କନକ ବ୍ୟୁରୋ: ଜଳ ଯନ୍ତ୍ରଣା ପ୍ରତିବାଦରେ ରାସ୍ତାରୋକ । ପାଣି ସମସ୍ୟାର ସମାଧାନ ଦାବିରେ ରାସ୍ତାରୋକ କରିଛନ୍ତି ନବରଙ୍ଗପୁର ଜିଲ୍ଲା ସଦର ବ୍ଲକ ଦେଉଳା ଗ୍ରାମର ହରିଜନ ସାହିର ଲୋକେ । ଫଳରେ ଉକ୍ତ ରାସ୍ତା ଦେଇ ନବରଙ୍ଗପୁର ଠାରୁ କୋଷଗୁମୁଡ଼ା ବ୍ଲକ ଯୋଗାଯୋଗ ବାଧାପ୍ରାପ୍ତ ହୋଇଛି । ଗ୍ରାମର ହରିଜନ ସାହିରେ ପ୍ରାୟ ୩୦ଟି ପରିବାର ଥିବା ବେଳେ ସାହିବାସିନ୍ଦାଙ୍କ ପାଇଁ ଏକ ମାତ୍ର ନଳକୂପ ଅଛି । ତାହା ମଧ୍ୟ ଦୀର୍ଘଦିନ ଧରି ଅଚଳ ହୋଇପଡିଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଗାଁରେ ଥିବା ଜଳଯୋଗାଣ କେନ୍ଦ୍ରରୁ କେବଳ ସକାଳେ ହିଁ ଅଳ୍ପ କିଛି ସମୟ ପାଇଁ ହିଁ ଜଳଯୋଗାଣ କରାଯାଉଥିବାରୁ ଅଳ୍ପ ସମୟ ମଧ୍ୟରେ ସମସ୍ତ ସାହି ବାସିନ୍ଦାଙ୍କୁ ପାଣି ଯୋଗାଇବା ସମ୍ଭବପର ହୋଇପାରୁନାହିଁ । ଫଳରେ ପିଇବା ପାଣି ପାଇଁ ଗ୍ରାମ ଠାରୁ ପ୍ରାୟ ଦୁଇ କିଲୋମିଟର ଦୂରରେ ଥିବା ନଦୀ ଠାରୁ ପାଣି ସଂଗ୍ରହ କରୁଛନ୍ତି । ଦୀର୍ଘ ଦିନ ଧରି ଲାଗିରହିଥିବା ସାହିର ଏହି ପାନୀୟ ଜଳ ସମସ୍ୟା ର ସମାଧାନ ନେଇ ଅନେକ ଥର ସ୍ଥାନୀୟ ପ୍ରଶାସନ ଠାରୁ ଆରମ୍ଭ କରି ବିଧାୟକ ଙ୍କ ନିକଟରେ ଗୁହାରି କରିଛନ୍ତି କିନ୍ତୁ ସମସ୍ୟାର ସମାଧାନ ହୋଇପାରୁନାହିଁ । ତେଣୁ ସେମାନେ ରାସ୍ତାରୋକ କରିଛନ୍ତି ।