କନକ ବ୍ୟୁରୋ : ରାଷ୍ଟ୍ରୀୟ ସ୍ୱଂୟ ସେବକ ସଂଘର ସରସଂଘଚାଳକ ମୋହନ ଭାଗବତଙ୍କ ବୟାନକୁ ନେଇ ଏବେ ସାରା ଦେଶରେ ଚର୍ଚ୍ଚା ଆରମ୍ଭ ହୋଇଯାଇଛି । ମୋହନ ଭାଗବତଙ୍କ ବୟାନ ଉପରେ ବିଭିନ୍ନ ମହଲରୁ ପ୍ରତିକ୍ରିୟା ଆସିବାରେ ଲାଗିଛି । ଏହି କ୍ରମରେ ଅଯୋଧ୍ୟା ରାମଜନ୍ମଭୂମିର ମନ୍ଦିରର ମୁଖ୍ୟ ପୂଜାରୀ ଆଚାର୍ଯ୍ୟ ସତ୍ୟେନ୍ଦ୍ର ଦାସ ସିଧା ସଳଖ କହିଛନ୍ତି କି, ମୋହନ ଭାଗବତ ତାଙ୍କ ଜୀବନ କାଳରେ କେବେ ଗୀତା ପଢିନାହାଁନ୍ତି । ଯଦି ସେ ଗୀତା ପଢିଥାନ୍ତେ ତେବେ ସେ କେବେ ବି ଏଭଳି ବୟାନ ଦେଇ ନଥାନ୍ତେ ବୋଲି ସେ କହିଛନ୍ତି । ସେ ଯୁକ୍ତି ବାଢିଛନ୍ତି କି ଚାରି ବର୍ଣ୍ଣର ବିଭାଜନ ନିଜେ ଭଗବାନ ଶ୍ରୀକୃଷ୍ଣ କରିଥିଲେ । ଏଣୁ ଜାତି ବିଭାଜନ ବ୍ରାହ୍ମଣମାନେ କରିନାହାଁନ୍ତି ବୋଲି ସେ ଯୁକ୍ତି କରିଛନ୍ତି । ବରଂ ସାମାଜିକ ବ୍ୟବସ୍ଥାର ସଂଚାଳନ ପାଇଁ ନିଜେ ଭଗବାନ ସୃଷ୍ଟିକୁ କର୍ମ ଅନୁସାରେ ୪ବର୍ଣ୍ଣରେ ବିଭାଜନ କରିଥିଲେ ବୋଲି ଆଚାର୍ଯ୍ୟ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଚାର୍ଯ୍ୟ ସତ୍ୟେନ୍ଦ୍ର ଦାସଙ୍କ କହିବା ମୁତାବକ ଜାତି ଜାତି ମଧ୍ୟରେ ବିଭାଜନ ରାଜନୈତିକ ନେତାମାନେ ସେମାନଙ୍କ ଲାଭ ପାଇଁ କରିଛନ୍ତି । ଏହା ଉପରେ ସେ କହିଛନ୍ତି କି, ବିଧାୟକ କିମ୍ବା ସାଂସଦ ପ୍ରାର୍ଥୀ ଚୟନ ବେଳେ ରାଜନୈତିକ ଦଳମାନେ ଦେଖନ୍ତି କି ଯେଉଁ ଜାତିର ଅଧିକ ଭୋଟର ଅଛନ୍ତି ସେହି ଜାତିର ଲୋକଙ୍କୁ ଟିକେଟ ଦେଲେ ଦଳ ଅଧିକ ଲାଭବାନ ହେବ । ଏଣୁ ଜାତି ଜାତି ମଧ୍ୟରେ ବିବାଦ ପାଇଁ ସେ ନେତାମାନଙ୍କୁ ଦାୟୀ କରିଛନ୍ତି ।
ଜଗତଗୁରୁ ପରମହଂସ ଆଚାର୍ଯ୍ୟ କହିଛନ୍ତି ଯେ, ମୋହନ ଭାଗବତ ଯାହା କହିଛନ୍ତି ତାହା ଅଶାସ୍ତ୍ରୀୟ ଓ ମନରୁ କହିଛନ୍ତି । ‘ମୁଁ ଆରଏସଏସ ଭଳି ଦେଶଭକ୍ତ ସଂଗଠନକୁ ବହୁତ ଆଦର କରେ, ହେଲେ ଶାସ୍ତ୍ର ବିରୋଧରେ ଦେଇଥିବା ବୟାନକୁ ବିରୋଧ କରୁଛି’ ।