କନକ ବ୍ୟୁରୋ : ପୂରଣ ହେଲା ଶହେ ବର୍ଷର ସ୍ୱପ୍ନ, ପାଣି ତଳେ ଦୌଡିଲା ମେଟ୍ରୋ ଟ୍ରେନ୍ । କୋଲକାତାରେ ମେଟ୍ରୋ ସଯୋଂଗୀକରଣ କ୍ଷେତ୍ରରେ ଏହା ଏକ ନୂଆ ମାଇଲଖୁଂଟ । କୋଲକାତା ମେଟ୍ରୋର ସମ୍ପ୍ରସାରଣ କରାଯାଇଥିବା ବେଳେ ହାୱଡା ମୈଦାନ-ଏସପ୍ଲାନେଡ ଯାଏ ନଦୀ ଭିତରେ ଏହି ଅଣ୍ଡର ୱାଟର ମେଟ୍ରୋ ପ୍ରକଳ୍ପର ନିର୍ମାଣ କରାଯାଇଛି । ପଶ୍ଚିମବଙ୍ଗରେ ଦେଶର ପ୍ରଥମ ଅଣ୍ଡର ୱାଟର ମେଟ୍ରୋ ଟନେଲର ଲୋକାର୍ପଣ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ପାଣି ଭିତରେ ଦୌଡ଼ିଲା ମେଟ୍ରୋ
-ଗ୍ରୀନ ଲାଇନରେ ଆସୁଛି ଏହି ଅଣ୍ଡର ୱାଟର ମେଟ୍ରୋ ଟନେଲ
-ଏହାର ଲମ୍ବ ପ୍ରାୟ ୧୬.୫ କିଲୋମିଟର
-ଏହା ଭୂପୃଷ୍ଠରୁ ପ୍ରାୟ ୧୨୦ଫୁଟ ତଳେ ରହିଛି ।
-ହାୱଡା ମେଟ୍ରୋ ଷ୍ଟେସନ ଦେଶର ପ୍ରଥମ ଏବଂ ଗଭୀରତମ ମେଟ୍ରୋ ଷ୍ଟେସନ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଅବସରରେ ପଶ୍ଚିମବଙ୍ଗ ବାସୀଙ୍କୁ ଅନେକ ମେଟ୍ରୋ ପ୍ରକଳ୍ପ ସହ ଦ୍ରୁତ ଗମନାଗମନ ପ୍ରକଳ୍ପ ଭେଟି ଦେଇଛନ୍ତି ମୋଦୀ । ୧୯୭୧ ମସିହାରେ ମାଷ୍ଟରପ୍ଲାନରେ କରିଡରକୁ ବଛାଯାଇଥିଲ।। । ହାୱାଡା କୋଲକାତା ପଶ୍ଚିମବଙ୍ଗର ଦୁଇ ଶତାଦ୍ଦୀ ପୁରୁଣା ଐତିହ୍ୟ ସହର । ହୁଗୁଳୀ ତଳେ ଏହି ଦୁଇ ସହରକୁ ସଂଯୁକ୍ତ କରିବ ଟନେଲ ।ମେଟ୍ରୋ ଟ୍ରେନ ଉଦଘାଟନ ପରେ ସ୍କୁଲ ଛାତ୍ରଛାତ୍ରୀଙ୍କ ସହ ମେଟ୍ରୋ ଟ୍ରେନରେ ଯାତ୍ରା କରିଥିଲେ ପ୍ରଧାନମନ୍ତ୍ରୀ । ମୋଦୀଙ୍କ ସହ ଯାତ୍ରା କରିବା ପରେ ଖୁସି ପ୍ରକାଶ କରିଛନ୍ତି । ଛାତ୍ରଛାତ୍ରୀ ଅଣ୍ଡରୱାଟର ମେଟ୍ରୋ ପୂର୍ବ-ପଶ୍ଚିମ କରିଡର ପ୍ରକଳ୍ପର ଏକ ଭାଗ ଅଟେ ।