ୟୁକ୍ରେନରେ ଧ୍ୱଂସଲୀଳା ଖେଳୁଛି ପୁଟିନ ବାହିନୀ: ମାରିୟୁପୋଲ ଦଖଲ ପାଇଁ ଲୋକଙ୍କ ଘର ଉପରେ ବୋମା ବର୍ଷା କରୁଛି ଋଷ
କନକ ବ୍ୟୁରୋ: ୟୁକ୍ରେନ ଉପରେ ରୁଷିଆର ଆକ୍ରମଣକୁ ଏକ ମାସ ହୋଇସାରିଲାଣି । କିନ୍ତୁ ଏବେ ବି ଜାରି ରହିଛି ଦୁଇ ଦେଶ ମଧ୍ୟରେ ଯୁଦ୍ଧ । ୟୁକ୍ରେନ ଭିତରେ ପଶି ବିଭିନ୍ନ ସହର ଉପରେ ବୋମା ବର୍ଷା କରୁଛି ରୁଷ ସେନା । ଆଉ ଏହାର ଭୟଙ୍କର ଚିତ୍ର ଏବେ ସାରା ବିଶ୍ୱ ଦେଖୁଛି । ଏ ଭିତରେ ମାରିୟୁପୋଲ ଉପରେ ରୁଷ କରିଥିବା ଏକ ବଡ ଆକ୍ରମଣର ତଥ୍ୟ ଏବେ ସାମ୍ନାକୁ ଆସିଛି । ଗତ ସପ୍ତାହରେ ମାରିୟୁପୋଲ ସହରରେ ଆଶ୍ରୟ ସ୍ଥଳୀ ପାଲଟିଥିବା ଏକ ଥିଏଟର ଉପରେ ମିସାଇଲ ଆକ୍ରମଣ କରିଥିଲା ରୁଷ । ଆଉ ଏହି ଆକ୍ରମଣରେ ୩୦୦ରୁ ଅଧିକ ଲୋକ ପ୍ରାଣ ହରାଇଥିବା ଖବର ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ରୁଷ କରିଥିବା ଏହି ଭୟଙ୍କର ଏୟାର ଷ୍ଟାଇକରେ ଶିଶୁ ମହିଳାଙ୍କ ସମେତ ୩୦୦ରୁ ଅଧିକ ସାଧାରଣ ଲୋକ ପ୍ରାଣ ହରାଇଥିବା ନେଇ ଅର୍ନ୍ତଜାତୀୟ ଗଣମାଧ୍ୟମ ସୁତ୍ରରୁ ସୂଚନା ମିଳିଛି । ଲଗାତାର ରକେଟ, ମିଜାଇଲ ଓ ବୋମା ମାଡ ଜାରି ରହିବା କାରଣରୁ ୟୁକ୍ରେନର ଅନେକ ସହର ଛାର ଖାର ହୋଇସାରିଛି । ରାଜଧାନୀ କିଭର ମଧ୍ୟ ଅନେକ ଅଂଚଳ ଧ୍ୱଂସସ୍ତୁପ ପାଲଟି ଗଲାଣି । କିନ୍ତୁ ତଥାପି ହାରମାନିନି ୟୁକ୍ରେନ । ସାଧାରଣା ନାଗରିକଙ୍କ ଠାରୁ ଆରମ୍ଭ କରି ସେନା ବାହିନୀ ସମସ୍ତେ ରୁଷ ସେନାର ମୁକାବିଲା କରୁଛନ୍ତି । ରୁଷର ଲଢୁଆ ବିମାନ, ଟ୍ୟାଙ୍କ ଓ ଯୁଦ୍ଧ ଉପକରଣକୁ ଧ୍ୱଂସ କରିବା ସହ ଅନେକ ରୁଷ ସେନାକୁ ମଧ୍ୟ ବନ୍ଦି ବନେଇଛି ୟୁକ୍ରେନ ସେନା ।