କନକ ବ୍ୟୁରୋ : ଚୀନ ଗସ୍ତରେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ୍ । ବିଆରଆଇ ବୁଧବାର ଚୀନ ରାଷ୍ଟ୍ରପତି ସି ଜିନ୍ ପିଙ୍ଗଙ୍କୁ ଭେଟିବାର ରହିଛି କାର୍ଯ୍ୟକ୍ରମ । ରୁଷ-ୟୁକ୍ରେନ ଏବଂ ଇସ୍ରାଏଲ-ହମାସ ଯୁଦ୍ଧ ଭିତରେ ପୁଟିନଙ୍କ ଚୀନ ଗସ୍ତ ଉପରେ ସାରା ବିଶ୍ୱର ନଜର ରହିଛି । ଚୀନ ସହ ସର୍ମ୍ପକ ମଜବୁତ ସହ ପାଶ୍ଚାତ୍ୟ ଦେଶ ବିରୋଧରେ ଶକ୍ତିଶାଳି ମେଂଟ ପାଇଁ ଜିନ ପିଙ୍ଗଙ୍କ ସହ ପୁଟିନ କରିପାରନ୍ତି ଗୁରୁତ୍ୱପୂର୍ଣ୍ଣ ଆଲୋଚନା ।
Kanak News is now on WhatsApp
Join and get latest news updates delivered to you via WhatsApp
ୟୁକ୍ରେନ ଉପରେ ଆକ୍ରମଣକୁ ନେଇ ଆର୍ନ୍ତଜାତୀୟ କ୍ରିମିନାଲ କୋର୍ଟ ପୁଟିନଙ୍କ ବିରୋଧରେ ଗତବର୍ଷ ମାର୍ଚ୍ଚ ମାସରେ ଆରେଷ୍ଟ ୱାରେଂଟ ଜାରି କରିଥିଲେ । ଗତ ଦେଢବର୍ଷ ମଧ୍ୟରେ ଯୁଦ୍ଧଗ୍ରସ୍ତ ୟୁକ୍ରେନକୁ ଛାଡିଲେ ଏହା ପୁଟିନଙ୍କ ପ୍ରଥମ ବିଦେଶ ଗସ୍ତ । ଏପରିକି ଅଗଷ୍ଟରେ ଦକ୍ଷିଣ ଆଫ୍ରିକାରେ ଅନୁଷ୍ଠିତ ବ୍ରିକ୍ସ ସମ୍ମିଳନୀ ଏବଂ ସେପ୍ଟେମ୍ବରରେ ନୂଆଦିଲ୍ଲୀରେ ଆୟୋଜିତ ଜି-୨୦ ସମ୍ମିଳନୀରୁ ମଧ୍ୟ ପୁଟିନ ନିଜକୁ ଦୂରେଇ ରଖିଥିଲେ ।