ବିଲକିସ୍ ବାନୋ ମାମଲାରେ କେନ୍ଦ୍ର ସରକାରଙ୍କୁ ଟାର୍ଗେଟ କଲେ ରାହୁଲ ଗାନ୍ଧୀ । କହିଲେ ମହିଳାଙ୍କ ପାଇଁ କଣ ମେସେଜ ଦେବାକୁ ଚାହୁଁଛନ୍ତି ସରକାର
କନକ ବ୍ୟୁରୋ : କଂଗ୍ରେସର ପୂର୍ବ ଅଧ୍ୟକ୍ଷ ତତା ଏବେକାର ସାଂସଦ ରାହୁଲ ଗାନ୍ଧୀ ବିଲକିସ୍ ବାନୋ ମାମଲାରେ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି । ରାହୁଲ ଗାନ୍ଧୀ ଅଭିଯୋଗ କରିଛନ୍ତି କି ପ୍ରଧାନମନ୍ତ୍ରୀ କହିବା ଓ କରିବା ଭିତରେ କେତେ ଫରକ ଏବେ ସାରା ଦେଶ ଦେଖୁଛି । ସେ ସ୍ୱାଧୀନତା ଦିବସରେ ପ୍ରଧାନମନ୍ତ୍ରୀ ଦେଇଥିବା ଭାଷଣ ଉପରେ କହିଛନ୍ତି କି ଗୋଟିଏ ପଟେ ପ୍ରଧାନମନ୍ତ୍ରୀ କହୁଛନ୍ତି ଯେ ଦେଶର ବିକାଶ ପାଇଁ ମହିଳାଙ୍କ ସମ୍ମାନ ମିଳିବା ନିହାତି ଆବଶ୍ୟକ । ଏହାସହ ପ୍ରଧାନମନ୍ତ୍ରୀ ନାରୀଶକ୍ତିକୁ ସମର୍ଥନ କରିବାକୁ ଆହ୍ୱାନ ଦେଉଥିବା ବେଳେ ୧୧ ଜଣ ଦୁଷ୍କର୍ମକାରୀଙ୍କୁ ଜେଲରୁ ମୁକୁଳାଇବା କେତେ ସମୀଚିନ ବୋଲି ରାହୁଲ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଗୁଜୁରାଟର ମୁସଲିମ ମହିଳା ବିଲକିସ୍ ବାନୋଙ୍କ ସହ ଦୁଷ୍କର୍ମ କରିଥିବା ୧୧ ଜଣଙ୍କୁ ଆଜୀବନ କାରାଦଣ୍ଡ ମିଳିଥିଲା । ହେଲେ ଏବେ କୋର୍ଟ ସେହି ୧୧ ଜଣଙ୍କୁ ଜେଲରୁ ଛାଡିଦେବା ପରେ ଏହାକୁ ନେଇ ସାରା ଦେଶରୁ ଆଇନ ବ୍ୟବସ୍ଥା ପ୍ରତି ପ୍ରଶ୍ନ ଉଠିବାରେ ଲାଗିଛି । ଏହି କ୍ରମରେ ରାହୁଲ ଗାନ୍ଧୀ ଏକ ଟ୍ୱିଟ କରି କହିଛନ୍ତି କି ୫ ମାସର ଗର୍ଭବତୀ ଜଣେ ମହିଳାଙ୍କୁ ଦୁଷ୍କର୍ମ କରିବା ସହ ତାଙ୍କର ୩ ବର୍ଷର ଶିଶୁକୁ ହତ୍ୟା କରିଥିବା ଅପରାଧୀମାନଙ୍କୁ ଆଜାଦୀ କି ଅମୃତ ମହୋତ୍ସବରେ ଛାଡ କରାଗଲା । ଯେଉଁ ସରକାର ଲାଲକିଲ୍ଳାରେ ନାରୀଶକ୍ତିକୁ ନେଇ ଭାଷଣ ଦେଉଛନ୍ତି ଏଭଳି ଘଟଣା ପରେ ଦେଶକୁ କଣ ମେସେଜ ଦେବାକୁ ଚାହୁଁଛନ୍ତି ।
5 महीने की गर्भवती महिला से बलात्कार और उनकी 3 साल की बच्ची की हत्या करने वालों को ‘आज़ादी के अमृत महोत्सव’ के दौरान रिहा किया गया।
नारी शक्ति की झूठी बातें करने वाले देश की महिलाओं को क्या संदेश दे रहे हैं?
प्रधानमंत्री जी, पूरा देश आपकी कथनी और करनी में अंतर देख रहा है।
— Rahul Gandhi (@RahulGandhi) August 17, 2022
ସୂଚନା ଥାଉକି, ୨୦୦୨ ମସିହା ମାର୍ଚ୍ଚ ୩ ତାରିଖରେ ଗୋଧ୍ରାକାଣ୍ଡ ପରେ ହୋଇଥିବା ଦଙ୍ଗାରେ ଗୁଜୁରାଟର ଦାହୋଦ ଜିଲ୍ଲା ଲିମଖେଡା ରନ୍ଧିକପୁର ଗ୍ରାମରେ ରହୁଥିବା ବିଲକିସଙ୍କ ପରିବାର ଉପରେ ଆକ୍ରମଣ ହୋଇଥିଲା । ଏହି ସମୟରେ ବିଲକିସ ୫ ମାସର ଗର୍ଭବତୀ ଥିଲେ । କିଛି ଲୋକ ବିଲକିସଙ୍କ ସହ ବଳାକ୍ରାର କରିବା ସହ ତାଙ୍କ ପରିବାରର ୭ ଜଣଙ୍କୁ ହତ୍ୟା କରାଯାଇଥିଲା । ଏହି ମାମଲାରେ ୧୧ ଜଣଙ୍କୁ ୨୦୦୪ ମସିହାରେ ଗିରଫ କରାଯାଇଥିଲା । ଏହାପରେ କୋର୍ଟ ସେମାନଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଥିଲା । ହେଲେ ଅଗଷ୍ଟ ୧୫ ଦିନ ସେମାନଙ୍କୁ ଜେଲରୁ ଛାଡ କରାଯାଇଛି ।