ଚେତବାନୀ ଦେଇଛନ୍ତି କି ଋଷ ରାଷ୍ଟ୍ରପତି ଭ୍ଲାଦିମୀର ପୁଟିନଙ୍କ ବିରୋଧରେ ସୈନ୍ୟ ବିଦ୍ରୋହ ଆରମ୍ଭ ହୋଇପାରେ ଓ ଏହା ବେଗନର ଗ୍ରୁପ କରିପାରେ ବୋଲି ସେ ଚେତାବନୀ ଦେଇଛନ୍ତି । ଋଷର ଘରୋଇ ସେନା ବେଗନର ଗ୍ରୁପର ମୁଖ୍ୟ ୟେବେଗେନୀ ପ୍ରିଗୋଝିନ ଅଭିଯୋଗ କରିଛନ୍ତି କି ତାଙ୍କ ସେନାବାହିନୀକୁ ଋଷ ରାଷ୍ଟ୍ରପତି ପୁଟିନଙ୍କ ତରଫରୁ କୌଣସି ସହାୟତା ଯୋଗାଇ ଦିଆଯାଉ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଗଣମାଧ୍ୟମ ରିପୋର୍ଟ ମୁତାବକ ଋଷ କମାଣ୍ଡର ଇଗୋର ଗିରକିନ କହିଛନ୍ତି କି, ପ୍ରିଗୋଝିନ ଋଷ ରକ୍ଷାମନ୍ତ୍ରଣାଳୟ ଉପରେ ସାର୍ବଜନୀକ ଭାବେ ଆଲୋଚନା କରିସାରିଛନ୍ତି । ଇଗୋର କହିଛନ୍ତି କି, ଯେଭଳି ଭାବେ ପ୍ରିଗୋଝିନ କହୁଛନ୍ତି ଏହି ମୋର୍ଚ୍ଚାରୁ ସେ ତାଙ୍କର ସେନାବାହିନୀକୁ ହଟାଇନେବେ । ଯଦି ସେ ହାଇ କମାଣ୍ଡଙ୍କ ବିନା ଅନୁମତିରେ ଏଭଳି କରନ୍ତି ତାହା ସିଧା ସଳଖ ଭାବେ ସୈନ୍ୟ ବିଦ୍ରୋହ ବୋଲି ଗଣନା କରାଯିବ । ଏହାସହ ପ୍ରିଗୋଝିନ ଏଭଳି କରନ୍ତି ତେବେ ଏହା ଋଷ ପାଇଁ ବିନାଶକାରୀ ବୋଲି ପ୍ରମାଣିତ ହେବ । ସେପଟେ ବେଗନର ଗ୍ରୁପର ପ୍ରମୁଖ ଖୋଲାଖୁଲି ଭାବେ ଋଷ ସେନା ନେତୃତ୍ୱଙ୍କ ବିରୋଧରେ ଆଲୋଚନା କରୁଛନ୍ତି ।
ସୂଚନା ଥାଉକି ଯେଉଁ ୟେବେଗେନୀ ପ୍ରିଗୋଝିନଙ୍କ ଉପରେ ଅଭିଯୋଗ ଆସୁଛି ସେ ଗୋଟିଏ ସମୟରେ ପୁଟିନଙ୍କ ଅତି ନିକଟତର ଥିଲେ । ଋଷର କଠୋରପନ୍ଥୀଙ୍କ ମଧ୍ୟରେ ପ୍ରିଗେଝିନ ନିଜର କଠୋର ପ୍ରତିଛବି ପାଇଁ ବେଶ୍ ଲୋକପ୍ରିୟ ରହିଛନ୍ତି । ହେଲେ ୟୁକ୍ରେନ ଯୁଦ୍ଧ ଏତେ ଦିନ ଧରି ଚାଲିବା ଫଳରେ ପୁଟିନଙ୍କୁ ସମାଲୋଚନା କରାଯାଉଥିବା କଥା କୁହାଯାଉଛି । ଏହାସହ ପ୍ରିଗୋଝିନ ଏବେ ଋଷର ଜଣେ ଶକ୍ତିଶାଳୀ ନେତା ଭାବେ ଆଗକୁ ଆସୁଛନ୍ତି ।