ପରୀକ୍ଷା ପୂର୍ବରୁ ପଦାରେ ବୁଲିଲା ପ୍ରଶ୍ନପତ୍ର: ପରୀକ୍ଷାରୁ ବଞ୍ଚିତ ହେଲେ ପ୍ରାୟ ୫ ହଜାର ଛାତ୍ରଛାତ୍ରୀ
କନକ ବ୍ୟୁରୋ: ଆରମ୍ଭ ହେବାର ୨୦ ମିନିଟ ପରେ ପରୀକ୍ଷା ବନ୍ଦ ହେବାରୁ ଛାତ୍ର ଛାତ୍ରୀଙ୍କ ନାରାବାଜି । ସମ୍ବଲପୁର ବିଶ୍ୱବିଦ୍ୟାଳୟ ଅଧୀନରେ ଥିବା ୨୦୫ କଲେଜରେ ପରୀକ୍ଷା ପୂର୍ବରୁ ପ୍ରଶ୍ନପତ୍ର ଭାଇରାଲ ହେବାରୁ ଅଧାରୁ ବାତିଲ ହେଲା ଏଜୁକେସନ ଅନର୍ସ ବିଷୟରେ ପରୀକ୍ଷା । ଫଳରେ ହଇରାଣ ହେଲେ ପାଖାପାଖି ୫ ହଜାର ଛାତ୍ରଛାତ୍ରୀ । ବୁଧବାରଠାରୁ ସମ୍ବଲପୁର ବରଗଡ ସହ ଅନ୍ୟାନ୍ୟ ସ୍ଥାନରେ ଘୂରି ବୁଲୁଥିଲା ଏହି ପ୍ରଶ୍ନପତ୍ର । ଗୁରୁବାର ପରୀକ୍ଷା ସମୟରେ ଛାତ୍ରଛାତ୍ରୀଙ୍କୁ ଦିଆଯାଇଥିବା ପ୍ରକୃତ ପ୍ରଶ୍ନପତ୍ର ସହ ଏହା ସମାନ ଥିବା ଜଣା ପଡିବା ପରେ ପରୀକ୍ଷାକୁ ବାତିଲ କରାଯାଇଛି । ଯାହାକୁ ନେଇ ବିଭିନ୍ନ କଲେଜରେ ଅସନ୍ତୋଷ ଦେଖାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗରୁତ୍ୱପୂର୍ଣ୍ଣ କଥା ହେଉଛି ପ୍ରଶ୍ନପତ୍ର ତିଆରି କରିଥିବା ପ୍ରଫେସର ଏହା ପ୍ରଘଟ ହେବା ପଛର କାର୍ପୋଟଦାର ବୋଲି କୁହାଯାଉଛି । ଘଟଣାର ତଦନ୍ତ କରିବା ପାଇଁ ବିଶ୍ୱବିଦ୍ୟାଳୟ କର୍ତୃପକ୍ଷ ୩ ଜଣିଆ କମିଟି ଗଠନ କରି କରିଛନ୍ତି । ଆସନ୍ତା ଦୁଇ ତିନି ଦିନ ଭିତରେ ପୁଣି ଥରେ ପରୀକ୍ଷା କରାଯିବ ବୋଲି କହିଛନ୍ତି ପରୀକ୍ଷା ନିୟନ୍ତ୍ରକ । ସନ୍ଦେହ ଘେରରେ ଥିବା ପ୍ରଫେସରଙ୍କୁ ସମସ୍ତ ପ୍ରକାର ପରୀକ୍ଷା ସମ୍ପର୍କିତ କାର୍ଯ୍ୟରୁ ବାଦ ଦିଆଯାଇଥିବା କହିଛନ୍ତି କର୍ତୃପକ୍ଷ ।