କଂଗ୍ରେସର ବଡ଼ ସଂକେତ,ଆମେଠିରୁ ଲଢ଼ିପାରନ୍ତି କଂଗ୍ରେସ ସାଂସଦ ରାହୁଲ ଗାନ୍ଧୀ । ଜିଲ୍ଲା ସଭାପତି ପ୍ରଦୀପ ସିଂଘାଲାଙ୍କ ବୟାନ ପରେ ବଢ଼ିଲା ଚର୍ଚ୍ଚା
କନକ ବ୍ୟୁରୋ : କଂଗ୍ରେସ ନେତା ତଥା ସାଂସଦ ରାହୁଲ ଗାନ୍ଧୀ ଏଥର କେଉଁଠୁ ଲଢିବେ ନିର୍ବାଚନ? ଆମେଠି ନା ୱାୟାନାଡା । ନା ପୂର୍ବଥର ପରି ଦୁଇଟି ଯାକ ଆସନରୁ ଲଢ଼ିବେ । ସହଯୋଗୀ ଦଳ ସିପିଆଇଏମ ୱାୟନାଡ଼ା ଆସନ ପାଇଁ ପ୍ରାର୍ଥୀ ଛିଡା କରିବା ପରେ ରାହୁଲ ଏହି ଆସନ ଛାଡିବା ନେଇ ଚର୍ଚ୍ଚା ଜୋର ଧରିଛି । ସେପଟେ ଗାନ୍ଧୀ ପରିବାର ସମ୍ମାନ କୁହାଯାଉଥିବା ଆମେଠି ଆସନରୁ ରାହୁଲ ଲଢ଼ିବା ଚର୍ଚ୍ଚାକୁ ବଢ଼ାଇଛି କଂଗ୍ରେସ ନେତା ପ୍ରଦୀପ ସିଂଘଲଙ୍କ ବୟାନ ।
Kanak News is now on WhatsApp
Join and get latest news updates delivered to you via WhatsApp
ଯଦି ରାହୁଲ ଗାନ୍ଧୀ ଆମେଥିରୁ ପ୍ରାର୍ଥୀ ହୁଅନ୍ତି ତେବେ ତାଙ୍କର ସିଧା ଟକ୍କର କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କ ସହ ହେବ । ଏହି ଆସନରୁ ଗତଥର ରାହୁଲ ଗାନ୍ଧୀଙ୍କୁ ସ୍ମୃତି ଇରାନୀ ପରାଜିତ କରିଥିଲେ । ଏହାସହ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ମଧ୍ୟ ପ୍ରଥମଥର ନିର୍ବାଚନରେ ପ୍ରାର୍ଥୀ ହେବାକୁ ଯାଉଛନ୍ତି । ସେ ସୋନିଆ ଗାନ୍ଧୀଙ୍କ ଆସନ ରାଏବରେଲୀରୁ ପ୍ରାର୍ଥୀ ହେବା ନେଇ ଚର୍ଚ୍ଚା ହେଉଛି ।