ରାଜନଗରରେ ଏନକାଉଣ୍ଟର ! ଦୁର୍ଦ୍ଦାନ୍ତ ଅପରାଧୀ ବାବୁର ବାମ ଗୋଡରେ ବାଜିଲା ଗୁଳି
ଦୁର୍ଦ୍ଦାନ୍ତ ଅପରାଧୀ ବାବ ନାଁରେ ରହିଛି ୧୦ରୁ ଅଧିକ ମାମଲା, କଣ୍ଡିରା ଗାଁ ଗୁଳିକାଣ୍ଡରେ ଥିଲା ସଂପୃକ୍ତ
କନକ ବ୍ୟୁରୋ : କେନ୍ଦ୍ରାପଡ଼ା ଜିଲ୍ଲାର ରାଜନଗରରେ ଏନକାଉଣ୍ଟର । ରାଜନଗରରେ ଦୁର୍ଦ୍ଦାନ୍ତ ଅପରାଧୀ ବାବୁ ଆହତ । କୁରୁଂଟି ଛକ ନିକଟରେ ସଞ୍ଜୟ ବିଶ୍ୱାଳ ଓରଫ ବାବୁକୁ ଏନକାଉଣ୍ଟର କରିଛି ପଟ୍ଟାମୁଣ୍ଡାଇ ପୋଲିସ୍ । ବାବୁର ବାମ ଗୋଡରେ ବାଜିଛି ଗୁଳି । ଗୁରୁତର ଅବସ୍ଥାରେ ରାଜନଗର ମେଡିକାଲରେ ଭର୍ତ୍ତି ହୋଇଛି । ବାବୁ ନାଁରେ ରହିଛି ୧୦ରୁ ଅଧିକ ଅପରାଧ ଓ ରାହାଜାନୀ ମାମଲା । କଣ୍ଡିରା ଗାଁ ଗୁଳିକାଣ୍ଡ ଘଟଣାରେ ବାବୁ ସମ୍ପୃକ୍ତି ଥିବା ଅଭିଯୋଗ ରହିଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଗତକାଲି କଣ୍ଡିରା ଗାଁରେ ଗୁଳିମାଡରେ କିଶୋର ସେଠୀ ନାମକ ଜଣେ ଯୁବକଙ୍କର ମୃତ୍ୟୁ ହୋଇଥିଲା । ଏହି ଘଟଣାରେ ଗତକାଲି ୨ ଜଣଙ୍କୁ ଗିରଫ କରିଥିଲା ପୋଲିସ । ଗାଁ ଭିତରକୁ ଯାଇ ଦୁବୃର୍ତମାନେ ଏହି ଗୁଳିମାଡ କରିଥିଲେ । ଏହି ଘଟଣା ସେହି ଅଂଚଳରେ ଚାଂଚଲ୍ୟ ଖେଳାଇ ଦେଇଥିଲା । ଅପରାଧୀମାନଙ୍କୁ ଧରିବା ପାଇଁ ପୁଲିସ ୪ଟି ସ୍କ୍ଵାର୍ଡ଼ ଗଠନ କରି ବିଭିନ୍ନ ସ୍ଥାନରେ ଚଢ଼ାଉ କରିଥିଲା ।
ଆଜି ଭୋର ପ୍ରାୟ ସାଢ଼େ ୪ଟା ବେଳେ ବାବୁ ଓରଫ ସଞ୍ଜୟ ବିଶ୍ୱାଳ ଏକ ବାଇକରେ ରାଜନଗର- ଗୁପ୍ତି ରାସ୍ତାରେ ଆସୁଥିବା ବେଳେ ସ୍ପେସାଲ ସ୍କ୍ଵାର୍ଡ଼ ଓ ରାଜନଗର ପୁଲିସ ତାଙ୍କୁ କୁରୁଣ୍ଟି ନିକଟରେ ଅଟକାଇଥିଲା । ତେବେ ପୁଲିସକୁ ଦେଖି ଅଟକିବା ମାତ୍ରେ ସଞ୍ଜୟ ପୁଲିସ ଉପରକୁ ଗୁଳି ଚଳାଇ ଖସିଯିବାକୁ ଉଦ୍ୟମ କରିଥିଲା । ସଞ୍ଜୟ ଗୁଳି ଚଳାଇବା ପରେ ପୁଲିସ ପାଲଟା ଗୁଳି ଚଳାଇ ଥିଲା । ଦୁଇଟି ଗୁଳି ସଞ୍ଜୟର ବାମ ଗୋଡ଼ରେ ବାଜିବାରୁ ସେ ପଡ଼ି ଯାଇଥିଲା । ଗୁରୁତର ଅବସ୍ଥାରେ ତାକୁ ପ୍ରଥମେ ରାଜନଗର, କେନ୍ଦ୍ରାପଡ଼ା ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରୁ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।