ବିଚାରପତି ନିଯୁକ୍ତିକୁ ନେଇ ଥମୁନି ସରକାର-ନ୍ୟାୟପାଳିକା ବିବାଦ : ପୂର୍ବତନ ବିଚାରପତିଙ୍କ ସାକ୍ଷାତକାର ଭିଡିଓ ସେୟାର କଲେ ଆଇନ ମନ୍ତ୍ରୀ
କନକ ବ୍ୟୁରୋ : ଥମୁନି ସରକାର-ନ୍ୟାୟପାଳିକା ବିବାଦ । ବିଚାରପତି ନିଯୁକ୍ତ ପ୍ରକ୍ରିୟାକୁ ନେଇ କେନ୍ଦ୍ର ସରକାର ଏବଂ ସୁପ୍ରିମକୋର୍ଟ ମଧ୍ୟରେ ବିବାଦ ଚାଲିଥିବା ବେଳେ ଜଣେ ପୂର୍ବତନ ବିଚାରପତିଙ୍କ ବିବାଦୀୟ ମନ୍ତବ୍ୟକୁ ସମର୍ଥନ ଜଣାଇଛନ୍ତି କେନ୍ଦ୍ର ଆଇନ ମନ୍ତ୍ରୀ କିରଣ ରିଜିଜୁ । ନିଜେ ବିଚାରପତି ନିଯୁକ୍ତି ଦେବା ନିଷ୍ପତ୍ତିକୁ ନେଇ ସୁପ୍ରିମକୋର୍ଟ ସମ୍ବିଧାନକୁ ହାଇଜାକ କରିଛନ୍ତି ବୋଲି ଏକ ସାକ୍ଷାତକାରରେ କହିଥିଲେ ପୂର୍ବତନ ବିଚାରପତି ଜଷ୍ଟିସ୍ ଆରଏସ୍ ସୋଧି ।
Kanak News is now on WhatsApp
Join and get latest news updates delivered to you via WhatsApp
ଆଇନ ମନ୍ତ୍ରୀ ରିଜୀଜୁ ବିଚାରପତିଙ୍କ ଏହି ସାକ୍ଷାତକାର ଭିଡିଓକୁ ଟୁଇଟରରେ ସେୟାର କରି ଲେଖିଛନ୍ତି ଯେ, ଏହା ଏକ ବିଚାରପତିଙ୍କ ମତ । ଏହା କେବଳ ସୋଧିଙ୍କ ମତ ନୁହେଁ ସଂଖ୍ୟାଗରିଷ୍ଠ ଭାରତୀୟଙ୍କ ମତ । କେବଳ ଯେଉଁମାନେ ସମ୍ବିଧାନର ବିଧିବ୍ୟବସ୍ଥା ଏବଂ ଜନାଦେଶକୁ ଅସମ୍ମାନ କରନ୍ତି ସେମାନେ ଭାବନ୍ତି ଯେ ସେମାନେ ସମ୍ବିଧାନ ଉପରେ । ତେବେ ସୋଧି ତାଙ୍କ ସାକ୍ଷାତକାରରେ କହିଥିଲେ, ସମ୍ବିଧାନ ସଂଶୋଧନ କରିବାର କ୍ଷମତା କେବଳ ସଂସଦର ଅଛି । ପ୍ରଥମ ଥର ପାଇଁ ସୁପ୍ରିମକୋର୍ଟ ସମ୍ବିଧାନକୁ ହାଇଜାକ କରିନେଇଛନ୍ତି ବୋଲି ସେ କହିଥିଲେ ।