କନକ ବ୍ୟୁରୋ: ପୋଲିସ ହେପାଜତରେ ଚାଷୀ ନେତା ରାକେଶ ଟିକାୟତ । ରବିବାର ଦିଲ୍ଲୀ ପୋଲିସ ରାକେଶ ଟିକାୟତଙ୍କୁ ବର୍ଡର ଉପରୁ ହିଁ ନିଜ ହେପାଜତକୁ ନେଇଯାଇଛି । ତେବେ ବର୍ତ୍ତମାନ ତାଙ୍କୁ ଦିଲ୍ଲୀର ମଧୁବିହାର ପୋଲିସ ଷ୍ଟେସନରେ ରଖାଯିବା ସହିତ ପଚରାଉଚୁରା କରାଯାଉଥିବା ସୂଚନା ରହିଛି । ଏନେଇ ନିଜେ ରାକେଶ ଟିକାୟତ ଟୁଇଟ୍ କରି ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରାକେଶ ଟିକାୟତ ବେରୋଜଗାରୀ ବିରୋଧରେ ଦିଲ୍ଲୀର ଜନ୍ତର-ମନ୍ତରରେ ଏକ ବିରୋଧ ପ୍ରଦର୍ଶନରେ ଭାଗ ନେବାକୁ ଯାଉଥିଲେ । ଏହି ସମୟରେ ଦିଲ୍ଲୀ ପୋଲିସ ତାଙ୍କୁ ନିଜ ହେପାଜତକୁ ନେଇ ପଚରାଉଚୁରା କରୁଛି । ଭାରତୀୟ କିଷାନ ସଂଘର୍ଷର ରାଷ୍ଟ୍ରୀୟ ପ୍ରବକ୍ତା ତଥା ସଂଯୁକ୍ତ କିସାନ ମୋର୍ଚ୍ଚାର ପ୍ରମୁଖ ଚେହେରା ରାକେଶ ଟିକାୟତ ଟୁଇଟ୍ କରି ଲେଖିଛନ୍ତି, ସରକାର ଇସାରାରେ କାମ କରୁଥିଲା ଦିଲ୍ଲୀ ପୋଲିସ କୃଷକଙ୍କ ସ୍ୱରକୁ ଦବାଇ ପାରିବନି । ଏ ଗିରଫଦାରୀ ଏକ ନୂଆ କ୍ରାନ୍ତି ନେଇ ଆସିବ । ଏ ସଂଘର୍ଷ ଶେଷ ନିଶ୍ୱାସ ପର୍ଯ୍ୟନ୍ତ ଜାରି ରହିବ ବୋଲି ଟିକାୟତ ଲେଖିଛନ୍ତି ।
सरकार के इशारे पर काम कर रही दिल्ली पुलिस किसानों की आवाज को नहीं दबा सकती। यह गिरफ्तारी एक नई क्रांति लेकर आएगी।
यह संघर्ष अंतिम सांस तक जारी रहेगा।#ना रुकेंगे #ना थकेंगे #ना झुकेंगे।@CPDelhi@ani@PTI_News pic.twitter.com/gw4WnFkZHM— Rakesh Tikait (@RakeshTikaitBKU) August 21, 2022
ତେବେ ଦିଲ୍ଲୀ ପୋଲିସର ଜଣେ ଅଧିକାରୀଙ୍କ ସୂଚନା ମୁତାବକ, ଟିକାୟତଙ୍କୁ ଗାଜିପୁର ବର୍ଡରରେ ରୋକା ଯାଇଥିଲା । ସେ ଜନ୍ତର ମନ୍ତର ଯାଉଥିଲେ । ହେପାଜତକୁ ନେବା ପରେ ତାଙ୍କୁ ମଧୁବିହାର ପୋଲିସ ଥାନାକୁ ନିଆଯାଇଛି । ଅନ୍ୟପଟେ ଦିଲ୍ଲୀ ସରକାରରେ ମନ୍ତ୍ରୀ ଥିବା ଆମ୍ ଆଦମୀ ପାର୍ଟିର ନେତା ଗୋପାଳ ରାୟ ଟିକାୟତଙ୍କୁ ନଜରବନ୍ଦୀ କରି ରଖିବାକୁ ନିନ୍ଦା କରିଛନ୍ତି । ଟୁଇଟ୍ କରି ଦିଲ୍ଲୀ ପୋଲିସର ଏଭଳି କାମକୁ ଆପ୍ ନେତା ନିନ୍ଦା କରିଛନ୍ତି ।