କନକ ବ୍ୟୁରୋ : କେନ୍ଦ୍ରାପଡ଼ା ଜିଲ୍ଲାରେ ବିପଦ ସଙ୍କେତ ଉପରେ ପ୍ରବାହିତ ହେଉଛି ଲୁଣା, କରାଣ୍ଡିଆ, ପାଇକ, ଚିତ୍ରୋପଳା ନଦୀର ଜଳସ୍ତର । ୫ଟି ପଞ୍ଚାୟତର ଲୋକ ଜଳବନ୍ଦୀରେ ଦିନ କାଟୁଛନ୍ତି । ବନ୍ୟାପାଣିରେ ରୋଗୀ ହଇରାଣ ହେଉଛନ୍ତି ଲୋକେ । ହସ୍ପିଟାଲର ତଳ ମହଲରେ ବନ୍ୟାପାଣି ପଶିବାରୁ ଉପର ମହଲାକୁ ରୋଗୀଙ୍କୁ ସ୍ଥାନାନ୍ତର କରାଯାଇ ଚିକିତ୍ସା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ, ବୈତରଣୀ ନଦୀରେ ବନ୍ୟା ଆସିବା ପରେ ରାଜକନିକା ବକ୍ଲର କନପୁରୀ, ଗୁଣ୍ଠଳ, ସାନହଳୁପଡ଼ା, ବାଲିସାହି ଗାଁରେ ପାଣି ପଶିଛି । କନପୁରୁ ଗାଁରେ ଲୋକମାନଙ୍କ ଘରେ ଆଣ୍ଠୁଏ ଉଚ୍ଚର ପାଣି ପ୍ରବାହିତ ହେଉଛି । ୩ ଦିନ ହେବ ଭୋକ ଉପାସରେ ରହୁଛନ୍ତି ଲୋକମାନେ । ରାତି ହେଲେ ବିଷାକ୍ତ ସାପ, କୁମ୍ଭୀର ଭୟରେ ଜୀବନ ବିତାଉଛନ୍ତି ବନ୍ୟାବିପନ୍ନ ।